1 तव योहोवा योहोसु सी कया, “मा बीहे, आरु तारो मन कच्चो नी होय; कमर बाँधीन सब योद्धाओंक साथे लेवु, आरु ऐ पर चढ़ाई कर; सोमव, हाव ने ऐ का राजु उकान प्रजा आरु उकान नगर आरु जमीन क साथ मा थारा हक मा कर दिलो छेतो। 2 आरु जोसो तु योरीहो आरु ओकान सी कर्‌या तोसोज ऐ आरु उकान राजाक साथे भी करनु; केवल तुमु पशु समेत ओकान लुट ते आपने करता ली सकजे; एरकरता ओका नगरक पछवली तरफ आपना पुरुष घात मा लागाड़ देसे।” 3 अत: योहोसु सब योद्धा समेत ऐ पर चढ़ाई करनेक तेयारी कर्‌या; आरु योहोसु तीस हजार मानसक जु शुरवीर हता रातीज आदेश आपीन मुकल्या। 4 आरु उनाक यी हुकुम आप्या, सोमवु, तुमु ओका नगरक पछवली तरफ घात लागाड़े बठला रयनु; नगर सी बैस सेठे नी जानु, आरु सब के सब तेयार रहना; 5 आरु हाव आपना साथी समेत ओका नगरन नाट जाईस। आरु जव चा पेहले समान आमरो सामनु करनेक निकळ्या, तव आमु ओका ओगव सी डाससु; 6 तव चा यो सोचीन, कि पेहले भाँतिन आमरे सामने सी डास जाता छे, आमरी पिछा करसे; ओका प्रकार आमु ओकान सामने सी डासीन हेका नगर सी छेठा निकाळ ली जासे; 7 तव तुमु आपसा डुकायने क जागा सी निकळजु आरु नगर पोर होक कोर लेजु, काहकी पोरबु परमेश्वर नगर क तुमरा होक मा कोर देसे। 8 जव तुमु नगर क आपसा होक मा कोर लेसु तव उनामा आगठो लागाड़ देजु। पोरबु क बुलन ओनसारे असाज कोरजु। देखु, तुमरे लिय योज मारो हुकुम छे। 9 योहोसु न हेनको मुकल देदो। त्य डुकायने का जागा पोर चाली गुया। त्या ऐ नगर क बुडेनले धड़े, ऐ नगर आरु बेतेल क वीच डुकायीन बोस गुया। योहोसु न आपसा सिपायड़ा क पुठी रात रोयो।

10 योहोसु संदारे बेगो उठ्यो। त्यो सिपायड़ा क एकठा कोर्‌यो, आरु इसराएली धोरमोन डाहडा भेळ सिपायड़ा क अगळ अगळ ऐ नगर क भेनी गुयो। 11 योहोसु क पुठी क आखा सिपायड़ा ओगा गुया। त्या नगर क अगळ ओका धड़े पुग्या। त्या ऐ नगर क उत्तर मा पड़ाव कोर्या। हेनका आरु ऐ नगर क वीच एक तंग घाटी हुती। 12 योहोसु न पांच हजार सिपायड़ा लिन आरु उना ऐ नगर क बुडेनले मा, ऐ नगर आरु बेतेल क वीच एक जागा पोर डुकायीन बोसाड़ देदो। 13 इसराएली सिपायड़ा क स्थिती यी हुतली, ऐ नगर क उत्तर मा अग्रगामी सिपायड़ान टुळो आरु नगर क बुडेनले मा चन्दावल सिपायड़ान टुळो पड़ाव कोर्‌यो। योहोसु न घाटी मा रात रोयो। 14 जव ऐ नगर क राजा न योहोसु क सिपायड़ा क देख्यो, तव त्यो विगुर वार कोरे; त्यो आरु हेनका लोगहन नगर क आखा सिपायड़ा इसराएलीयो सी लोड़ाय करने क लिय यर्दन नदी क घाटी क भेनी गुया। त्या उना अराबा जागा पोर गुया जाँ त्या पेहले लोड़ाय कोर्या हुता। राजा नी जानतो हुतो कि नगर क पछळ भेनी सी उना पोर डुकायीन होमलो कोरसे। 15 योहोसु आरु इसराएल पुठी क सिपायड़ा न हारनेन बहानो कोर्या, आरु त्या उजाड़ी पोरदेश क वाट क भेनी ढासने लाग्य। 16 ऐ नगर क आखा लोगहन हेनका पछळ गुया। त्या योहोसु क पछळ करता नगर सी घोना छेटा निकळ गुया। 17 ऐ नगर आरु बेतेल नगर मा एक वी मानुस नी रोयो जो इसराएलीयो क पछळ करने नी गुयो होय। आखा मानसे नगर क उघाड़लो नाखीन इसराएलीयो क पछळ करने चाली गुया। 18 पोरबु न योहोसु सी कयो, आपसा हाथ क भाला सी ऐ नगर भेनी सोहली कोर; काहकी हांव नगर क तारा होक मा कोर देदो। योहोसु न आपसा हाथ क भाला सी ऐ नगर भेनी होत ओगो कोर्‌यो। 