ལེའུ་བཅུ་གཉིས་པ།
ཕམ་པར་བརྒྱབ་པའི་རྒྱལ་པོ་རྣམས་ཀྱི་མིང་ཐོ།
1 འདི་དག་ནི་ཡེས་ར་ཨེལ་པ་རྣམས་ཀྱིས་ཡོར་དན་གཙང་པོའི་ཕ་རོལ་ཏུ་ཉི་མ་ཤར་སའི་ཕྱོགས་སུ་རྒྱལ་པོ་གཉིས་ཕམ་པར་བརྒྱབ་ནས་ཁོ་རྣམས་ཀྱི་ས་བདག་ཏུ་བཟུང་བ་སྟེ། ཨར་ནོན་གྲོག་མོ་ནས་ཧེར་མོན་རི་བོའི་བར་དང་། དེར་མ་ཟད་ཤར་ཕྱོགས་ཀྱི་ཨ་ར་པཱ་ཡུལ་ཐམས་ཅད་ཡིན་ནོ། །
2 རྒྱལ་པོ་དེ་གཉིས་ཀྱི་གཅིག་ནི་ཧེ་སི་པོན་དུ་གནས་པའི་ཨེ་མོར་པའི་རྒྱལ་པོ་སི་ཧོན་ཡིན་ཏེ། ཁོའི་མངའ་འོག་གི་ཡུལ་ནི་ཨར་ནོན་ལུང་པའི་འགྲམ་གྱི་ཨ་རོ་ཨེར་དང་གྲོག་རོང་གི་དབུས་རྒྱུད་དང་། དེ་མིན་གིལ་ཨད་ཀྱི་ཕྱེད་ཀ་ནས་ཨམ་མོན་པའི་ས་མཚམས་ཡིན་པའི་ཡཱབ་པོག་ཆུ་བོ་བར་དང་།
3 ཡོར་དན་གཙང་པོའི་ཤར་ཕྱོགས་ཀྱི་ཨ་ར་པཱ་ནས་ཀིན་ནེ་རོད་ཀྱི་མཚོ་བར་དང་། ཡང་ཨ་ར་པཱའི་མཚོ་སྟེ་ཚྭ་མཚོ་བར། པེད་ཡེ་ཤི་མོད་དུ་འགྲོ་བའི་ལམ་དང་ལྷོ་ཕྱོགས་ནས་ཕིས་ག་རི་འདབས་བར་དུ་ཡིན་ནོ། །
4 ཡང་ཅིག་ཤོས་པཱ་ཤན་གྱི་རྒྱལ་པོ་ཨོག་ཅེས་པ་ཡིན་ཏེ། ཁོ་ནི་རེ་པཱ་པ་མཐའ་མ་ཡིན་ལ། ཨ་ཤཱ་ཐ་རོད་དང་ཨེ་དྲེ་ཨི་རུ་གནས་པ་ཡིན།
5 ཁོའི་མངའ་འོག་གི་ཡུལ་ནི་རི་བོ་ཧེར་མོན་དང་སལ་ཀཱ། པཱ་ཤན་ཡུལ་ཐམས་ཅད་ནས་གེ་ཤུར་པ་དང་མ་ཨ་ཀཱ་པ་རྣམས་ཀྱི་ས་མཚམས་བར་དང་། དེ་མིན་གིལ་ཨད་ཀྱི་ཕྱེད་ཀ་ནས་ཧེ་སི་པོན་གྱི་རྒྱལ་པོ་སི་ཧོན་གྱི་ས་མཚམས་བར་དུ་ཡིན་ནོ། །
6 རྒྱལ་པོ་དེ་གཉིས་ནི་དཀོན་མཆོག་ཡ་ཝཱེའི་ཞབས་ཕྱི་མོ་ཤེ་དང་ཡེས་ར་ཨེལ་པ་རྣམས་ཀྱིས་ཕམ་པར་བརྒྱབ་པ་ཡིན་ལ། དཀོན་མཆོག་ཡ་ཝཱེའི་ཞབས་ཕྱི་མོ་ཤེ་ཡིས་ཁོ་ཚོའི་ཡུལ་རྣམས་རུ་བེན་པ་དང་གཱ་རྡུ་པ་རྣམས་དང་། མཱ་ན་ཤེའི་ཚོ་པ་ཕྱེད་ཀ་ལ་ས་སྐལ་དུ་གནང་བ་ཡིན་ནོ། །
ཡོ་ཤུ་ཨ་ཡིས་རྒྱལ་པོ་རྣམས་ཕམ་པར་བརྒྱབ་པ།
