141
Tɑcɑɑ feŋ mɑ kʋyɔɣɔtʋtʋ tɔɔ
1 Tɑfiiti yontu.
Tɑcɑɑ mɑ yɑɑkɩ-ŋ, kɔɔ lɔŋ kɛ mɑ sənɑʋ.
Ke ŋkpɑŋʋɣʋ nɑ ń nɩɩ mɑ nɔɣɔ kɛ wɑɑtʋ wei mɑ yɑɑkɩ-ŋ tɔ.
2 Mɑ sələmʋɣʋ ɩ́ kpɑ nyɑ́ kiŋ ɩsɩɩ tulɑɑlʋ nyɔɔsɩ,
nɑ mɑ niŋ kpɑɑsʋɣʋ wɛɛ-ŋ ɩsɩɩ tɑɑnɑɣɑ kʋhɑʋ.
3 Tɑcɑɑ feŋ mɑ nɔɣɔ tɔɔ,
tɑŋ mɑ ntompee.
4 Tɑɑ yele nɑ mɑ́ hʋʋkɩ sɩ mɑ́ lɑ ɩsɑɣɑtʋ.
Yɑɑ mɑ nɑ ɩsɑɣɑlɑtɑɑ tə́ lɑkɩ tɑsəkəlɛ təmɑ.
Pəyele mɑ tɑɑ tʋ niŋ kɛ pɑ ɑcimɑ tɑɑ.
5 Ye siɣisilu mɑpənɑ-m,
kʋpɑntʋ kɛ ɩ cɑɑnɑ-m.
Pɑɑ ɩ hɔmɑ mɑ ŋkpɑŋʋɣʋ,
pə wɛ kɛ́ ɩsɩɩ nim kɛ mɑ nyʋɣʋ tɑɑ,
mɑ kɑɑ kisi.
Asɑɣɑɑ ɩsɑɣɑtʋ kɑɑ səŋsɩ mɑ sələmʋɣʋ.
6 Pə́ pɛtɩ pɑ hʋʋlɑɑ kɛ kʋkpɑməŋ tɑɑ.
Ɩlɛnɑ pɑ́ nɩɩ mɑ kʋyɔɣɔtʋtʋ.
Mpi tɔ, tə wɛ teu.
7 Teitei ɩsɩɩ pɑ hɑlʋɣʋ nɑ pɑ́ fɑkɩ tɛtʋ tɔ,
ḿpʋɣʋ tɑ mʋwɑ kɑ sɔɣɔtɩ ɑtɛtəlɛ nɔnɔɣɔ*fɑ*.
8 Tɑcɑɑ Ɩsɔ, nyɑ́ tɔɔ kɛ́ mɑ kɛɛsəɣɩ mɑ ɩsɛ,
nyɑɣɑ mɑ tʋɣɩ kpʋlʋɣʋ, tɑɑ yele nɑ mɑ́ sɩ́.
9 Kenti-m kɑtɔsɩ nsi pɑ nyəkɩ-m tɔ,
nɑ ɑsɑɣɑɑ mpɛ pɑ kʋcopum.
10 Asɑɣɑɑ ɩ́ hoti pɑ mɑɣɑmɑɣɑ pɑ puluŋ tɑɑ,
nɑ mɑ́ɑ́ fiti.