ལེའུ་ཉེར་གཅིག༌པ།
1 རྒྱལ་པོའི་སེམས་ནི་ཡ་ཝཱེའི་ཕྱག་ཏུ༌ཡོད། །ཡུར་བའི་ཆུ་བཞིན་ཁོང་ཐུགས་དགྱེས་སར༌བསྒྱུར།།
2 རང་གི་མིག་ལམ་ཅི་བྱས་ཐམས་ཅད༌དྲང༌། །ཡ་ཝཱེས་མི་སེམས་སྲང་ལ་འཇལ་བ༌ཡིན།།
3 ཡང་དག་དང་ནི་དྲང་གཞག་སྤྱོད་པ༌ནི། །མཆོད་པ་ལས་ཀྱང་ཡ་ཝཱེ་དེ་ལ༌མཉེས།།
4 དྲེགས་ཉམས་ལྡན་པའི་མིག་དང་ཁེངས་པའི༌སེམས། །ངན་པའི་སྒྲོན་མེ་བཅས་ནི་སྡིག་པ༌ཡིན།།
5 བརྩོན་པ་ཅན་གྱི་འཆར་གཞིས་ཁེ་ཕན༌རག །འཚབ་འཚུབ་ངང་ནས་སྤྱོད་པ་ཕོངས་པར༌འགྱུར།།
6 རྫུན་ལ་བརྟེན་ནས་ཐོབ་པའི་རྒྱུ་ནོར༌ནི། །རླངས་པ་ཙམ་དང་འཆི་བའི་རྙི་རྒྱ༌ཡིན།།
7 ངན་པས་དྲང་གཞག་སྤྱོད་པ་མ་འདོད༌ཕྱིར། །དེ་ཡི་གདུག་རྩུབ་ཀྱིས་ནི་རང་ཉིད༌འདྲུད།།
8 ཉེས་ཅན་ལམ་ནང་གཡོ་སྒྱུས་གང་བ༌དང༌། །ཉེས་མེད་ཅན་གྱི་སྤྱོད་ལམ་དྲང་པོ༌ཡིན།།
9 བུད་མེད་འཁོན་ཞུགས་མཉམ་དུ་ཁང་པར་སྡོད་པ༌ལས། །ཁང་པའི་ཀླད་ཀྱི་གྲུ་ཟུར་སྡོད་པ་ཅིས་མི༌ལེགས།།
10 ངན་པའི་སེམས་ཀྱིས་ངན་པ་འབའ་ཞིག༌བསྙེག །མིག་མདུན་ཁྱིམ་མཚེས་ལ་ནི་སྙིང་རྗེ༌མེད།།
11 འཕྱ་སྨོད་མཁན་ལ་ཉེས་ཆད་གཅོད་དུས༌སུ། །བླུན་རྨོངས་རྣམས་ལ་ཤེས་རབ་འཐོབ་པར༌འགྱུར། །མཁས་པར་གདམས་ངག་ཐོབ་དུས་ཤེས་ཡོན༌རྙེད།།
12 དྲང་བ་ཉིད་ཀྱིས་ངན་པའི་ཁྱིམ་ལ༌གཟིགས། །ངན་པ་ཆག་སྒོ་ཁྲོད་དུ་མེད་པར༌མཛད།།
13 དབུལ་པོའི་ཞུ་བར་རྣ་བ་འགེབ་མཁན༌གྱིས། །ཞུ་འབོད་བྱེད་དུས་ཨ་ལན་སྟེར་བ༌མེད།།
14 ལྐོག་ནས་སྤྲད་པའི་སྐྱེས་ཀྱིས་ཁོང་ཁྲོ༌འཇོམས། །པང་གི་ལྐོག་རྔན་གྱིས་ནི་ཁོང་ཁྲོ༌ཞི།།
15 དྲང་གཞག་སྤྱོད་པས་དྲང་པོ་དགའ་བར༌བྱེད། །ངན་པར་སྤྱོད་པ་རྣམས་ལ་འཇིགས་སྣང༌བསྐྱེད།།
