☰ ΑΠΟΚΑΛΥΨΙΣ ΙΩΑΝΝΟΥ 8
8
The Seventh Seal
1 Καὶ *ὅτε ἤνοιξε τὴν σφραγῖδα τὴν ἑβδόμην, ἐγένετο σιγὴ ἐν τῷ οὐρανῷ ὡς †ἡμιώριον. 2 Καὶ ‡εἶδον τοὺς ἑπτὰ ἀγγέλους οἳ ἐνώπιον τοῦ Θεοῦ ἑστήκασι, καὶ ἐδόθησαν αὐτοῖς ἑπτὰ σάλπιγγες.
3 Καὶ ἄλλος ἄγγελος ἦλθε, καὶ ἐστάθη ἐπὶ §τοῦ θυσιαστηρίου, ἔχων λιβανωτὸν χρυσοῦν· καὶ ἐδόθη αὐτῷ θυμιάματα πολλά, ἵνα *δώσῃ ταῖς προσευχαῖς τῶν ἁγίων πάντων ἐπὶ τὸ θυσιαστήριον τὸ χρυσοῦν τὸ ἐνώπιον τοῦ θρόνου. 4 Καὶ ἀνέβη ὁ καπνὸς τῶν θυμιαμάτων ταῖς προσευχαῖς τῶν ἁγίων ἐκ χειρὸς τοῦ ἀγγέλου ἐνώπιον τοῦ Θεοῦ. 5 Καὶ εἴληφεν ὁ ἄγγελος †τὸν λιβανωτόν, καὶ ἐγέμισεν αὐτὸν ἐκ τοῦ πυρὸς τοῦ θυσιαστηρίου, καὶ ἔβαλεν εἰς τὴν γῆν· καὶ ἐγένοντο ‡βρονταὶ καὶ φωναὶ καὶ ἀστραπαὶ καὶ σεισμός.
The Seven Trumpets
6 Καὶ οἱ ἑπτὰ ἄγγελοι §οἱ ἔχοντες τὰς ἑπτὰ σάλπιγγας ἡτοίμασαν *ἑαυτοὺς ἵνα σαλπίσωσι.
7 Καὶ ὁ †πρῶτος ἐσάλπισε, καὶ ἐγένετο χάλαζα καὶ πῦρ ‡μεμιγμένα §ἐν αἵματι, καὶ ἐβλήθη εἰς τὴν γῆν· *καὶ τὸ τρίτον τῆς γῆς κατεκάη, καὶ τὸ τρίτον τῶν δένδρων κατεκάη, καὶ πᾶς χόρτος χλωρὸς κατεκάη.
8 Καὶ ὁ δεύτερος ἄγγελος ἐσάλπισε, καὶ ὡς ὄρος μέγα †καιόμενον ἐβλήθη εἰς τὴν θάλασσαν· καὶ ἐγένετο τὸ τρίτον τῆς θαλάσσης αἷμα· 9 καὶ ἀπέθανε τὸ τρίτον τῶν κτισμάτων ‡ἐν τῇ θαλάσσῃ, τὰ ἔχοντα ψυχάς, καὶ τὸ τρίτον τῶν πλοίων §διεφθάρη.
10 Καὶ ὁ τρίτος ἄγγελος ἐσάλπισε, καὶ ἔπεσεν ἐκ τοῦ οὐρανοῦ ἀστὴρ μέγας καιόμενος ὡς λαμπάς, καὶ ἔπεσεν ἐπὶ τὸ τρίτον τῶν ποταμῶν, καὶ ἐπὶ τὰς πηγὰς *τῶν ὑδάτων. 11 Καὶ τὸ ὄνομα τοῦ ἀστέρος λέγεται †ὁ Ἄψινθος· καὶ ‡ἐγένετο τὸ τρίτον §τῶν ὑδάτων εἰς ἄψινθον, καὶ πολλοὶ *τῶν ἀνθρώπων ἀπέθανον ἐκ τῶν ὑδάτων, ὅτι ἐπικράνθησαν.
12 Καὶ ὁ τέταρτος ἄγγελος ἐσάλπισε, καὶ ἐπλήγη τὸ τρίτον τοῦ ἡλίου καὶ τὸ τρίτον τῆς σελήνης καὶ τὸ τρίτον τῶν ἀστέρων, ἵνα σκοτισθῇ τὸ τρίτον αὐτῶν, καὶ †τὸ τρίτον αὐτῆς μὴ φάνῃ ἡ ἡμέρα, καὶ ἡ νὺξ ὁμοίως.
