☰ Luke 16
16
Parable of a stupid steward
1 Ἔλεγεν δὲ καὶ* πρὸς τοὺς μαθητὰς αὐτοῦ·† «Ἄνθρωπός τις ἦν πλούσιος ὃς εἶχεν οἰκονόμον, καὶ οὗτος διεβλήθη αὐτῷ ὡς διασκορπίζων τὰ ὑπάρχοντα αὐτοῦ. 2 Καὶ φωνήσας αὐτὸν εἶπεν αὐτῷ· ‹Τί τοῦτο ἀκούω περὶ σοῦ; Ἀπόδος τὸν λόγον τῆς οἰκονομίας σου, οὐ γὰρ δυνήσῃ ἔτι‡ οἰκονομεῖν.› 3 Εἶπεν δὲ ἐν ἑαυτῷ ὁ οἰκονόμος· ‹Τί ποιήσω, ὅτι ὁ κύριός μου ἀφαιρεῖται τὴν οἰκονομίαν ἀπ᾿ ἐμοῦ; Σκάπτειν οὐκ ἰσχύω· ἐπαιτεῖν αἰσχύνομαι— 4 ἔγνων τί ποιήσω, ἵνα ὅταν μετασταθῶ§ τῆς οἰκονομίας, δέξωνταί με εἰς τοὺς οἴκους αὐτῶν.›* 5 Καὶ προσκαλεσάμενος ἕνα ἕκαστον τῶν χρεωφειλετῶν† τοῦ κυρίου ἑαυτοῦ,‡ ἔλεγεν τῷ πρώτῳ, ‹Πόσον ὀφείλεις§ τῷ κυρίῳ μου;› 6 Ὁ δὲ εἶπεν, ‹Ἑκατὸν βάτους ἐλαίου.› Καὶ* εἶπεν αὐτῷ, ‹Δέξαι σου τὸ γράμμα† καὶ καθίσας ταχέως γράψον πεντήκοντα.› 7 Ἔπειτα ἑτέρῳ εἶπεν, ‹Σὺ δὲ πόσον ὀφείλεις;› Ὁ δὲ εἶπεν, ‹Ἑκατὸν κόρους σίτου.› Καὶ λέγει‡ αὐτῷ, ‹Δέξαι σου τὸ γράμμα§ καὶ γράψον ὀγδοήκοντα.› 8 Καὶ ἐπῄνεσεν ὁ κύριος τὸν οἰκονόμον τῆς ἀδικίας, ὅτι φρονίμως ἐποίησεν. Ὅτι οἱ* υἱοὶ τοῦ αἰῶνος τούτου φρονιμώτεροι ὑπὲρ τοὺς υἱοὺς τοῦ φωτὸς εἰς τὴν γενεὰν τὴν ἑαυτῶν εἰσιν.
A bit of irony
9 »Κἀγὼ† ὑμῖν λέγω, ποιήσατε ἑαυτοῖς‡ φίλους ἐκ τοῦ μαμωνᾶ τῆς ἀδικίας, ἵνα ὅταν ἐκλείπητε,§ δέξωνται ὑμᾶς εἰς τὰς αἰωνίους σκηνάς. 10 Ὁ πιστὸς ἐν ἐλαχίστῳ καὶ ἐν πολλῷ πιστός ἐστιν, καὶ ὁ ἐν ἐλαχίστῳ ἄδικος καὶ ἐν πολλῷ ἄδικός ἐστιν. 11 Εἰ οὖν ἐν τῷ ἀδίκῳ μαμωνᾷ πιστοὶ οὐκ ἐγένεσθε, τὸ ἀληθινὸν τίς ὑμῖν πιστεύσει; 12 Καὶ εἰ ἐν τῷ ἀλλοτρίῳ πιστοὶ οὐκ ἐγένεσθε, τὸ ὑμέτερον τίς ὑμῖν δώσει; 13 Οὐδεὶς οἰκέτης δύναται δυσὶ κυρίοις δουλεύειν· ἢ γὰρ τὸν ἕνα μισήσει καὶ τὸν ἕτερον ἀγαπήσει, ἢ ἑνὸς ἀνθέξεται καὶ τοῦ ἑτέρου καταφρονήσει. Οὐ δύνασθε Θεῷ δουλεύειν καὶ μαμωνᾷ.»
