ལེའུ་གསུམ་པ།
ཡེ་རུ་སཱ་ལེམ་གྱི་མཁར་གྱང་ཉམས་གསོ་བྱས་པ།
1 དེ་ནས་མཆོད་དཔོན་ཆེན་པོ་ཨེལ་ཡཱ་ཤིབ་དང་རང་གི་སྤུན་མཆོད་དཔོན་རྣམས་ཡར་ལངས་ནས་ལུག་སྒོ་བརྩིགས་ཏེ་དམ་པར་བྱས་ཤིང་སྒོ་བཙུགས་ནས་ཧམ་མེ་ཨའི་མཁར་སྒོ་བར་དུ་དམ་པར་བྱས་པ་དང་། དེ་དག་གིས་ཡང་ཧ་ནན་ཨེལ་གྱི་མཁར་བར་དུ་དམ་པར་བྱས་སོ། །
2 དེ་ཡི་ཉེ་འགྲམ་དུ་ཡེ་རུ་ཀོ་པས་བརྩིགས། དེའི་ཉེ་འགྲམ་དུ་ཨིམ་རིའི་བུ་ཟག་ཀུར་གྱིས་བརྩིགས་སོ། །
3 ཧ་སེ་ན་ཨའི་བུ་རྒྱུད་རྣམས་ཀྱིས་ཉ་སྒོ་བརྩིགས་པ་དང་། དེའི་གདུང་མ་རྣམས་བཀྲམས་ཏེ་སྒོ་བཙུགས་ནས་སྒོ་གཏན་དང་ཟྭ་རྣམས་ཀྱང་བཟོས་སོ། །
4 དེ་དག་གི་ཉེ་འགྲམ་དུ་ཉམས་གསོ་མཛད་མཁན་ནི་ཧག་ཀོས་ཀྱི་ཚ་བོའམ་ཨུ་རི་ཡཱའི་བུ་མེ་རེ་མོད་དང་། དེ་དག་གི་ཉེ་འགྲམ་དུ་ཉམས་གསོ་མཛད་མཁན་ནི་མེ་ཤེ་ཟ་བེ་ཨེལ་གྱི་ཚ་བོའམ་པེ་རེག་ཡཱའི་བུ་མཱེ་ཤུལ་ལིམ་དང་། དེ་དག་གི་ཉེ་འགྲམ་དུ་ཉམས་གསོ་མཛད་མཁན་ནི་པ་ཨ་ནཱའི་བུ་ཟཱ་ཏོག་ཡིན་ནོ། །
5 དེ་དག་གི་ཉེ་འགྲམ་དུ་ཉམས་གསོ་མཛད་མཁན་ནི་ཐེ་ཀོ་ཨ་པ་ཡིན། འོན་ཀྱང་དེ་དག་གི་སྐུ་དྲག་རྣམས་ཀྱིས་རང་གི་གཙོ་བོའི་ལས་ཕྲག་ལ་མ་འཁུར་ཏོ། །
6 ཕཱ་སེ་ཨའི་བུ་ཡོ་ཡ་དཱ་དང་། པེ་སོད་ཡཱའི་བུ་མཱེ་ཤུལ་ལིམ་གཉིས་ཀྱིས་སྒོ་རྙིང་དེ་ཉམས་གསོ་མཛད་དེ། དེའི་གདུང་མ་བཀྲམས་ནས་སྒོ་བཙུགས། ཟྭ་དང་སྒོ་གཏན་བཟོས་སོ། །
7 ཡང་དེ་དག་གི་ཉེ་འགྲམ་དུ་ཉམས་གསོ་མཛད་མཁན་ནི་གིབ་ཡོན་པ་མེ་ལད་ཡཱ་དང་། མེ་རོ་ནོད་པ་ཡ་དོན་དང་། གིབ་ཡོན་པ་དང་གཙང་པོའི་ཚུ་རོལ་གྱི་སྤྱི་དཔོན་མངའ་འོག་གི་མཱས་ཟི་ཕཱ་པ་བཅས་སོ། །
