5
1 نغَمْ اٜ مِنْ اَنْدِ ٻَلِّ اَمِنْ اٜ نَنْدِ اٜ لُکُرُ طُمْ مِنْ نجٛوطٛتٛو ندٜرْ، ندٜرْ دُونِيَارُ ندُعُ؞ تٛ لُکُرُ طُمْ سَنْکِتَامَ، اٜ مِنْ اَنْدِ اَللَّه حٛکَّيْمِنْ وُرٛ تَبِتَيْنغٛ تٛنْ دٛوْ، نغٛ مَحِرَاکَ اٜ جُنْغٛ نٜطّٛ؞
2 جٛونِ اٜ مِنْ اٛتَّ اٜ مِنْ کَاٻِي نَاع سٜطَّ نغَمْ طُمْ ٻٛرْنَمِنْ ٻَنْدُ اَمِنْ ندُ دٛوْ؞
3 نغَمْ تٛ مِنْ ٻٛرْنَامَ ٻَنْدُ ندُنْ، مِنْ نغَرْتَتَا يٛنْکِيجِ طِ نغَلَا ٻَنْدُ؞
4 نغٜعٜلْ شَرٜلْ نغٜلْ مِنْ نغٛنْدِ ندٜرْ لُکُرُ طُمْ دُونِيَارُ، وَاتٛ ٻَنْدُ اَمِنْ، اٜ مِنْ اٛتَّ نغَمْ تٛرَّاجِ طِ ٻَنْدُ ندُنْ يَرَتَ؞ نَاع نغَمْ اٜ مِنْ نغِطِ سٜنْدِرْکِ اٜ ٻَنْدُ ندُنْ، اَمَّا اٜ مِنْ نغِطِ طُمْ ٻٛرْنَمِنْ ٻَنْدُ اَمِنْ ندُ دٛوْ، نغَمْ ٻَنْدُ ندُ مَايَتَا حٛشَّ نجَيْرِ ٻَنْدُ مَايَيْندُ؞
5 اَللَّه اٜ حٛورٜ مُوطُمْ سِرْيِيمِنْ نغَمْ طُعُمْ، اٛ حٛکِّيمِنْ رُوحُ مَاکٛ نغَمْ تَبِّتِنَنْکِمِنْ کٛ اٛ وَطَنْتَمِنْ يٜىٰسٛ طٛعٛ؞
6 کَنْجُمْ وَطِ کٛو ندٜيٜ اٜ مِنْ نغٛودِ سٜمْبٜ ٻٜرْندٜ؞ اٜ مِنْ اَنْدِ تٛ نِ اٜ مِنْ ندٜرْ ٻَنْدُ اَمِنْ ندُعُ، اٜ مِنْ نغٛطِّتِي وُرٛ اَمِنْ وٛنْغٛ تٛ جٛومِرَاوٛ؞
7 اٜ مِنْ نغَطَ جٛنْدٜ اَمِنْ دٛوْ حٛولَاکِ اَللَّه، نَاع دٛوْ کٛ مِنْ نغِعَتَ اٜ غِتٜ؞
8 غٛونغَ اٜ مِنْ نغٛودِ سٜمْبٜ ٻٜرْندٜ، ندٜنْ مِنْ ٻُرِي يِطُکِ مِنْ شٜنْدِرَ اٜ ندُعُ ٻَنْدُ مِنْ نجٛوطٛدٛو اٜ جٛومِرَاوٛ تٛنْ دٛوْ؞
9 نغَمْ نٛنْ، کٛ مِنْ نغِطِ وٛنِ مِنْ مبٜلْنَنَمٛ ٻٜرْندٜ، کٛو اٜ مِنْ ندٜرْ ندُعُ ٻَنْدُ کٛو اٜ تٛنْ دٛوْ؞
10 نغَمْ اٜنْ فُو دٛولٜ اٜنْ ندَرٛتٛ يٜىٰسٛ اَلْمَسِيحُ نغَمْ کِيتَ، نغَمْ کٛو مٛيٜ حٜٻَ مبَرْجَارِ کٛ وَطِ ندٜرْ ٻَنْدُ ندُعُ، کٛو کٛ اٛ وَطِ اٜ وٛوطِ کٛو طُمْ وٛوطَا؞
سِرْيٛوتِرْکِ يِمْٻٜ اٜ اَللَّه
11 ندٜ اٜ مِنْ اَنْدِ کٛ وٛنِ کُلٛلْ جٛومِرَاوٛ، کَنْجُمْ وَطِ اٜ مِنْ نغَطَ کٛ مِنْ مبَاوَتَ وَطُکِ مِنْ ڤٛوطٛيَ حَکِّيلٛ يِمْٻٜ؞ اَللَّه اٜ اَنْدِ نٛ مِنْ نغٛنْتِندِرِ بٛطُّمْ، اٜ مِ کَمّٛو اٛنٛنْ مَا اٛنْ اَندِمِنْ بٛطُّمْ ندٜرْ ٻٜرْطٜ مٛوطٛنْ؞
