138
ዳዊቴ ማዛሙሬ
1 ኣቤት ጎዳዉ!
ታኒ ታ ኩሜꬃ ዎዚናፔ
ኔና ጋላታይስ፤
ጾሳታ ሲንꬃን ኔና ሳባይስ።
2 ኔ ጌሻ ኬꬃኮ ሲማዳ
ኔና ጎይናይስ፤
ኔ ሲቆ ጊሻሲኔ
ኔ ኣማኔቴꬃ ጊሻስ
ታኒ ኔ ሱንꬃ ሳባይስ፤
ኔኒ ኔ ሱንꬃኔ ኔ ቃላ
ኡባፌ ኣꬃዳ
ꬎቁ ሂስታዳሳ።
3 ታኒ ጼይጊዳ ጋላስ ታስ ኮያዳሳ፤
ኔ ሚኖቴꬃን
ታና ሚንꬄꬃ።
4 ኣቤት ጎዳዉ!
ሳኣን ዲዛ ካዎቲ ኡባይ
ኔ ዶናፔ ኬኢዳ ቃላ ሲዪዲ
ኔና ጋላቴቶ!
5 ጎዳ ቦንቾይ
ጊታ ጊዲዳ ጊሻስ
ኢስቲ ኢዚ ኦꬂዳ
ኦሶ ጊሻስ ዬጼቶ።
6 ጎዳይ ቦላ ꬎቃን ዲኮካ
ሂዬሳታ ሎኦ ኣይፌን ጼሌስ፤
ጊዶ ኣቲን ኦቶራንቻታ
ኢዚ ሃሆፔ ኤሬስ።
7 ታኒ ሜቶ ጊዶን ዲኮካ
ኔኒ ታና ናጋሳ፤
ታ ሞርኬታ ሃንቆ ቦላ
ኔ ቄሴ ዴንꬃሳ፤
ኔ ኡሻቻ ኩሼን
ታና ኣሻሳ።
8 ጎዳይ ታስ ቆፒዳይሳ ፖላና፤
ኣቤት ጎዳዉ!
ኔ ሲቆይ ሜርናሳ፤
ኔ ኩሼ ኦሶ ዬጋ ኣጎፋ።