67
Ratoumnae hoi pholennae la
Kasakkung: Panuekhoeh
1 Cathut ni na lungma awh teh,
yawhawi na poe awh naseh.
A minhmai angnae teh maimouh koe ang lawiseh.
2 Talai van vah na lamthung pnue lah ao teh,
na rungngangnae teh miphun pueng koe panue lah awm lawiseh.
3 Oe Cathut, taminaw ni na pholen naseh.
Tami pueng ni na pholen naseh.
4 Oe miphun pueng lunghawi laihoi la sak awh naseh.
Bangkongtetpawiteh, tami pueng hah kalanlah lawk a ceng teh,
talai van e miphunnaw hah na uk. Selah.
5 Oe Cathut, taminaw ni na pholen naseh.
Tami pueng ni na pholen naseh.
6 Hottelah, talai ni a pawhik hoehoe tâcawt sak vaiteh,
Cathut, maimae Cathut ni yawhawi na poe han.
7 Cathut ni yawhawi na poe vaiteh,
tami pueng ni a ma a taki awh han.