36
Israelchich yusur watsapunish kis taakchusin, anush tputs ichingarusin Apanllee yasachinllina anoo kamankiya
22 Ashiri shiy Esekiyelaa, Israelchichee tángcha. Yuw nuw ashkachi an nda saanamuntari ashtatssa. Itaru, nuwaanamuntari wanasirimshiri ashtachima. Siy nuwaa yutaritaam ínarangitaatis, ashiritaa siyaa tapachindachintspa.
23 Arapchish tputsi taarangus, nuwaa yutaritaam ínarangitaateesa, ashiritaa nuwsha nuwaanaatsi wizpuriri uru tuyamandachima. Ashkachuri, tputssha nuwaa Apanlleetsi yasachinlliniya. Watam nuw Taarashipani atinawa.
24 Nuw siyaa minush tsap taaris anoo tashitungayaruri, washunandsha tushaniyaruri, saanpeetarisha tsapunis machintsa.
25 Mishat, siy yutarishishee chinarangus, apanllputsirimunis mangis taturangus, mangeetsis taminllurtarangis, anoo nuwsha kungupapaz ashiru kupachintspa.
26 Sheeruri, siyash mangishis kaneetsi pshtakchuri, siyaam taarashish kaneesichsha panakchuri, mangis yutaritaatstaa patumbich tamapari ashiru mbamaatstaa, nuwsha tachingachuri, mangeetsis wanasirsha kasachintspa. Ashkachuri, siysa nuwaatsimarisha kuki payukus taatssa.
27 Siyash kaneetsi tapshtukchuri, siy nuwaatsimarisha kuki payukus, nuwaa kamachtamari izuurasha tuminkus taatssa.
28 Ashiri yuwaa nuw siyaam zitaminaris tsapoo panarangi anshuritam taakchus, nuw siyaa tputsireemi ínakchuri, siysa nuwaa Apanllireemis ínatssa.
29 Yutaritash taarus, kiyung kachiykus taarangis, anoo nuwsha tapachindakchuri, kissha taakus, mzarshis tatsumaris tirik zapan kayanaku, anoo katungkus, ndusha marizimun kiyung kachiykus, wanasirsha kis taatssa.
30 Mishat, tatsumaris zapan yusimaam mzarshis wayachima. Ndusha katungats siyaam pshataku, nda siy arapchee tputs pazitssa.
31 Amb ashkachuri, mangeetsis p'tseekchuri, yuwaa mantsir taarus, zapan yutari ashirangis, anoo chinakchus, saanamand yutarishishiris pazitssa.
32 Nuw Apanlli siyaa Israelchicheetsis táchintspa. Kaapaniri mangoonangtsa. ¿Antaati siy wanasir taakis, anumand nuw siyaa istachee? Nda. Anumand kizpur pazikus, mangis mantsakus taangtsa.
33 Apanlleeruri siyaa atashina. Nuw siyaa yutaritshishiris tachingachuri, mapiyshtis saanshutarisha tsapunis taatssa. Yaktaris kapeetampaz ashiritaa taarangu, anoo yusur wanasir yaratssa.
34 Tsapuneetsis kasambarangus, yutaritamuntaa anoo yusur puyakchus, tputs amb napkatssin, wanasirsha yaram pangchinllinaya.
35 Tputssha anoo tsap, In tsap anuritana kasamunawa. Itaru, natsha Edeng watipuranll tamapari ashisha taariya. In yakat anuritana izuuru kapitam maachi ndunar taarangtaa, natsha wanasirsha tputs zapan kizpur taaranaya, táchinllinaya.
36 Ashiri yaktashuch yuw annungiri watsiri taararutaru, nda tsiparangana, anshitisin nuwaa Apanlleetsi Taarashipaneetsi yasachinllinaya, nuw yakat kapeetamaatstaa yusur kizpurinasha wanasir wayachi anootsi. Mishat, yuwaa mazareem wanasiritam wayachitamti anootstam yasachinllinaya. Nuw Apanlli Taarashipani uru amb sheeruri kasachima.
37 Ashiri nuw atina. Uru siyaa Israelchicheetsis aranginasha istachima. Yuwaa mashkis anoo izuuru tatsamchima. Ashkachuri, opeej wazapan waniptarparee aship tiptsirineem izapanichima.
38 Yaktarini izuuru kapeetam, tputs ndunarimuna, anush tputs tatsitachtaya. Irusarinash shambatshishush opeejaa muchimaam yushindakchusin, zapan tatsitangat ashtaru, ashiritam tputssha Irusarinush tatsitchiya. Ashkachi anush, nuwaa Apanlleetsi natstachinlliniya, tángcha, Apanll nuwaa Esekiyelaatsi tárangiya.
Ashiriya, kamaneena yuwaa Israelchich yusur watsapunish kis taakchusin, anush tputs ichingarusin Apanllee yasachinllina anootsi.