146
ኣሺዛ ጾሳስ ሺቂዳ ጋላታ
1 ጎዳይ ጋላቴቶ!
ታ ሼምፖዬ፥
ጎዳ ጋላታ!
2 ታ ዴኦ ላይꬃ ኡባን
ታኒ ጎዳ ጋላታና፤
ታኒ ሼምፖራ ፓጻ ዲዛ ዎዴ
ኡባን ታ ጾሳ ሳባና።
3 ዴሬ ኣይሲዛይታን ኣማኔቶፍቴ፤
ኣስ ኣሻናዉ ዳንዳዮንታ
ኣሾ ማይኢዳ
ሜꬌታታን ጬቄቶፍቴ።
4 ኢስታ ሼምፖይ ኬዚዛ ዎዴ
ኢስቲ ቢታን ሲማና፤
ኢስታ ሃልቾይ ኡባይ
ሄ ጋላስ ኣታና።
5 ያቆቤ ጾሳይ ማዲዛ ኣሲ
ባ ሂዶታካ ባ ጎዳ ቦላ
ዎꬂዳ ኣሲ ኣንጄቲዳዴ።
6 ጎዳይ ሳሎኔ ሳኣ፥
ጊታ ኣባኔ ኢስታ
ጊዶን ዲዛ ኡባ
ሜꬊዳይሳ፤
ኢዚ ባ ኣማኔቴꬃ
ሜርናስ ናጊዛይሳ።
7 ኢዚ ቆሄቲዳይታስ ፒርዲዛይሳ፤
ጋፊዳይታ ሚዚ ካልሲዛይሳ።
ጎዳይ ቃሼቲዳይታ
ቢርሺ ዬዲዛይሳ፤
8 ጎዳይ ቆቄታ ጼሊሴስ።
ጎዳይ ኩንዲዳይታ ዴንꬄስ፤
ጎዳይ ጺሎታካ ሲቄስ።
9 ጎዳይ ቤቴ ኣሳታ ናጌስ።
ኣምኤታኔ ዪኦ ናይታ ማዴስ፤
ጊዶ ኣቲን ኢታታ ኦጌ ꬋይሴስ።
10 ጎዳይ ሜርናስ ካዎ፤
ጺዮኔ! ኔ ጾሲ
ዬሌታፔ ዬሌታ ጋካናስ
ካዎታና።
ጎዳይ ጋላቴቶ!