Η Καινή Διαθήκη ΙΩΑΝΝΟΥ Β 1

ΙΩΑΝΝΟΥ Β

1 Ὁ πρεσβύτερος ἐκλεκτῇ κυρίᾳ καὶ τοῖς τέκνοις αὐτῆς, οὓς ἐγὼ ἀγαπῶ ἐν ἀληθείᾳ, καὶ οὐκ ἐγὼ μόνος, ἀλλὰ καὶ πάντες οἱ ἐγνωκότες τὴν ἀλήθειαν, 2 διὰ τὴν ἀλήθειαν τὴν μένουσαν ἐν ἡμῖν, καὶ μεθ᾽ ἡμῶν ἔσται εἰς τὸν αἰῶνα· 3 ἔσται μεθ᾽ *ἡμῶν χάρις, ἔλεος, εἰρήνη παρὰ Θεοῦ πατρός, καὶ παρὰ †Κυρίου Ἰησοῦ Χριστοῦ τοῦ υἱοῦ τοῦ πατρός, ἐν ἀληθείᾳ καὶ ἀγάπῃ.

4 Ἐχάρην λίαν ὅτι εὕρηκα ἐκ τῶν τέκνων σου περιπατοῦντας ἐν ἀληθείᾳ, καθὼς ἐντολὴν ἐλάβομεν παρὰ τοῦ πατρός. 5 Καὶ νῦν ἐρωτῶ σε, κυρία, οὐχ ὡς ἐντολὴν ‡γράφων σοι καινήν, §ἀλλὰ ἣν *εἴχομεν ἀπ᾽ ἀρχῆς, ἵνα ἀγαπῶμεν ἀλλήλους. 6 Καὶ αὕτη ἐστὶν ἡ ἀγάπη, ἵνα περιπατῶμεν κατὰ τὰς ἐντολὰς αὐτοῦ. Αὕτη †ἐστὶν ἡ ἐντολή, καθὼς ἠκούσατε ἀπ᾽ ἀρχῆς, ἵνα ἐν αὐτῇ περιπατῆτε. 7 Ὅτι πολλοὶ πλάνοι ‡εἰσῆλθον εἰς τὸν κόσμον, οἱ μὴ ὁμολογοῦντες Ἰησοῦν Χριστὸν ἐρχόμενον ἐν σαρκί. Οὗτός ἐστιν ὁ πλάνος καὶ ὁ ἀντίχριστος. 8 Βλέπετε ἑαυτούς, ἵνα μὴ §ἀπολέσωμεν ἃ *εἰργασάμεθα, ἀλλὰ μισθὸν πλήρη ἀπολάβωμεν. 9 Πᾶς ὁ †παραβαίνων καὶ μὴ μένων ἐν τῇ διδαχῇ τοῦ Χριστοῦ, Θεὸν οὐκ ἔχει· ‡ὁ μένων ἐν τῇ διδαχῇ §τοῦ Χριστοῦ, οὗτος καὶ τὸν *πατέρα καὶ τὸν υἱὸν ἔχει. 10 Εἴ τις ἔρχεται πρὸς ὑμᾶς, καὶ ταύτην τὴν διδαχὴν οὐ φέρει, μὴ λαμβάνετε αὐτὸν εἰς οἰκίαν, καὶ χαίρειν αὐτῷ μὴ λέγετε· 11 ὁ †γὰρ λέγων αὐτῷ χαίρειν κοινωνεῖ τοῖς ἔργοις αὐτοῦ τοῖς πονηροῖς.

12 Πολλὰ ἔχων ὑμῖν γράφειν, οὐκ ‡ἐβουλήθην διὰ χάρτου καὶ μέλανος· §ἀλλὰ ἐλπίζω *ἐλθεῖν πρὸς ὑμᾶς, καὶ στόμα πρὸς στόμα λαλῆσαι, ἵνα ἡ χαρὰ †ἡμῶν ‡ᾖ πεπληρωμένη.

13 Ἀσπάζεταί σε τὰ τέκνα τῆς ἀδελφῆς σου τῆς ἐκλεκτῆς. §Ἀμήν.

* 1:3 ημων ¦ υμων ANT PCK SCR † 1:3 κυριου 91.2% ¦ — CT 6.2% ‡ 1:5 γραφων σοι καινην 72.1% ¦ γραφω σοι καινην ST 12.4% ¦ καινην γραφων σοι NA27 SBL TH 9.2% § 1:5 αλλα ¦ αλλ ECM NA28 PCK * 1:5 ειχομεν ¦ εχομεν PCK ¦ ειχαμεν WH † 1:6 εστιν η εντολη ¦ η εντολη εστι CT ‡ 1:7 εισηλθον ¦ εξηλθον ECM NA SBL TH ¦ εξηλθαν WH § 1:8 απολεσωμεν … απολαβωμεν 74.9% ¦ απολεσητε … απολαβητε CT 17% * 1:8 ειργασαμεθα ¦ ειργασασθε TH ¦ ηργασαμεθα WH † 1:9 παραβαινων 99% ¦ προαγων CT 1% ‡ 1:9 ο ¦ ο δε PCK § 1:9 του χριστου 89.3% ¦ — CT 4.5% * 1:9 πατερα και τον υιον ¦ υιον και τον πατερα ECM* † 1:11 γαρ λεγων ¦ λεγων γαρ CT ‡ 1:12 εβουληθην ¦ ηβουληθην ANT TR § 1:12 αλλα ¦ αλλ ECM NA28 PCK * 1:12 ελθειν 87.1% ¦ γενεσθαι CT 11.4% † 1:12 ημων ¦ υμων ECM* SBL WH ‡ 1:12 η πεπληρωμενη ¦ πεπληρωμενη η NA27 SBL WH § 1:13 αμην 89% ¦ — CT 8.8%