19 हेको हाथ उपोर कोर्‌यो, डुकायीन बोठला सिपायड़ा तावनी सी आपसा जागा सी उठ्या, आरु नगर भेनी दवड़ी पोड़्या। त्या नगर मा भराय गुया आरु हेको आपसा होक मा कोर लेदा त्या विगुर वार कोरे आगठो लागाड़ देदा। 20 जव ऐ नगर ज मानसे पोछा फिरीन देख्या कि ते काय देख्या की नगर क धुवाड़ो वादळा क भेनी उठ रोयो, आरु हेनको नी ते इंखेर ढासनेन ताकोत रोही, आरु नी ओथी, आरु जे मानसे जंगल भेनी ढासता हुता त्या फिरीन आपसाक मारनेवाळा पोर टुट पोड़्या। 21 जोत्यार योहोसु आरु आखा इसराएली न देख्या कि मारन्या नगर क ली लेदा, आरु हेको धुवाड़ो उठ रोयो छे, तव फिरिन ऐ नगर क मानसे मारने लाग्या। 22 आरु हेनका सामनो करने क दिसरा वी नगर सी निकळ आया, एकालिय त्या इसराएलीयो क वी मा पड़ गुया, काहिन इसराएली ते हेनका ओगळ आरु काहिन हेनका पछळ हुता; त्या हेनको यां लगुन मार्या कि उनमा सी नी ते कहिन वाचने आरु नी ढासाये। 23 आरु ऐ नगर क राजा क जिवतला धरीन योहोसु क पास ली आया। 24 जोत्यार इसराएली ऐ नगर क आखा रोहनेवाळा क खयड़ा मा, उना जंगल मा जां त्या पछळ कोर्या हुता घात करला आरु त्या आखाक तलवार सी मार्या गया यां लगुन कि हेनको आखरी हुय गुयो, तव आखा इसराएलीयो न ऐ क लोवटीन हेको वी तलवार सी मार्या। 25 आरु बायरा मानसे आखा मिळीन जे उना दाहड़े मार्या गुया त्या बारे हजार हुता, आरु ऐ नगर क आखा मानसे होतरात हुता। 26 काहकी जव लगुन योहोसु न ऐ नगर क आखा रहनेवाळा क नाश नी कोर नाख्यो ती लगुन त्यो आपसो हाथ जिनासी बर्छो बड़ायो हुतो, ओळी नी हापक्यो। 27 परमेश्वर क हुकुम क ओनसारे ज त्यो योहोसु क आप्यो हुतो इसराएलीयो न ढुरो नगर क लुट आपसो कोर लेदो। 28 तव योहोसु न ऐ नगर क धपाड़ देदो त्यो आज लगुन उजाड़ पोड़लो छे। 29 आरु ऐ नगर क राजा क त्यो शांतो लगुन झाड़ पोर टांग राख्यो आरु दाहड़ु डूबता डूबता योहोसु क हुकुम सी हेको धड़ झाड़ पोर सी उतारीन नगर क झपला क अगळ नाख देदा, आरु उना पोर दोगड़ा क मोटो ढीग लागाड़ देदा, ज आज लगुन बनलो छे।

30 ✡तव योहोसु न इस्राएल क परमेश्वर योहोवा क लिय एबाल बोयड़ा पोर एक वेदी बनवाड़्यो, 31 जसो योहोवा क दास मुसा न इसराएलीयो क हुकुम आप्यो हुतो, आरु तसोज मुसान कायदान किपात मा लिखलो छे, त्यो समुचे दगड़ा क एक वेदी बनवाड़्यो जेना पोर ओवजार नी चालाड़्यो गुयो हुतो। आरु उना पोर त्या योहोवा क लिय होमबली चोड़ाया आरु मेलबलि कोर्या। 32 उना जागा पोर योहोसु न इसराएलीयो क अगळ उना दोगड़ा क उपोर मुसा क कायदा ज उनने लिख्यो हुतो, हेकी नकल कोराड़्यो। 33 आरु त्या, काय देशी काय पारका आखा इसराएली आपसा डाहला लोगहन, सरदारो, आरु नियाय कोरन्या भेळ योहोवा क वाचान सन्दुक चुटनेवाळा लेवीय याजकों क अगळ उना सन्दुक क एंखेर तेंखेर उबा हुया आदा लोगहन ते गिरिज्जीम बोयड़ा क, आदा एबाल बोयड़ा क अगळ उबा हुया तोसा कि योहोवा क दास मुसा न पेहलो हुकुम आप्यो हुतो कि इसराएली पोरजा क बोरकोत आप्यो जाय 34 हेका वाद त्यो बोरकोत आरु शाप नु कायदान आखा बुल, जसा जसा कायदान किपात मा लिखला छे तसाज तसाज भनी भनीन समवाड़ देदा। पारका लोगहन क अगळ वी भनीन नी समवाड़्या। 35 जोतरी वातोक मुसा न हुकुम आप्यो हुतो, उनामा सी काय ओसी वात नी रोय गोय जी योहोसु न इस्राएल क आखी सभा, आरु बायरा, आरु बाळ बोच्‌चा आरु हेनका पुठी रहनेवाळा क उचा बुल सी समवाड़ देदो