149
Nhanderuete re ojerovia va'e kuery ogueroporaei aguã regua
1 Aleluia!
Pemonhendu Senhor pe mboraei pyau!
Peroporaei ixupegua kuery iky'a e'ỹ va'e ijatya py.
2 Israel kuery toguerovy'a imoingoare.
Sião pygua kuery toguerovy'a nguvixave.
3 Peroporaei hery mimby pemonhe'ẽ reve.
Ixupe peporaei salmos, pandeiro ha'e mba'epu ixã reta va'e pembojoguy vy.
4 Mba'eta Senhor oguerovy'a ojeupegua kuery.
Yvyĩgue'i re omoĩ oo jepe aguã.
5 Ixupegua kuery iky'a e'ỹ va'e toguerovy'a hexakãa.
Ovy'aa rupi toporaei ngupa py.
6 Ha'e kuery juru py toĩ Nhanderuete pe oporaei atã aguã,
ha'e ipo py ma toĩ kyxe haimbe jovai va'e,
7 yvy regua kuery ikuaia rupi nhombopaga aguã,
amboae regua ombopaga aguã,
8 huvixave kuery corrente py oipokua aguã,
ha'e yvatekueve ferro guigua py
9 ha'e kuery ombopaga aguã ayvu ombopara pyre rami vy,
ixupegua kuery iky'a e'ỹ va'e ha'e javi omboetea aguã.
Aleluia!