8 དེའི་ཉེ་འགྲམ་དུ་ཉམས་གསོ་མཛད་མཁན་ནི་ཧར་ཧ་ཡའི་བུ་དངུལ་མགར་ཨུ་ཟི་ཨེལ་དང་། ཡང་དེའི་ཉེ་འགྲམ་དུ་ཉམས་གསོ་མཛད་མཁན་ནི་སྤོས་བཟོ་མཁན་ཧ་ནན་ཡཱ་ཡིན་ལ། ཡེ་རུ་སཱ་ལེམ་གྱི་མཁར་གྱང་ཞེང་ཆེན་བྱ་བའི་བར་དུ་ཉམས་གསོ་མཛད་དོ། །
9 དེ་དག་གི་ཉེ་འགྲམ་དུ་ཉམས་གསོ་མཛད་མཁན་ནི་ཡེ་རུ་སཱ་ལེམ་གྲོང་ཁྱེར་ཕྱེད་ཀར་བདག་འཛིན་བྱེད་མཁན་ཏེ་ཧུར་གྱི་བུ་རེ་ཕ་ཡཱ་དང་།
10 དེ་དག་གི་ཉེ་འགྲམ་དུ་ཉམས་གསོ་མཛད་མཁན་ནི་ཧ་རུ་མབ་ཀྱི་བུ་ཡེ་དཱ་ཡ་ཡིན་ལ། རང་གི་ཁང་པའི་ཁ་གཏད་དུ་ཉམས་གསོ་མཛད་དོ། །དེའི་ཉེ་འགྲམ་དུ་ཉམས་གསོ་མཛད་མཁན་ནི་ཧ་ཤབ་ནེ་ཡཱའི་བུ་ཧད་ཏུས་ཡིན།
11 ཧ་རིམ་གྱི་བུ་མལ་ཀི་ཡཱ་དང་། ཕཱ་ཧད་མོ་ཨབ་ཀྱི་བུ་ཧ་ཤུབ་གཉིས་ཀྱིས་ཁག་རྗེས་མ་དང་ཐབ་ཚང་ཉམས་གསོ་མཛད་དོ། །
12 དེའི་ཉེ་འགྲམ་དུ་ཉམས་གསོ་མཛད་མཁན་ནི་ཡེ་རུ་སཱ་ལེམ་གྲོང་ཁྱེར་ཕྱེད་ཀའི་བདག་གཉེར་པ་ཧ་ལོ་ཧེས་ཀྱི་བུ་ཤལ་ལུམ་དང་ཁོའི་བུ་མོ་རྣམས་ཡིན་ནོ། །
13 ཧ་ནུན་དང་ཟཱ་ནོ་ཨ་པ་རྣམས་ཀྱིས་ལུང་སྒོ་ཉམས་གསོ་མཛད་ནས། སྒོ་བཙུགས་ཏེ་སྒོ་གཏན་དང་སྒོ་ཟྭ་རྣམས་བཟོས་པ་དང་། ཡང་མཁར་གྱང་ཁྲུ་ཆིག་སྟོང་ཙམ་ལྕི་བའི་སྒོ་བར་དུ་བརྡུངས་སོ། །
14 པེད་ཧག་ཀེ་རེམ་ཡུལ་གྱི་བདག་གཉེར་པ་སྟེ། རེ་ཁབ་ཀྱི་བུ་མལ་ཀི་ཡཱས་ལྕི་བའི་སྒོ་ཉམས་གསོ་མཛད་ཅིང་། ཁོས་སྒོ་བཙུགས་ཏེ་སྒོ་གཏན་དང་ཟྭ་རྣམས་བཟོས་སོ། །
15 མཱས་ཟི་ཕཱ་ཡུལ་གྱི་བདག་གཉེར་པ་སྟེ། ཀོལ་ཧོ་ཟེའི་བུ་ཤལ་ལུན་གྱིས་ཆུ་མིག་གི་སྒོ་ཉམས་གསོ་མཛད་ནས། ཁོས་སྒོ་བཙུགས་ཏེ་སྒོ་ཁང་ཕུབས་ཤིང་། སྒོ་གཏན་དང་ཟྭ་རྣམས་བཟོས་སོ། །དེར་མ་ཟད་རྒྱལ་པོའི་སྐྱེད་ཚལ་ཉེ་འགྲམ་གྱི་ཤི་ལོ་ཨའི་རྫིང་བུའི་མཁར་གྱང་དང་། དཱ་བིད་གྲོང་ནས་མར་འབབ་སའི་ཐེམ་པའི་བར་དུ་བརྩིགས་སོ། །
