4
لِلَاٻٜ اَلْمَسِيحُ
1 کٛشّٜىٰمِنْ مِنْ مَشُّٻٜ اَلْمَسِيحُ ٻٜ اَللَّه حٛکِّ کُوغَلْ وَعَجِنْکِ سِرُّ مَاکٛ؞
2 فِي غٛعٛ کٛ طُمْ يِطِ تٛ اِرِ ٻٜنْ طٛنْ مَشُّٻٜ ٻٜ نغَطَ کٛو طُمٜ کٛ جٜيْطٛٻٜ وِعِ؞
3 اَمَّا مِ وَنَّايِ دٛوْ نٛ نغِيرٛتٛنْ کُوغَلْ اَمْ، کٛو بٛو نٛ وٛٻّٜ نغِيرَتَنغَلْ؞ مِنْ اٜ حٛورٜ اَمْ مِ فٛوندَتَا حٛورٜ اَمْ؞
4 ٻٜرْندٜ اَمْ اٜ رَنِّ تَرْ، اَمَّا نٛنْ حٛلَّايِ مِ وَطَايِ غٛطُّمْ کٛ وٛوطَا؞ جٛومِرَاوٛ وٛنِ دَارَيْطٛ کُوغَلْ اَمْ وِعَ کٛو کٛ نغَطُمِ اٜ وٛوطِ کٛو طُمْ وٛوطَا؞
5 نغَمْ نٛنْ، تٛع اٛنْ مبِعُ غٛطّٛ وَطِي کُوغَلْ نغَلْ اَللَّه حٛکِّمٛ بٛطُّمْ، کٛو اٛ وَطَايِنغَلْ بٛطُّمْ؞ کٜطٜىٰ نَا ݧَلْندٜ ندٜ جٛومِرَاوٛ وَرْتِ؞ کٛو طُمٜ شُوطِيطُمْ ندٜرْ ݧِوْرٜ اٛ وُرْتِنَيْطُمْ اٜ نجَيْرِ، ندٜنْ اٛ وُرْتِنَيْ ݧُمٛوجِ غٛنْطِ ندٜرْ ٻٜرْطٜ يِمْٻٜ اٜ نجَيْرِ؞ اٜ شَرٜلْ نغٜلْ اَللَّه وِعَيْ کٛو نٜطّٛ وَطِي کُوغَلْ نغَلْ اٛ حٛکِّمٛ بٛطُّمْ کٛو وَطَايِنغَلْ بٛطُّمْ؞
6 تٛو، بَنْدِرَاٻٜ، مِ حٛکُّ مِسَالُ طُعُمْ دٛوْ اَمْ اٜ دٛوْ اَفٛولٛسْ نغَمْ اٜ مِ يِطِ اٜکِّتٛوطٛنْ تٛ اَمِنْ: تٛع پَٻّٛوطٛنْ کٛ وِنْدَا، نغَمْ تٛع ڤِيٛنْ غَبَارٜ مبِعٛنْ غٛطّٛ اَرْدِيطٛ ٻُرِي غٛطّٛ؞
7 مٛيٜ وَرْتِرْمَا مَوْطٛ دٛوْ حٛرِيٻٜ؟ کٛو طُمٜ طُمْ نغٛودُطَا نَاع اَللَّه حٛکُّمَاطُمْ؟ تٛ طُمْ نٛنْ، نغَمْ طُمٜ اَ فِيَ غَبَارٜ مَاطَ بٛ کٛ نغٛودُطَا نَاع شَاحُ کٜٻُطَاطُمْ؟
8 اٛنْ نغِعَ بٛ اٛنْ نجَادَکٜ اٛنْ کٜٻِي کٛ نغِطّٛنْ! اٛنْ نغِعَ بٛ اٛنْ نجَادَکٜ اٛنْ نغَرْتِي دِسْکُٻٜ! اٛنْ نغِعَ بٛ اٛنْ نغَرْتِي لَامِيٻٜ، کٛو ندٜ مِنٛنْ نَاع مِنْ لَامِيٻٜ؞ دَا اٛنْ نغَرْتِي لَامِيٻٜ دَا وٛوطِي، سٜيْ لَامٛدٛوطٜنْ!
