4
នាវញឆីងអាឞ្រាហាម់
1 លាសនទ្រីកាល់អែនើសអាឞ្រាហាម់ អីចែផូងអីឆ្រាអែល មើមទឹងកោរាញឞ្រាសកើបពាង់ឆ៝ង់?
2 លាសកោរាញឞ្រាសកើបអាឞ្រាហាម់ លែៈឆ៝ង់យ៝រមានទើអ្វែសពាង់ជាន លាសនទ្រីពាង់គែសនទើមារានេអេងឆាក់ពាង់នើមរ៝តានាប់ឞូនុយ្ស។ យើនមាមោគែសអោសនទើមារានេអេងឆាក់ពាង់នើមតានាប់មាត់កោរាញឞ្រាស
3 យ៝រលាសតានាវកោរាញឞ្រាសងើយលែៈញចីស៖ «អាឞ្រាហាម់ ញឆីងមាកោរាញឞ្រាស តាៈឞើសនាវញឆីងអីនៃទឹងកោរាញឞ្រាសកើបពាង់លែៈឆ៝ង់»។
4 កើតនទ្រីដ៝ង់ឞូនុយ្សជានការអ៝ន់ឞូ ព្រាក់អីឞូងខោមអ៝ន់មាពាង់នៃមោទីអោសនទើឞូអ៝ន់ទើមទាម ជេងតឹមឞានមារាន៝ន។
5 យើនមាកោរាញឞ្រាសកើបឞូនុយ្សឆ៝ង់មោអោសតាៈឞើសនទើខាន់ពាង់ជាន ជេងតាៈឞើសនាវញឆីងខាន់ពាង់មាកោរាញឞ្រាសអីយោៈឞូនុយ្សតីសមោហោមកើបនាវតីសខាន់ពាង់។
6 តានាវកោរាញឞ្រាសងើយកាដាច់ដាវីត លែៈញចីសជេសនាវអ្វែសមអាកមាឞូនុយ្សអីកោរាញឞ្រាសលែៈកើបឆ៝ង់ មោទីអោសតាៈឞើសនទើពាង់ជាន។
7 ពាង់ញចីស៖
«អ្វែសមអាកងាន់មាឞូម៝សកោរាញឞ្រាសលែៈយោៈជេសនាវតីសពាង់
ឞូម៝សអីកោរាញឞ្រាសលែៈងកុមនហ៝រ៝មោហោមអ៝ន់ឆៃនាវតីសពាង់
8 អ្វែសមអាកងាន់មាឞូម៝សអីកោរាញឞ្រាសមោហោមអោសកើបនាវតីសពាង់»។
9 លាសនទ្រីនាវអ្វែសមអាកអីនៃគែសមាផូងអីឆ្រាអែល ទើម មោលាសគែសដ៝ង់មាផូងអីមោទីផូងអីឆ្រាអែល ? គ៝ប់លែៈលាសជេស៖ “កោរាញឞ្រាសកើបអាឞ្រាហាម់ លែៈឆ៝ង់ តាៈឞើសនាវពាង់ញឆីង”។
10 លាសនទ្រីនោកកោរាញឞ្រាសកើបអាឞ្រាហាម់ លែៈឆ៝ង់ នោកនៃពាង់លែៈជេសក៝សនតោ មោលាសនោកនៃពាង់អេហ៝ៈក៝សនតោ? ជេងនោកពាង់អេហ៝ៈក៝សនតោ មោទីអោសលែៈជេសក៝សនតោ។
11 នាវក៝សនតោជេងនាវមឞេនមាអាឞ្រាហាម់ លែៈគែសនាវញឆីងមាកោរាញឞ្រាស នអ៝ប់មាកោរាញឞ្រាសលែៈកើបពាង់ឆ៝ង់អេល៝រមាពាង់គែសក៝សនតោ។ នទ្រីពាង់ជេងតឹមឞានមាចែមាទឹងលែៈឞូនុយ្សអីលែៈញឆីងមោក៝សនតោដ៝ង់ ជេសរីកោរាញឞ្រាសកើបខាន់ពាង់លែៈឆ៝ង់យ៝រមានាវញឆីងខាន់ពាង់។
12 អាឞ្រាហាម់ ជេងតឹមឞានមាចែមាផូងអីឆ្រាអែល អីលែៈគែសក៝សនតោ លាសខាន់ពាង់ញឆីងមាកោរាញឞ្រាសតឹមឞានមាអាឞ្រាហាម់ ញឆីងដ៝ង់អេល៝រមាពាង់ក៝សនតោនើស។
អាឞ្រាហាម់ ឆ៝ៈទើននាវកោរាញឞ្រាសត៝ន
13 កោរាញឞ្រាសលែៈត៝នមាអាឞ្រាហាម់ នទ្រែលមារាន៝យទែសពាង់ អ៝ន់នែសនតូជេងនទើនទ្រៃមាពាង់។ កោរាញឞ្រាសត៝ននាវអីនៃមោអោសយ៝រមានាវពាង់ជានតឹមទីដាសនាវវៃមោឆេ កោរាញឞ្រាសត៝នយ៝រមានាវឆ៝ង់អីតាៈឞើសនាវអាឞ្រាហាម់ ញឆីងមាពាង់។