16 དེ་དང་མུ་མཐུད་དུ་པེད་ཚུར་ཡུལ་ཕྱེད་ཀའི་བདག་གཉེར་པ་སྟེ། ཨས་བུག་གི་བུ་ནེ་ཧེམ་ཡཱས་ནི་དཱ་བིད་ཀྱི་དུར་སའི་ཁ་གཏད་དང་། མིས་བཟོས་རྫིང་བུ་དང་དཔའ་བོའི་དམག་སྒར་བར་དུ་ཉམས་གསོ་མཛད་དོ། །
མཁར་གྱང་རྩིག་པའི་ལེ་ཝི་པ་རྣམས།
17 དེ་དང་མུ་མཐུད་དུ་ཉམས་གསོ་མཛད་མཁན་ནི་ལེ་ཝི་པ་པཱ་ནིའི་བུ་རེ་ཧུམ་དང་། ཁོའི་ཉེ་འགྲམ་དུ་ཀེ་ཨི་ལཱའི་ཡུལ་ཕྱེད་ཀའི་བདག་གཉེར་པ་སྟེ་ཧ་ཤབ་ཡཱ་ཡིས་ཡུལ་དེའི་ཆེད་དུ་ཉམས་གསོ་མཛད།
18 དེ་དང་མུ་མཐུད་དུ་ཉམས་གསོ་མཛད་མཁན་ནི་དེ་དག་གི་སྤུན་རྣམས་ལས། ཀེ་ཨི་ལཱའི་ཡུལ་གཞན་ཕྱེད་ཀའི་བདག་གཉེར་པ་སྟེ་ཧེ་ན་དད་ཀྱི་བུ་པུ་ཝ་ཨིས་ཉམས་གསོ་མཛད།
19 ཁོའི་ཉེ་འགྲམ་དུ་མཱས་ཟི་ཕཱ་ཡི་བདག་གཉེར་པ་སྟེ། ཡེ་ཤུ་ཨའི་བུ་ཨེ་ཟེར་གྱིས་ཡར་མཚོན་ཆའི་ཁང་པར་འགྲོ་སའི་ཁ་གཏད་ཀྱི་མཁར་གྱང་ཁག་རྗེས་མ་དེ་དཀྱོགས་མཚམས་བར་དུ་ཉམས་གསོ་མཛད།
20 དེ་དང་མུ་མཐུད་དུ་ཟབ་བ་ཨིའི་བུ་པཱ་རུག་གིས་སྙིང་རུས་བསྐྱེད་དེ་ཁག་རྗེས་མ་ཉམས་གསོ་མཛད་དེ། དཀྱོགས་མཚམས་ནས་མཆོད་དཔོན་ཆེན་པོ་ཨེལ་ཡཱ་ཤིབ་ཀྱི་ཁང་པའི་སྒོ་བར་དུ་ཉམས་གསོ་མཛད་དོ། །
21 དེ་དང་མུ་མཐུད་དུ་ཧག་ཀོས་ཀྱི་བུ་ཨུ་རི་ཡཱའི་བུ་མེ་རེ་མོད་ཀྱིས་ཁག་རྗེས་མ་ཉམས་གསོ་མཛད། དེ་ནི་ཨེལ་ཡཱ་ཤིབ་ཀྱི་ཁང་པའི་སྒོ་ནས་ཨེལ་ཡཱ་ཤིབ་ཀྱི་ཁང་པའི་མཇུག་བར་དུ་ཡིན་ནོ། །
22 དེ་དང་མུ་མཐུད་དུ་ཉམས་གསོ་མཛད་མཁན་ནི་ཐང་དུ་གནས་པའི་མཆོད་དཔོན་རྣམས་ཡིན་ནོ། །
མཁར་གྱང་རྩིག་པའི་མཆོད་དཔོན་རྣམས།
23 དེ་དང་མུ་མཐུད་དུ་པེན་ཡཱ་མེན་དང་ཧ་ཤུབ་གཉིས་ཀྱིས་རང་གི་ཁང་པའི་ཁ་གཏད་ནས་ཉམས་གསོ་མཛད། དེ་ནས་ཨ་ནན་ཡཱའི་ཚ་བོའམ་མ་ཨ་སེ་ཡཱའི་བུ་ཨ་ཟར་ཡཱས་རང་ཁྱིམ་གྱི་ཉེ་འཁོར་ནས་ཉམས་གསོ་མཛད།