9 نغَمْ اٜ يِيکِ اَمْ مِنٛنْ لِلَاٻٜ، اَللَّه وَرْتِرِيمِنْ يِمْٻٜ کٛشَّاٻٜ نَاع ٻٜ غٛطُّمْ، بٛ يِمْٻٜ ٻٜ طُمْ تَپَنِ کِيتَ مَيْدٜ بَرٜتٜىٰٻٜ يٜىٰسٛ کٛو مٛيٜ؞ مِ وِعُ نٛنْ نغَمْ مِنْ نغَرْتِي کٛ مَلَاعِکَعٜنْ اٜ يِمْٻٜ فُو نغَطَنِ غِتٜ؞
10 تٛو، مِنٛنْ مِنْ حَاݝَاٻٜ نغَمْ اٜ مِنْ تٛکِّ اَلْمَسِيحُ، اَمَّا اٛنٛنْ اٛنْ تٛکُّٻٜ اَلْمَسِيحُ غٛودُٻٜ فَامُ؞ مِنٛنْ مِنْ نغَلَا بَوْطٜ اَللَّه، اَمَّا اٛنٛنْ اٛنْ نغِعَ بٛ اٛنْ نغٛودِ بَوْطٜ اَللَّه نَاع سٜطَّ! يِمْٻٜ اٜ کٛکَّعٛنْ مَنْغُ، اَمَّا مِنٛنْ يِمْٻٜ اٜ نجَوَنَمِنْ؞
11 حَا جٛونِ اٜ مِنْ ڤِيدَ اٜ وٜىٰلٛ اٜ طٛنْکَ؞ مِنْ نغَلَا کٛلْتٜ بٛطّٜ؞ يِمْٻٜ اٜ کَلَّنَمِنْ، ندٜنْ مِنْ نغَلَا وُرٛ؞
12 اٜ مِنْ کُوَ اٜ جُوطٜ اَمِنْ نَاع سٜطَّ؞ تٛ يِمْٻٜ کُطِيمِنْ، سٜيْ مِنْ مبَرْکِطِنَٻٜ؞ تٛ ٻٜ تٛرِّيمِنْ، سٜيْ مِنْ مُݧَ؞
13 تٛ يِمْٻٜ مٜتِي حَالَ کَلُّکَ دٛوْ اَمِنْ، سٜيْ مِنْ مٜتَنَٻٜ حَالَ مبٜلْکَ؞ مِنْ نغَرْتِي مبُورِ دُونِيَارُ، مِنْ نغَرْتِي کٛ نٜفْنِي؞ حَا جٛونِ نٛنْ طُمْ وٛنِ؞
14 مِ وِنْدَنْعٛنْ طٜرٜوٛلْ نغٛعٛلْ نَاع نغَمْ مِ سٜمْتِنَعٛنْ، سٜيْ نِ نغَمْ مِ وَغِّنَعٛنْ نغَمْ اٛنْ ٻِٻّٜ اَمْ ٻٜ نغِطُمِ؞
15 کٛو دَا اٛنْ نغٛودِ مٛودِٻّٜ 10,000 ندٜرْ تٛکُّکِ اَلْمَسِيحُ، اٛنْ نغَلَا دَݧٛوٻٜ طُطْٻٜ؞ غٛونغَ، مِ وَرْتِي ݧَاکٛ مٛوطٛنْ ندٜرْ تٛکُّکِ يٜىٰسُ اَلْمَسِيحُ ندٜ نغَعَجِنَنْمِعٛنْ حَبَرُ بٜلْطُمْ؞
16 نغَمْ نٛنْ، اٜ مِ تٛرٛوعٛنْ، اٜکِّتٜىٰ اِرِ نغِکُّ اَمْ؞
17 کَنْجُمْ وَطِ لِلٛنٛيْمِعٛنْ تِمٛوتِ، ٻِطّٛ اَمْ مٛ نغِطُمِ، تٛکُّطٛ جٛومِرَاوٛ اٜ غٛونغَ؞ اٛ سِفْتٛرَنَيْعٛنْ اِرِ جٛنْدٜ ندٜ نغَطُمِ ندٜرْ تٛکُّکِ يٜىٰسُ اَلْمَسِيحُ؞ اٜ مِ اٜکِّتِنَ اِرِ جٛنْدٜ ندٜنْ کٛو تٛيٜ ندٜرْ تٛکُّٻٜ يٜىٰسُ؞
18 وٛٻّٜ ندٜرْ مٛوطٛنْ اٜ پٜفْتَ کٛعٜ نغَمْ اٜ ٻٜ کَمّٛو مِ وَرَتَا تٛ مٛوطٛنْ؞
19 اَمَّا تٛ جٛومِرَاوٛ جَٻِي مِ وَرٛيَيْ تٛ مٛوطٛنْ نَاع کٛ نٜىٰٻِ، مِ طَٻِّتَيْ مِ يِعَ اِرِ بَوْطٜ طٜ ٻٜنْ طٛنْ پٜفْتٛوٻٜ کٛعٜ نغٛودِ، نَاع مٜتٜ‑مٜتٜ مَٻّٜ تَنْ؞
20 نغَمْ کٛ حٛلَّتَ نٜطّٛ اٜ وَطَ کٛ اَللَّه لَامِيطٛ وِعِ، نَاع طُمْ بٛلِيطٜ مَاکٛ، اَمَّا طُمْ بَوْطٜ رُوحُ اَللَّه غٛنْطٜ ندٜرْ مَاکٛ؞
21 تٛو، طُمٜ ٻُرْطٛنْ يِطُکِ؟ مِ وَرْدَنَعٛنْ اٜ سَوْرُ، کٛو مِ وَرَنَعٛنْ ندٜرْ يِدّٜ اٜ مُݧَلْ؟