7 ཡོ་ཤུ་ཨ་དང་ཡེས་ར་ཨེལ་པ་རྣམས་ཀྱིས་ཡོར་དན་གཙང་པོའི་ནུབ་ཏུ་རྒྱལ་པོ་རྣམས་ཕམ་པར་བརྒྱབ་པ་དང་། ཁོ་རྣམས་ཀྱི་ཡུལ་ནི་ལེ་པཱ་ནོན་ལུང་པའི་པཱ་ཨལ་གཱ་རྡུ་ནས་སེ་ཨིར་ལ་འགྲོ་བའི་རི་བོ་ཧ་ལཱ་བར་ཡིན། ཡོ་ཤུ་ཨ་ཡིས་ཡེས་ར་ཨེལ་ཚོ་པའི་རུས་རྒྱུད་ལྟར་ཡུལ་དེ་ཁོ་རྣམས་ལ་ས་སྐལ་དུ་བགོས་པ་སྟེ།
8 ཧེད་པ་དང་ཨེ་མོར་པ། ཀ་ན་ཨན་པ། ཕེ་རེ་ཟི་པ། ཧེ་བི་པ། ཡེ་བུ་སི་པ་བཅས་ཀྱི་རི་ཁུལ་དང་རི་ཀླུང་། ཨ་ར་པཱ། རི་ལྡེབས། དབེན་སྟོང་། ནེ་གུབ་ཡུལ་བཅས་ཡིན་ནོ། །
9 རྒྱལ་པོ་རྣམས་ནི་འདི་ལྟ་སྟེ། གཅིག་ནི་ཡེ་རུ་ཀོ་ཡི་རྒྱལ་པོ་དང། གཅིག་ནི་པེད་ཨེལ་ལ་ཉེ་བའི་ཨེ་ཡུ་གྲོང་ཁྱེར་གྱི་རྒྱལ་པོ།
10 གཅིག་ནི་ཡེ་རུ་སཱ་ལེམ་གྱི་རྒྱལ་པོ། གཅིག་ནི་ཧེབ་རོན་གྱི་རྒྱལ་པོ།
11 གཅིག་ནི་ཡར་མུད་ཀྱི་རྒྱལ་པོ། གཅིག་ནི་ལཱ་ཀི་སིའི་རྒྱལ་པོ།
12 གཅིག་ནི་ཨེག་ལོན་གྱི་རྒྱལ་པོ། གཅིག་ནི་གེ་ཟེར་གྱི་རྒྱལ་པོ།
13 གཅིག་ནི་དི་བིར་གྱི་རྒྱལ་པོ། གཅིག་ནི་གེ་དེར་གྱི་རྒྱལ་པོ།
14 གཅིག་ནི་ཧོར་མཱའི་རྒྱལ་པོ། གཅིག་ནི་ཨ་རད་ཀྱི་རྒྱལ་པོ།
15 གཅིག་ནི་ལིབ་ནཱ་ཡི་རྒྱལ་པོ། གཅིག་ནི་ཨ་དུལ་ལཱམ་གྱི་རྒྱལ་པོ།
16 གཅིག་ནི་མག་ཀེ་དཱའི་རྒྱལ་པོ། གཅིག་ནི་པེད་ཨེལ་གྱི་རྒྱལ་པོ།
17 གཅིག་ནི་ཏ་ཕུ་ཨའི་རྒྱལ་པོ། གཅིག་ནི་ཧེ་ཕེར་གྱི་རྒྱལ་པོ།
18 གཅིག་ནི་ཨ་ཕེག་གི་རྒྱལ་པོ། གཅིག་ནི་ལ་ཤཱ་རོན་གྱི་རྒྱལ་པོ།
19 གཅིག་ནི་མ་དོན་གྱི་རྒྱལ་པོ། གཅིག་ནི་ཧ་ཟོར་གྱི་རྒྱལ་པོ།
20 གཅིག་ནི་ཤིམ་རོན་མེ་རོན་གྱི་རྒྱལ་པོ། གཅིག་ནི་ཨག་ཤབ་ཀྱི་རྒྱལ་པོ།
21 གཅིག་ནི་ཐ་ཨ་ནག་གི་རྒྱལ་པོ། གཅིག་ནི་མེ་གིད་དོའི་རྒྱལ་པོ།
22 གཅིག་ནི་ཀེ་དེ་སིའི་རྒྱལ་པོ། གཅིག་ནི་ཀར་མེལ་དང་ཉེ་བའི་ཡོག་ནེ་ཨམ་གྱི་རྒྱལ་པོ།
23 གཅིག་ནི་དཱོར་དེའུ་འབུར་དུ་ཡོད་པའི་དཱོར་གྱི་རྒྱལ་པོ། གཅིག་ནི་གིལ་གལ་དུ་ཡོད་པའི་གོ་ཡིམ་གྱི་རྒྱལ་པོ།
24 གཅིག་ནི་ཐིར་ཚའི་རྒྱལ་པོ་སྟེ་བསྡོམས་པས་རྒྱལ་པོ་སོ་གཅིག་ཡིན་ནོ། །