24 ཁོའི་རྗེས་ནས་ཧེ་ན་དད་ཀྱི་བུ་པིན་ནུ་ཨིས་ཁག་རྗེས་མ་ཉམས་གསོ་མཛད། དེ་ནི་ཨ་ཟར་ཡཱའི་ཁང་པའི་དཀྱོགས་མཚམས་བར་དང་། ཡང་གྲོང་ཁྱེར་གྱི་གྲུ་ཟུར་བར་དུ་ཉམས་གསོ་མཛད་དོ། །
25 ཨུ་ཟཱ་ཨིའི་བུ་ཕཱ་ལལ་གྱིས་མཁར་གྱང་གི་དཀྱོགས་མཚམས་དང་རྒྱལ་པོའི་ཕོ་བྲང་གི་ཉེ་འགྲམ་གྱི་བཙོན་ཁང་གི་ར་སྐོར་དང་། རྒྱལ་པོའི་ཕོ་བྲང་སྟེང་གི་འབུར་དུ་ཐོན་པའི་མཁར་ཁང་བཅས་ཉམས་གསོ་མཛད། དེའི་རྗེས་སུ་ཕཱར་ཨོ་སིའི་བུ་ཕེ་ད་ཡཱ་ཡིན་པ་དང་།
26 མཆོད་གཡོག་རྣམས་ནི་ཨོ་ཕེལ་དུ་བསྡད་ཅིང་། ཤར་ཕྱོགས་སུ་ཆུ་སྒོའི་ཁ་གཏད་དང་འབུར་དུ་ཐོན་པའི་མཁར་ཁང་གི་བར་དུ་མཁར་གྱང་ཉམས་གསོ་མཛད།
27 དེ་དང་མུ་མཐུད་དུ་ཐེ་ཀོ་ཨ་པས་ཁག་རྗེས་མ་ཉམས་གསོ་མཛད་པ་སྟེ། འབུར་དུ་ཐོན་པའི་མཁར་ཁང་ཆེན་པོར་ཁ་གཏད་ནས་ཨོ་ཕེལ་གྱི་མཁར་གྱང་བར་དུ་ཉམས་གསོ་མཛད་དོ། །
28 རྟ་སྒོ་ནས་ཡར་ལ་མཆོད་དཔོན་རྣམས་ཀྱིས་རང་ཉིད་ཀྱི་ཁང་པའི་མདུན་དུ་ཉམས་གསོ་མཛད་དོ། །
29 དེ་དང་མུ་མཐུད་དུ་ཨིམ་མེར་གྱི་བུ་ཟཱ་ཏོག་གིས་རང་ཉིད་ཀྱི་ཁང་པའི་མདུན་དུ་ཉམས་གསོ་མཛད་པ་དང་། དེ་དང་མུ་མཐུད་དུ་ཉམས་གསོ་མཛད་མཁན་ནི་ཤར་སྒོ་སྲུང་མཁན་ཤེ་ཀན་ཡཱའི་བུ་ཤེ་མ་ཡཱ་ཡིན་ནོ། །
30 ཁོའི་རྗེས་ནས་ཤེ་ལེམ་ཡཱའི་བུ་ཧ་ནན་ཡཱ་དང་ཙ་ལབ་ཀྱི་བུ་དྲུག་པ་ཧ་ནུན་གྱིས་ཁག་རྗེས་མ་ཉམས་གསོ་མཛད། དེའི་རྗེས་སུ་པེ་རེག་ཡཱའི་བུ་མཱེ་ཤུལ་ལིམ་གྱིས་རང་ཉིད་ཀྱི་ཁང་པའི་མདུན་ནས་ཉམས་གསོ་མཛད་དོ། །
31 དེའི་རྗེས་ནས་དངུལ་མགར་མལ་ཀི་ཡཱས་ཉམས་གསོ་མཛད། མཆོད་ཁང་གི་མཆོད་གཡོག་དང་ཚོང་པའི་ཁང་པ་མིབ་ཀད་ཟེར་བའི་སྒོར་གཏད་དེ་གྲུ་ཟུར་གྱི་ཁང་པའི་བར་དུ་གཏུགས།
32 དངུལ་མགར་དང་ཚོང་པས་གྲུ་ཟུར་གྱི་ཁང་པ་དང་ལུག་སྒོ་བར་དུ་ཉམས་གསོ་མཛད་དོ། །