16 གོ་རྟོགས་ལམ་ལས་འཛོལ་བའི་མི་དེ༌ནི། །གཤིན་པོ་རྣམས་ཀྱི་ཚོགས་ནང་ཚུད་པར༌འགྱུར།།
17 འདོད་ཡོན་ལ་ནི་ཆགས་པ་དབུལ་བར༌འགྱུར། །རྒུན་ཆང་སྣུམ་རྩིར་ཆགས་པ་ཕྱུག་མི༌འགྱུར།།
18 ངན་པ་དྲང་པོའི་བླུ་རིན་དུ་འགྱུར༌ཞིང༌། །གཡོ་སྒྱུ་ཅན་ནི་ཡ་རབས་ཚབ་བྱེད༌ཡིན།།
19 བུད་མེད་འཁོན་ཞུགས་ངང་ཐུང་མཉམ་དུ༌ནི། །སྡོད་པ་དེ་ལས་ཐང་སྟོང་གནས་ན༌ལེགས།།
20 མཁས་པ་དག་གི་ཁྱིམ་གཞིས༌སུ། །རིན་ཆེན་ནོར་དང་སྣུམ་བསགས༌ཡོད། །གླེན་པས་རང་ལ་གང་ཡོད༌བརླག།
21 དྲང་གཞག་དང་ནི་བྱམས་བརྩེ་སྙེག་མཁན༌ལ། །སྲོག་དང་དྲང་གཞག་བཀུར་སྟི་བཅས་འཐོབ༌བོ།།
22 མཁས་པས་དཔའ་བོའི་གྲོང་ལ་གཡུལ་འགྱེད༌ཅིང༌། །དེ་རྣམས་བརྟེན་སའི་བཙན་རྫོང་ས་ལ༌བརྡེབ།།
23 རང་གི་ཁ་དང་ལྕེ་ལ་བདག་བྱེད༌ན། །རང་ཉིད་ཆག་སྒོར་འཕྲད་པ་ལས་བསྲུང༌ངོ༌།།
24 ང་རྒྱལ་རང་རློམ་བྱེད་པ༌ཡི། །མིང་ལ་འཕྱ་སྨོད་མཁན་ཞེས༌བྱ། །ཁེངས་དྲེགས་དང་བཅས་སྤྱད་པ༌སྤྱོད།།
25 ལེ་ལོ་ཅན་གྱིས་ལས་ཀ་མི་བྱེད་པས། །དེ་ཡི་འདུན་མས་རང་ཉིད་འགུམ་པ༌འོ།།
26 ལ་ལས་ཉི་མ་ཧྲིལ་པོར་བརྣབས་སེམས༌བསྐྱེད། །དྲང་པོས་ཕངས་པ་གང་ཡང་མེད་པར༌སྦྱིན།།
27 ངན་པའི་མཆོད་པར་ཡ་ཝཱེ་ཞེན་ལོག༌སྟེ། །སེམས་ངན་བཅངས་ནས་ཕུལ་བར་ལྟ་ཅི༌སྨོས།།
28 དཔང་བོ་རྫུན་མ་བྱེད་པ་རྩ་མེད༌འགྲོ། །ཐོས་པ་ཟབ་མོའི་གཏམ་ནི་ཡུན་རིང༌གནས།།
29 ངན་པའི་ངོ་ཤ་མཐུག་ཅིང་གནོང་བ༌མེད། །འོན་ཀྱང་དྲང་པོས་རང་ལམ་བརྟན་པར༌བྱ།།
30 ཤེས་རབ་བློ་གྲོས་ཐབས་ཇུས་གང་ཡིན༌ཡང༌། །ཡ་ཝཱེ་ཁོང་ལ་རྒོལ་ནུས་ཡོད་མ༌ཡིན།།
31 རྟ་ཕོ་འཐབ་མོའི་ཕྱིར་དུ་གྲ་སྒྲིག༌བྱས། །རྒྱལ་ཁ་ཡ་ཝཱེ་ཁོང་ལ་རག་ལས༌སོ།།