5
شٜنْدِرٜىٰ اٜ حَکّٜ
1 مِ نَنِي حَبَرُ اٜ وٛودِ نجٜىٰنُ کَلُّطُمْ حَکُّندٜ مٛوطٛنْ اِرِ نجٜىٰنُ طُمْ وَطَتَاکٜ کٛو ندٜرْ حٜىٰفٜرْٻٜ، حَا نٜطّٛ اٜ وَلْدَ اٜ دٜبّٛ ݧَاکٛ مُوطُمْ!
2 فُو اٜ نٛنْ اٛنْ مَنْتٛرٛو کَوْتَلْ مٛوطٛنْ! نَاع اٜ حَانِ نغَنّٛنْ حَا مبُرْتِنٛنْ غَطُطٛ کُوغَلْ نغَعَلْ دَغَ ندٜرْ کَوْتَلْ مٛوطٛنْ؟
3-4 کٛو ندٜ مِ وٛنْدَا اٜ مٛوطٛنْ ندٜرْ ٻَنْدُ، اٜ مِ ݧُمَ دٛوْ مٛوطٛنْ ندٜرْ ٻٜرْندٜ اَمْ؞ بَرْکَ لَامُ طُمْ يٜىٰسُ جٛومِرَاوٛ مٜىٰطٜنْ حٛکِّيَمْ، مِ يَادَکٜ مِ تَپَنِي نٜطّٛ غَطُطٛ نٛنْ کِيتَ بٛ اٜ مِ وٛنْدِ اٜ مٛوطٛنْ؞ تٛ اٛنْ کَوْرِتِي، بَوْطٜ يٜىٰسُ جٛومِرَاوٛ مٜىٰطٜنْ اٜ وٛنْدِ اٜ مٛوطٛنْ، مِنْ مَا، بٛ اٜ مِ وٛنْدِ اٜ مٛوطٛنْ؞
5 سٜيْ نغَطٛنْ نٜطّٛ غَطُطٛ نٛنْ ندٜرْ جُنْغٛ شٜيْطَنْ، نغَمْ شٜيْطَنْ تٛرَّ ٻَنْدُ مَاکٛ، نغَمْ طُمْ حِسْنَ يٛنْکِ مَاکٛ ݧَلْندٜ وَرْتٛيْکِ يٜىٰسُ جٛومِرَاوٛ؞
6 مَنْتِتَاکِ مٛوطٛنْ وٛوطَا؞ اٛنْ اَنْدَا نٛ پُوفِنِرْطُمْ سٜطَّ ٻُوتِنِرْتَ شٛنْدِ بُرٛودِ طُنْدِ؟ نٛنْ تٛ اٛنْ اَلِي حَکّٜ سٜطَّ ندٜرْ مٛوطٛنْ، طُمْ سَنْکِتٛتٛ کٛو تٛيٜ ندٜرْ مٛوطٛنْ؞
7 شٜنْدِرٜىٰ اٜ پُوفِنِرْطُمْ کِيطُمْ غٛنْطُمْ ندٜرْ مٛوطٛنْ، وَاتٛ حَکّٜ، نغَمْ نغَرْتٛنْ بٛ شٛنْدِ بُرٛودِ ندِ وَلَا پُوفِنِرْطُمْ، وَاتٛ کَوْتَلْ تٛکُّٻٜ يٜىٰسُ ٻٜ نغَلَا يِمْٻٜ غَݧُٻٜ تُوبَ دَغَ حَکّٜ مَٻّٜ، نٛنْ نٛ نغٛنْتِندِرْطٛنْ؞ نغَمْ طُمْ يَادَکٜ طُمْ حِرْسِي کَرٛورِ مٜىٰطٜنْ ندِ حُمْتٛ سَکِّنْکِ؞ کَيْرِ وٛنِ اَلْمَسِيحُ؞
8 نغَمْ نٛنْ، اٜنْ نغَطُ حُمْتٛ سَکِّنْکِ مٜىٰطٜنْ نَاع اٜ بُرٛودِ غٛودُطُمْ پُوفِنِرْطُمْ کِيطُمْ طُمْ حَلّٜىٰندٜ اٜ کُوطٜ کَلُّطٜ، سٜيْ نِ اٜ بُرٛودِ طُمْ وَلَا پُوفِنِرْطُمْ، وَاتٛ اٜنْ نغَطُ جٛنْدٜ لَمْندٜ ندٜ غٛونغَ؞
9 ندٜرْ طٜرٜوٛلْ اَمْ مِ وِنْدَنِيعٛنْ وِيکِ، تٛع اٛنْ کَوْتُ کٛعٜ مٛوطٛنْ اٜ غَطٛوٻٜ نجٜىٰنُ؞
10 نَاع اٜ مِ مٜتَ دٛوْ يِمْٻٜ ٻٜ دُونِيَارُ ندُعُ غَطٛوٻٜ نجٜىٰنُ، کٛو غٛودُٻٜ سُونٛ شٜىٰدٜ، کٛو وُيْٻٜ، کٛو مَوْنِنٛوٻٜ غُنْکِيجِ؞ نغَمْ تٛ نِ مِ وِعِيعٛنْ، تٛع کَوْتٛنْ کٛعٜ اٜ اِرِ يِمْٻٜ ٻٜعٜ، تٛو، سٜيْ نِ اَلٛنْ دُونِيَارُ؞
11 اَمَّا جٛونِ اٜ مِ وِنْدَنَعٛنْ وِيکِ، تٛع اٛنْ کَوْتُ کٛعٜ اٜ کٛو مٛيٜ نٛدّٜتٜىٰطٛ تٛکُّطٛ يٜىٰسُ، ݧَمْرُطٛ يٜىٰسٛ اٜ وَطُکِ نجٜىٰنُ، کٛو غٛودُطٛ سُونٛ شٜىٰدٜ، کٛو مَوْنِنٛووٛ غُنْکِيجِ، کٛو مٜتٛووٛ کَلُّکَ دٛوْ غٛطّٛ، کٛو جَرٛووٛ، کٛو غُجّٛ؞ تٛع مَا اٛنْ ݧَمْدُ اٜ اِرِ مَٻّٜ؞
12 نَاع طُمْ کُوغَلْ مٜىٰطٜنْ نغَطَنٜنْ يِمْٻٜ ٻٜ تٛکَّايِ يٜىٰسُ کِيتَ؞ کُوغَلْ مٛوطٛنْ وٛنِ نغَطَنٛنْ غٛنْٻٜ ندٜرْ کَوْتَلْ مٛوطٛنْ نغَلْ تٛکُّٻٜ يٜىٰسُ کِيتَ؞
13 اَللَّه وٛنِ غَطَنَيْطٛ يِمْٻٜ ٻٜ تٛکَّايِ يٜىٰسُ کِيتَ؞ نٛ اَايَارٜ وِعِ، «اٛنٛنْ، ندِيوٜىٰ غَطٛووٛ کٛ حَلِّ دَغَ ندٜرْ مٛوطٛنْ؞»