13
នាវរ៝ង់មាឞូ
1 លាសគ៝ប់ឞ្លាវនាវងើយទឹងលែៈឞូនុយ្សតានែសនតូអ្យា នទ្រែលមាឞ្លាវនាវងើយតោងពារ់ដ៝ង់ តីសមាគ៝ប់មោគែសអោសនាវរ៝ង់មាឞូ គ៝ប់ជេងតឹមឞានមានតែសងរោងឞូតុរចឹង មោលាសនតែសគ៝ងឞូគ៝សទើម។
2 លាសគ៝ប់ឞ្លាវនតើយ្សនាវងើយកោរាញឞ្រាស នទ្រែលមាគឹតវ៝ត់ទឹងលែៈនទើអីនទ៝ប់មពោនតាកោរាញឞ្រាស នអ៝ប់មាគែសនាវគឹតវ៝ត់អាប់នតីលងាន់ ជេសរីលាសគ៝ប់គែសនាវញឆីងទុតក្វ៝ង់ទើយដាៈយោកទូឞើសនតុកអ្យាគុនតុកអេង តីសមាគ៝ប់មោគែសអោសនាវរ៝ង់មាឞូ គ៝ប់ជេងឞូនុយ្សមោអោសគែសនាវខ្លៃទូនតីល។
3 លាសគ៝ប់ឆ៝ៈទឹងលែៈទ្រាប់នទើគ៝ប់នើមពាៈអ៝ន់ឞូ ជេសរីលាសគ៝ប់ជាវឆាក់គ៝ប់នើមអ៝ន់ឞូគុចងគ្រេសយ៝រមាគ៝ប់តឹងឞ្រាសក្រីស តីសមាមោគែសអោសនាវរ៝ង់មាឞូ នាវអីនៃមោគែសនាវខ្លៃមាគ៝ប់ទូនតីលដ៝ង់។
4 ឞូនុយ្សអីគែសនូយ្សនហ៝ម់រ៝ង់មាឞូ ពាង់ឞ្លាវអ៝ត់នូយ្ស គែសនូយ្សនហ៝ម់អ្វែស ជេសរីមោអោសតឹមមោនាច។ ឞូនុយ្សអីគែសនូយ្សនហ៝ម់រ៝ង់មាឞូ មោនហីអេងឆាក់ មោអោសកើបអេងឆាក់ពាង់នើមទុតតាពាង់ទើម។
5 ឞូនុយ្សអីគែសនូយ្សនហ៝ម់រ៝ង់ មោអោសជាននទើមោតឹមទីតឹងមានាវវៃ មោអោសជ៝យនទើអ្វែសមាឆាក់ពាង់នើមទើម មោអោសគើញនូយ្ស មោអោសហោមមព្រៃនាវតីសឞូ
6 មោអោសអ្វែសមអាកមានាវក្វែនាវអ្យើស យើនមាអ្វែសមអាកមានាវអីងាន់។
7 ឞូនុយ្សអីគែសនូយ្សនហ៝ម់រ៝ង់មាឞូ អ៝ត់នូយ្សមានាវតីសឞូនឹង គែសនូយ្សនហ៝ម់ញឆីងនឹងមានទើអ្វែសតាឞូ រានើមនឹងមានទើអ្វែសតាឞូ ជេសរីញឆ្រោយ្សនឹងទើយអ៝ត់នាវជេរជ៝ត់។
8 នាវរ៝ង់មោអោសឞ្លាវទុត យើនមានាវនតើយ្សនាវងើយកោរាញឞ្រាសមរាលោច នាវឞ្លាវនាវងើយអេងៗមរាលែៈ ជេសរីនាវគឹតវ៝ត់មរាមោហោមគែសខ្លៃដ៝ង់។
9 ម៝សនាវអីឞ៝ន់គឹតវ៝ត់អាបៃអ្យាអេហ៝ៈគឹតលែៈអោស ជេសរីម៝សនាវអីឞូនតើយ្សនាវងើយកោរាញឞ្រាសមោហ៝ៈគឹតលែៈដ៝ង់។
10 យើនមាត៝ត់នារកោរាញឞ្រាសអ៝ន់ទឹងលែៈនាវលែៈជេងទុតអ្វែសលែៈផ្យៅ នាវអីមោហ៝ៈទុតអ្វែសអាបៃអ្យា នាវអីនៃមោហោមគែសអោស។
11 នោកគ៝ប់ហោមក៝នឆែ គ៝ប់មឞើសងើយតឹមឞានមាក៝នឆែ គ៝ប់គែសនាវមឹនតឹមឞានមាក៝នឆែ ជេសរីនាវគ៝ប់មឹនងក្ល៝ន់តឹមឞានមាក៝នឆែដ៝ង់។ ត៝ត់មាគ៝ប់លែៈក្វ៝ង់ជេស ទឹងលែៈនាវអីហោមឞើសក៝នឆែនើសគ៝ប់មអារ់លើយ។
12 អាបៃអ្យាឞ៝ន់នាល់កោរាញឞ្រាសអេហ៝ៈនហេលអោស ហោមអែថុល តឹមឞានមាអ្វាញ់ឆាក់នើមតានទើអ្វាញ់មុសមាត់អីមោលាង់ឆៃនហេល តាជឹតនាប់តៃរីមើឞ៝ន់ឆៃនហេលពាង់ឞើសនៃឞើសអ្យា។ អាបៃអ្យាឞ៝ន់នាល់ពាង់អេហ៝ៈនហេលអោស លែតជឹតនាប់តៃរីមើឞ៝ន់នាល់ពាង់នហេលនានេៈ តឹមឞានមាពាង់លែៈនាល់ឞ៝ន់នហេលនានេៈដ៝ង់។
13 គែសពែនតីលនាវអីហោមនឹង៖ នាវញឆីង នាវរានើម នាវរ៝ង់ យើនមាអីខ្លៃរាលាវឞូជេងនាវរ៝ង់។