13 Καὶ εἶδον, καὶ ἤκουσα ἑνὸς ‡ἀετοῦ §πετομένου ἐν μεσουρανήματι, λέγοντος φωνῇ *μεγάλῃ, Οὐαί, οὐαί, οὐαὶ †τοῖς κατοικοῦσιν ἐπὶ τῆς γῆς, ἐκ τῶν λοιπῶν φωνῶν τῆς σάλπιγγος τῶν τριῶν ἀγγέλων τῶν μελλόντων σαλπίζειν.
* 8:1 οτε 𝔐A,C,K [95%] ¦ οταν NA SBL TH WH [2.7%] † 8:1 ημιωριον 𝔐A,C,K [94.1%] ¦ ημιωρον TH WH [5.5%] ‡ 8:2 ειδον [86.4%] ¦ ιδον ECM [13.6%] § 8:3 του θυσιαστηριου 𝔐A−,C,K [76.3%] ¦ το θυσιαστηριον 𝔐A+ ECM† TR [23.7%] * 8:3 δωση 𝔐A+,K+ [48.2%] ¦ δωσει 𝔐A+,C,K− ANT ECM† HF NA PCK SBL TH WH [46.8%] † 8:5 τον … αυτον 𝔐A,C,K [86.7%] ¦ το … αυτο TR [9.2%] ‡ 8:5 βρονται και φωναι 𝔐K [45.9%] ¦ φωναι και βρονται 𝔐A,C PCK TR [41.7%] § 8:6 οι 𝔐A,C,K [90.4%] ¦ — ST [9.6%] * 8:6 ἑαυτοὺς 𝔐A,C,K [96.8%] ¦ αὐτοὺς NA TH (αὑτοὺς SBL WH) [1.8%] † 8:7 πρωτος 𝔐C,K [76.4%] ¦ πρωτος αγγελος 𝔐A TR [23.6%] ‡ 8:7 μεμιγμενα 𝔐A−,C,K [80.4%] ¦ μεμιγμενον 𝔐A+ ECM† [19.2%] § 8:7 εν 𝔐A−,C,K [83%] ¦ — 𝔐A+ TR [16.5%] * 8:7 και το τριτον της γης κατεκαη 𝔐A,C,K [91.8%] ¦ — TR [7.3%] † 8:8 καιομενον 𝔐C,K [61.5%] ¦ πυρι καιομενον 𝔐A ANT CT TR [35.8%] ‡ 8:9 εν 𝔐A+,C,K [69.7%] ¦ των εν 𝔐A− ANT CT TR [26.1%] § 8:9 διεφθαρη 𝔐A+,K [67.9%] ¦ διεφθαρησαν 𝔐A+,C CT PCK [28.9%] * 8:10 των 𝔐A,C,K [98.6%] ¦ — TR [0.9%] † 8:11 ο 𝔐A−,C,K [77.9%] ¦ — 𝔐A+ TR [21.7%] ‡ 8:11 εγενετο 𝔐A+,C,K [85.3%] ¦ γινεται 𝔐A− TR [10.1%] § 8:11 των υδατων 𝔐A,C,K [94.5%] ¦ — ST [1.4%] * 8:11 των 𝔐A,C,K [97.3%] ¦ — TR [1.8%] † 8:12 το τριτον αυτης μη φανη η ημερα 𝔐K [27.5%] ¦ η ημερα μη φαινη το τριτον αυτης 𝔐A,C PCK TR [28.2%] ¦ το τριτον αυτων μη φανη η ημερα MSS [8.3%] ¦ η ημερα μη φανη το τριτον αυτης CT [5.1%] ‡ 8:13 αετου 𝔐C,K [70%] ¦ αγγελου 𝔐A TR [29.5%] § 8:13 πετομενου 𝔐A,C,K [87.6%] ¦ πετωμενου TR [11.9%] {Note: ECM does not collate this variant unit. Consequently, this variant unit is calculated only from Hoskier's collation.} * 8:13 μεγαλη 𝔐A+,K [73.1%] ¦ μεγαλη τρις 𝔐A−,C PCK [24.5%] {ECM ignores the difference between τρις and τρεις but lists the spelling as τρεις. However, the spelling τρις is predominant. The figure of 24.5% includes both spellings.} † 8:13 τοις κατοικουσιν 𝔐A,C [50%] ¦ τους κατοικουντας 𝔐K ANT ECM† HF NA SBL TH WH [50%]
☰