The Law will not fail
14 Ἤκουον δὲ ταῦτα πάντα καὶ* οἱ Φαρισαῖοι, φιλάργυροι ὑπάρχοντες, καὶ ἐξεμυκτήριζον αὐτόν. 15 Καὶ εἶπεν αὐτοῖς· «Ὑμεῖς ἐστε οἱ δικαιοῦντες ἑαυτοὺς ἐνώπιον τῶν ἀνθρώπων, ὁ δὲ Θεὸς γινώσκει τὰς καρδίας ὑμῶν. Ὅτι τὸ ἐν ἀνθρώποις ὑψηλὸν βδέλυγμα ἐνώπιον τοῦ Θεοῦ.† 16 Ὁ νόμος καὶ οἱ προφῆται ἕως‡ Ἰωάννου· ἀπὸ τότε ἡ βασιλεία τοῦ Θεοῦ εὐαγγελίζεται, καὶ πᾶς εἰς αὐτὴν βιάζεται. 17 Εὐκοπώτερον δέ ἐστιν τὸν οὐρανὸν καὶ τὴν γῆν παρελθεῖν, ἢ τοῦ νόμου μίαν κεραίαν πεσεῖν.
18 »Πᾶς ὁ ἀπολύων τὴν γυναῖκα αὐτοῦ καὶ γαμῶν ἑτέραν μοιχεύει,§ καὶ πᾶς ὁ * ἀπολελυμένην ἀπὸ ἀνδρὸς γαμῶν μοιχεύει.
A rich man and beggar Lazarus
19 »Ἄνθρωπος δέ τις ἦν πλούσιος, καὶ ἐνεδιδύσκετο πορφύραν καὶ βύσσον, εὐφραινόμενος καθ᾿ ἡμέραν λαμπρῶς. 20 Πτωχὸς δέ τις ἦν† ὀνόματι Λάζαρος, ὃς‡ ἐβέβλητο πρὸς τὸν πυλῶνα αὐτοῦ, ἡλκωμένος,§ 21 καὶ ἐπιθυμῶν χορτασθῆναι ἀπὸ τῶν ψιχίων τῶν πιπτόντων* ἀπὸ τῆς τραπέζης τοῦ πλουσίου—ἀλλὰ καὶ οἱ κύνες ἐρχόμενοι ἀπέλειχον† τὰ ἕλκη αὐτοῦ. 22 Ἐγένετο δὲ ἀποθανεῖν τὸν πτωχὸν καὶ ἀπενεχθῆναι αὐτὸν ὑπὸ τῶν ἀγγέλων εἰς τὸν κόλπον τοῦ‡ Ἁβραάμ.
»Ἀπέθανεν δὲ καὶ ὁ πλούσιος καὶ ἐτάφη. 23 Καὶ ἐν τῷ ᾍδῃ ἐπάρας τοὺς ὀφθαλμοὺς αὐτοῦ, ὑπάρχων ἐν βασάνοις, ὁρᾷ τὸν§ Ἁβραὰμ ἀπὸ μακρόθεν, καὶ Λάζαρον ἐν τοῖς κόλποις αὐτοῦ. 24 Καὶ αὐτὸς φωνήσας εἶπεν, ‹Πάτερ Ἁβραάμ, ἐλέησόν με καὶ πέμψον Λάζαρον, ἵνα βάψῃ τὸ ἄκρον τοῦ δακτύλου αὐτοῦ ὕδατος καὶ καταψύξῃ τὴν γλῶσσάν μου· ὅτι ὀδυνῶμαι ἐν τῇ φλογὶ ταύτῃ.› 25 Εἶπεν δὲ Ἁβραάμ· ‹Τέκνον, μνήσθητι ὅτι ἀπέλαβες σὺ τὰ ἀγαθά σου* ἐν τῇ ζωῇ σου, καὶ Λάζαρος ὁμοίως τὰ κακά· νῦν δὲ ὅδε† παρακαλεῖται, σὺ δὲ ὀδυνᾶσαι. 26 Καὶ ἐπὶ‡ πᾶσι τούτοις, μεταξὺ ἡμῶν καὶ ὑμῶν χάσμα μέγα ἐστήρικται, ὅπως οἱ θέλοντες διαβῆναι ἔνθεν§ πρὸς ὑμᾶς μὴ δύνωνται, μηδὲ οἱ* ἐκεῖθεν πρὸς ἡμᾶς διαπερῶσιν.› 27 Εἶπεν δέ, ‹Ἐρωτῶ οὖν σε,† πάτερ, ἵνα πέμψῃς αὐτὸν εἰς τὸν οἶκον τοῦ πατρός μου, 28 ἔχω γὰρ πέντε ἀδελφούς, ὅπως διαμαρτύρηται αὐτοῖς, ἵνα μὴ καὶ αὐτοὶ ἔλθωσιν εἰς τὸν τόπον τοῦτον τῆς βασάνου.