14 លាសនទើនទ្រៃអីនៃគែសយ៝រមាជានតឹងនាវវៃ លាសនទ្រីនាវញឆីងមាកោរាញឞ្រាសមោអោសគែសនាវខ្លៃ ជេសរីនាវកោរាញឞ្រាសត៝នអីនៃមោគែសខ្លៃដ៝ង់
15 យ៝រលាសតាៈឞើសនាវវៃអីនៃកោរាញឞ្រាសជីនូយ្សតេៈទោយ្សមាឞ៝ន់ មោគែសអោសទូហ្វេឞូនុយ្សឞ្លាវជានតឹងនឹងនែងទឹងលែៈនាវវៃ។ លាសមោគែសនាវវៃទើមមោគែសអោសឞូជានរាលាវនាវវៃ។
16 លាសនទ្រីនទើកោរាញឞ្រាសត៝ន ឞូនុយ្សឆ៝ៈទើនយ៝រមានាវពាង់ញឆីងមាកោរាញឞ្រាស។ នទើកោរាញឞ្រាសត៝ននៃពាង់អ៝ន់ទើមទាម។ ទឹងលែៈឞ៝ន់មរាឆ៝ៈទើននទើត៝នអីនៃ លាសឞ៝ន់ញឆីងមាកោរាញឞ្រាសតឹមឞានមាអាឞ្រាហាម់ ឞ៝លលាសឞ៝ន់គុតាន៝ម់នាវវៃមោឆេ មោលាសមោអោសគុតាន៝ម់។ កើតនទ្រីអាឞ្រាហាម់ ជេងចែមាទឹងលែៈឞូនុយ្សអីញឆីងមាកោរាញឞ្រាស។
17 នទ្រីតានាវកោរាញឞ្រាសងើយលែៈគែសញចីសកោរាញឞ្រាសមឞើសមាអាឞ្រាហាម់ កើតនអា៖ «គ៝ប់អ៝ន់មៃជេងចែមានទុលមពោលឞូនុយ្សអេងៗអ៝ក់ងាន់»។ កោរាញឞ្រាសងើយកើតនៃ យ៝រលាសអាឞ្រាហាម់ ញឆីងមាពាង់អីអ៝ន់ឞូនុយ្សលែៈខឹតទ៝ក់រេសតៃ នអ៝ប់មាអីញជេងនទើមហែអីមោអោសគែសឞើសនតើមនើស។
18 ឞ៝លលាសអាឞ្រាហាម់ លែៈរាញមោហោមគែសអោសនាវរានើមមាគែសក៝ន ពាង់ហោមអែគែសនាវរានើមមាកោរាញឞ្រាសអ៝ន់ពាង់ជានចែមានទុលមពោលឞូនុយ្សអេងៗអ៝ក់ងាន់ យ៝រលាសកោរាញឞ្រាសលែៈគែសមឞើសមាពាង់៖ «រាន៝យទែសមៃតៃអ៝ក់កើតនៃ»។
19 អាឞ្រាហាម់ គឹតឆាក់ពាង់នើមឞើយមាខឹត នោកនៃពាង់ឞើយមាត៝ត់ ១០០ នាម់ នទ្រែលមាអូរពាង់រាញាឆារា លែៈរាញដ៝ង់ មោអោសឞាៈក៝ន។ ឞ៝លលាសកើតនៃកាដោយអាឞ្រាហាម់ ហោមញឆីងន៝ប់នានាវដ៝ង់។
20 ពាង់មោវិវែៈអោសមានាវកោរាញឞ្រាសត៝ន នាវញឆីងពាង់មោរ៝សដ៝ង់ ពាង់លើមាគែសនាវញឆីងមានទើត៝នអីនៃ នអ៝ប់មារានេកោរាញឞ្រាសអ៝ន់កោរាញឞ្រាសនាវច្រេកលើប
21 យ៝រលាសតានូយ្សនហ៝ម់រីលែៈអ្យាត់ទុតហោងាន់កោរាញឞ្រាសទើយអ៝ន់គែសងាន់រ៝ ម៝សនទើកោរាញឞ្រាសត៝ន។
22 កើតនទ្រីទឹងកោរាញឞ្រាសកើបអាឞ្រាហាម់ លែៈឆ៝ង់យ៝រមានាវពាង់ញឆីង។
23 តានាវកោរាញឞ្រាសងើយលែៈញចីស៖ «កោរាញឞ្រាសកើបអាឞ្រាហាម់ លែៈឆ៝ង់» អីនៃមោទីអោសលាសមាទូហ្វេពាង់ទើម
24 លាសនអ៝ប់មាឞ៝ន់អាបៃអ្យាដ៝ង់ អ៝ន់ឞ៝ន់គឹតកោរាញឞ្រាសមរាកើបឞ៝ន់លែៈឆ៝ង់ដ៝ង់ លាសឞ៝ន់ញឆីងមាពាង់អីលែៈអ៝ន់ឞ្រាសយេឆូ អីកោរាញឞ៝ន់ទ៝ក់រេសជេស។
25 ឞ្រាសយេឆូ អីនៃលែៈកោរាញឞ្រាសអ៝ន់ឞូទែងខឹតលើយ គៃមាងគ្រ៝សលើយនាវតីសឞ៝ន់ ជេសរីពាង់ជានអ៝ន់ឞ្រាសយេឆូ នៃទ៝ក់រេស គៃមាកើបឞ៝ន់លែៈឆ៝ង់។