126
ङिए कैदिमैं एसि पखमिंन्
कैंडो क्रेबै त्हेर्बै क्वे
1 याहवेहजी ङिलाइ सियोनर एपखमा
ङि म्होंड धोंन् ङ्हाँइ।
2 धै ङि बेल्ले सैं तोंसि निस्योदै क्वे प्रिंइ!
छाब् म्रोंसि “याहवेहजी चमैंए ल्हागिर थेबै केमैं लमिंइमुँ।”
बिसि अरू ह्रेंर्बै म्हिमैंइ बिइ।
3 याहवेहजी ङ्योए ल्हागिर थेबै के लमिंइमुँ,
छतसि ङ्यो सैं तोंइमुँ।
4 ओ याहवेह, नेगेब ह्युलर स्योंमैं प्ल्हों खब् धोंले
शत्तुरमैंइ बोसि च्युथेंबै ङिए म्हिमैं एसि पखमिंन्।
5 क्रोदै प्लु प्लुब्मैंइ
सैं तोंबै क्वे प्रिंदै खैंब्मुँ।
6 क्रोदै प्लु नोसि प्लुबर ह्याब्मैंइ
म्ल्हा-नारेए तिमैं नोसि
सैं तोंबै क्वे प्रिंदै एखब्मुँ।