12 نَاع اٜ مِنْ نغِطِ مِنْ مَنَ کٛعٜ اَمِنْ يٜىٰسٛ مٛوطٛنْ، اَمَّا اٜ مِنْ نغِطِ مِنْ کٛکَّعٛنْ لَاوٛلْ مَنْتٛرَاکِمِنْ، نغَمْ مبَاوٛنْ نٛوتٛوطٛنْ پَمْطٜ پٜفْتٛوٻٜ کٛعٜ دٛوْ مَنْغُ مَٻّٜ نَاع دٛوْ کٛ وٛنِ ندٜرْ ٻٜرْطٜ مَٻّٜ؞
13 تٛ يِمْٻٜ کٛشِّيمِنْ مِنْ حَاݝَاٻٜ، فُو طُمْ نغَمْ اَللَّه؞ تٛ بٛو اٜ مِنْ ندٜرْ حَکِّيلٛ اَمِنْ، طُمْ نغَمْ مٛوطٛنْ؞
14 نغَمْ يِدّٜ اَلْمَسِيحُ وَطَتَمِنْ اٜ مِنْ کُوَ کُوطٜ اَمِنْ، نغَمْ اٜنْ تَبِّتِنِي غٛعٛتٛ مَايِي نغَمْ کٛو مٛيٜ، نغَمْ نٛنْ کٛو مٛيٜ مَايِي؞
15 اٛ مَايِي نغَمْ يِمْٻٜ فُو، نغَمْ تٛع ٻٜ نغَطَ جٛنْدٜ بٜلْنَنَيْندٜٻٜ ٻٜرْطٜ، اَمَّا ٻٜ نغَطَ جٛنْدٜ بٜلْنَنَيْندٜ اٛنْ طٛنْ مَيْطٛ نغَمْ مَٻّٜ اُمِّي دَغَ مَيْدٜ؞
16 نغَمْ نٛنْ، دَغَ جٛونِ مِنْ کٛشَّتَا غٛطّٛ نٛ يِمْٻٜ دُونِيَارُ کٛشِّرِمٛ؞ کٛو ندٜ ندٜنّٛ مِنْ کٛشِّي اَلْمَسِيحُ نٛ يِمْٻٜ دُونِيَارُ کٛشِّرِمٛ، جٛونِ نَاع نٛنْ مِنْ کٛشِّرِمٛ؞
17 نغَمْ نٛنْ، فُو غَرْتُطٛ مٛ اَلْمَسِيحُ اٛ وَرْتِي نٜطّٛ کٜسٛ؞ کٛو طُمٜ طُمْ ندٜنّٛ پَٻَّکٜ، کٛو طُمٜ وَرْتِي کٜسُمْ؞
18 طُعُمْ فُو اَللَّه وَطِطُمْ شِرْيٛوتِرْطٛمِنْ اٜ مَاکٛ لَاوٛلْ اَلْمَسِيحُ، ندٜنْ اٛ حٛکِّيمِنْ کُوغَلْ وَعَجِنْکِ سِرْيٛوتِرْکِ يِمْٻٜ اٜ مَاکٛ؞
19 وَعَجُ طُمْ وٛنِ اَللَّه اٜ سِرْيٛوتِرَ يِمْٻٜ دُونِيَارُ اٜ مُوطُمْ لَاوٛلْ اَلْمَسِيحُ، ندٜنْ اٛ وِنْدَتَا حَکّٜ طُمْ ٻٜ نغَطِ؞ کَنْکٛ حٛکِّمِنْ کُوغَلْ وَعَجِنْکِ سِرْيٛوتِرْکِ اٜ مَاکٛ؞
20 نغَمْ نٛنْ، مِنْ مٜتٛوٻٜ کٛ اَلْمَسِيحُ وِعِمِنْ، بٛ اَللَّه تٛرٛتٛوعٛنْ لَاوٛلْ اَمِنْ؞ اٜ مِنْ تٛرٛوعٛنْ نغَمْ اَلْمَسِيحُ، شِرْيٛوتِرٜىٰ اٜ اَللَّه؞
21 اَلْمَسِيحُ مٜىٰطَايِ وَطُکِ حَکّٜ، اَمَّا اَللَّه يٛوِي فُو حَکّٜىٰجِ مٜىٰطٜنْ دٛوْ مَاکٛ، نغَمْ لَاوٛلْ مَاکٛ نغَرْتٜنْ اَادِلِعٜنْ يٜىٰسٛ اَللَّه؞