14
Máh Cũai Loâi Cớp Sacũl
1 Cũai sacũl dốq chanchớm neq: “Lứq tỡ bữn bữn Yiang Sursĩ!”
Alới táq ranáq nhơp la‑ỡq, cớp tỡ bữn cũai aléq táq ranáq o.
2 Yiang Sursĩ tapoang asễng tễ paloŏng chu cũai tâng cốc cutễq nâi.
Án yoc ễ dáng, bữn ma tỡ bữn cũai rangoaiq ma yoc ễ sang toam án.
3 Dũ náq cũai bữn lôih machớng nheq.
Tỡ va manoaq táq ranáq tanoang o.
4 Yiang Sursĩ blớh neq: “Cũai sâuq ŏ́q sarnớm chanchớm tỡ? Alới sacũl nheq dũ náq tỡ?
Cũai noâng tamoong tâng dỡi nâi yoc lứq pũr máh cũai proai cứq.
Cớp alới tỡ nai câu sễq ntrớu tễ cứq.”
5 Ma ntun ki, cũai loâi sâng ngcŏh loah bữm, yuaq Yiang Sursĩ ỡt níc cớp nheq tữh cũai ca sa‑âm án.
6 Cũai sâuq catáng ranáq máh cũai túh cadĩt yoc ễ táq.
Ma Yiang Sursĩ rabán curiaq cũai yám noap án.
7 Cứq câu sễq chu Yiang Sursĩ ca ỡt tâng cóh Si-ôn yỗn chuai tỗp I-sarel bữn riap.
Toâq án táq yỗn proai án cỡt sốc bữn loah matoat tiaq, tangái ki nheq tữh tŏ́ng toiq Yacốp cỡt sâng bũi hỡr lứq.