› 29 Λέγει‡ αὐτῷ§ Ἁβραάμ, ‹Ἔχουσι Μωσέα* καὶ τοὺς προφήτας· ἀκουσάτωσαν αὐτῶν.› 30 Ὁ δὲ εἶπεν, ‹Οὐχί, πάτερ Ἁβραάμ—ἀλλ᾿ ἐάν τις ἀπὸ† νεκρῶν πορευθῇ πρὸς αὐτούς, μετανοήσουσιν.›‡ 31 Εἶπεν δὲ αὐτῷ, ‹Εἰ Μωσέως§ καὶ τῶν προφητῶν οὐκ ἀκούουσιν, οὐδὲ* ἐάν τις ἐκ νεκρῶν ἀναστῇ πεισθήσονται.› »
* 16:1 και rell ¦ — [14%] † 16:1 αυτου f35 A,N,W [99%] CP,HF,RP,TR,OC ¦ — 𝕻75ℵB,D [1%] NU ‡ 16:2 δυνηση ετι f35 A,N [92%] CP,HF,RP,TR ¦ δυνη 2 𝕻75B,D,W [8%] OC,NU ¦ ~ 2 δυνη ℵ § 16:4 μετασταθω f35 A,W [88.5%] HF,RP,TR ¦ μεταστω [3.5%] CP ¦ 1 εκ 𝕻75ℵB,D,N [6%] OC,NU ¦ 1 απο [1%] ¦ five other variants [1%] * 16:4 αυτων rell ¦ εαυτων ℵB,N [2%] OC † 16:5 χρεωφειλετων f35 [75%] CP,HF,RP,TR,OC ¦ χρεοφειλετων 𝕻75B [5%] NU ¦ χρεοφιλετων ℵA,D,N [20%] ¦ χρεωστων W ‡ 16:5 εαυτου f35 𝕻75A,B,N,W [70%] CP,HF,RP,TR,OC,NU ¦ αυτου ℵD [30%] § 16:5 οφειλεις rell ¦ 1 συ [2%] OC * 16:6 και f35 N,W [96.5%] CP,HF,RP,TR,OC ¦ ο δε 𝕻75ℵA,B [3.5%] NU ¦ δε (D) † 16:6 το γραμμα f35 A,W [99%] CP,HF,RP,TR,OC ¦ τα γραμματα 𝕻75ℵB,D,N [1%] NU ‡ 16:7 και λεγει f35 A,N,W [93%] CP,HF,RP,TR,OC ¦ 2 𝕻75B [6%] NU ¦ ~ 2 δε ℵ [1%] ¦ ο δε 2 D § 16:7 το γραμμα f35 A,W [99%] CP,HF,RP,TR,OC ¦ τα γραμματα 𝕻75ℵB,D,N [1%] NU * 16:8 οι rell ¦ — [13%] † 16:9 καγω f35 A,D,N,W [98.5%] CP,HF,RP,TR,OC ¦ και εγω 𝕻75ℵB [1.5%] NU ‡ 16:9 ποιησατε εαυτοις f35 A,D,N,W [88%] CP,HF,RP,TR,OC ¦ 1 εαυτους [11.5%] ¦ ~ 21 𝕻75ℵB [0.5%] NU § 16:9 εκλειπητε f35 [65%] CP,HF ¦ εκλιπητε [30%] RP,TR,OC ¦ εκλιπη 𝕻75ℵB,D,N [2.5%] NU ¦ εκλειπη A [2%] ¦ εκλειπηται W ¦ one other variant * 16:14 ταυτα παντα και f35 A,N,W (82.8%) CP,HF,RP,TR,OC ¦ ~ 213 (3%) ¦ 12 𝕻75(ℵ)B (3.2%) NU ¦ 13 (6.2%) ¦ 23 (1.7%) ¦ ~ 21 (0.4%) ¦ 1 D (0.5%) ¦ 2 (0.2%) ¦ 1 παντες 3 (0.4%) ¦ παντες 3 (0.5%) ¦ παντες (1.3%) † 16:15 του θεου f35 𝕻75ℵA,D,N,W [62%] HF,RP,OC,NU ¦ 12 εστιν [38%] TR ¦ 12 ην CP ¦ κυριου B ‡ 16:16 εως f35 A,D,N,W [97.5%] CP,HF,RP,TR,OC ¦ μεχρι 𝕻75ℵB [2.5%] NU § 16:18 μοιχευει rell ¦ μοιχαται [16%] * 16:18 πας ο f35 ℵA,N,W [97%] CP,HF,RP,TR,OC ¦ ο B,D [3%] NU ¦ — 𝕻75 † 16:20 ην f35 A,N,W (95.3%) CP,HF,RP,TR,OC ¦ — 𝕻75ℵB,D (4.7%) NU ‡ 16:20 ος f35 A,N,W (98.6%) CP,HF,RP,TR,OC ¦ — 𝕻75ℵB,D (1.4%) NU [Note that in the space of four words in the Text the same four early uncials are ‘followed’ by a rather different array of other attestation; we have independent lines of transmission.] § 16:20 ηλκωμενος f35 [84%] CP,HF,RP,TR,OC ¦ ειλκωμενος 𝕻75ℵA,B,D,N,W [16%] NU * 16:21 των ψιχιων των πιπτοντων f35 A(D)N,W (98.7%) CP,HF,RP,TR,OC ¦ ~ 342 (0.4%) ¦ 34 𝕻75ℵB (0.3%) NU ¦ 12 (0.1%) ¦ — (0.4%) ¦ three other variants (0.2%) † 16:21 απελειχον f35 N(W) [98.5%] CP,HF,RP,TR,OC ¦ επελειχον ℵA,B [1%] NU ¦ ελειχον D [0.5%] ‡ 16:22 του f35 W [26%] CP,TR ¦ — 𝕻75ℵA,B(D)N [74%] HF,RP,OC,NU § 16:23 τον f35 A,N,W [99.5%] CP,HF,RP,TR,OC ¦ — 𝕻75ℵB,D [0.5%] NU * 16:25 συ τα αγαθα σου f35 W [87%] CP,HF,RP,TR,OC ¦ ~ 2341 A ¦ 234 𝕻75ℵB,D,N [13%] NU † 16:25 οδε f35 [30%] CP,TR ¦ ωδε 𝕻75ℵA,B,D,N,W [70%] HF,RP,OC,NU [the emphatic pronoun is better—‘he’ VS ‘here’—Abraham is contrasting the situation of the two men] ‡ 16:26 επι f35 A,D,N,W [99.5%] CP,HF,RP,TR,OC ¦ εν 𝕻75ℵB [0.5%] NU § 16:26 ενθεν f35 𝕻75ℵA,B,N [89%] CP,HF,RP,OC,NU ¦ εντευθεν [11%] TR ¦ — D,W * 16:26 οι f35 A,N,W [99.7%] CP,HF,RP,TR,OC ¦ — 𝕻75ℵB,D,NU † 16:27 ουν σε f35 𝕻75ℵN [98%] CP,HF,RP,TR,OC ¦ ~ 21 A,B,D [2%] NU ¦ 2 W ‡ 16:29 λεγει f35 [67%] CP,HF,RP,TR,OC ¦ 1 δε 𝕻75ℵA,B,N,W [33%] NU ¦ ειπεν δε D § 16:29 αυτω f35 A,D,N,W [99.5%] CP,HF,RP,TR,OC ¦ — 𝕻75ℵB [0.5%] NU * 16:29 μωσεα f35 ℵA,W [91%] CP,HF,RP,TR ¦ μωυσεα 𝕻75B,D,N [9%] OC,NU ¦ one other variant † 16:30 απο rell ¦ 1 των [14%] ¦ εκ D [3%] ‡ 16:30 μετανοησουσιν rell ¦ μετανοησωσιν [23%] § 16:31 μωσεως f35 ℵA,B [91%] CP,HF,RP,TR ¦ μωυσεως 𝕻75D,N,W [8%] OC,NU ¦ three other variants [1%] * 16:31 ουδε rell ¦ ουδ NU
☰