101
1 Xee aporaei 'rã ndeporayvu ha'e ha'evea rami rejoguerekoa re.
Senhor, ndevy pe ae aporaei.
2 Anhea'ã 'rã xe'arandua rupi tape porã rupi anho aiko aguã.
Raka'e nda'u reju 'rã xea py?
Xero py aikoa py voi xepy'a ky'a e'ỹa rupi pota 'rã aiko.
3 Xee aexaa py ma namoĩ 'rã teko vai.
Ndajou porãi ojepe'a va'e kuery ikuaia.
Ha'e kuery reko neĩ peteĩ henda py voi noĩ 'rã xere.
4 Xevy pe nda'evei ete xepy'a ky'aa oĩ aguã.
Xee ndaikuaaxei teko vai.
5 Ha'e gui nhemi rupi joe ijayvu vai va'e ma amokanhy 'rã.
Opy'a py ojejou porã ha'e onhemboyvate rei va'e ma xee ndaropo'akai.
6 Xee aexaxe va'e ma ojeroviapy yvy re ikuai va'e anho,
aru 'rã xero py xereve ikuai aguã.
Tape porã rupi ikuai va'e ma amoĩ 'rã xerembiguairã.
7 Xero py ma neĩ peteĩve jokore va'e ndoikoi 'rã,
neĩ peteĩve ijapu va'e voi ndoikoi 'rã xerenonde.
8 Ko'ẽ nhavõ amokanhy 'rã heko vai va'e yvy gui,
Senhor pegua tetã gui aipe'a aguã teko vai rupi ikuai va'e ha'e javi.
Jajeko rerova vy Nhanderuete nharõ aguã regua
Ojexavai ha'e ikangy va'e Senhor pe ojapukaiague.