125
याहवेह ह्रोंसए म्हिमैंए कारर्ग्युले तम्
कैंडो क्रेबै त्हेर्बै क्वे
1 याहवेहए फिर भर थेंब्मैं सियोन कों धों तम्,
च कोंलाइ खाबज्यै लाल् आखाँ, खोंयोंन् बिलै तरिम्।
2 यरूशालेमलाइ कोंमैंइ कारर्ग्यु लब् धोंले,
याहवेह ह्रोंसए म्हिमैंए कारर्ग्युले
खोंयोंन् बिलै तरिम्।
3 ठिक के लब्मैंए ह्युलर
दुष्टमैं तरिब् आरे,
आस्याँ ठिक के लब्मैंए योइ
आछ्याँबै के लब्मुँ।
4 ओ याहवेह, छ्याँब लब्मैंलाइ छ्याँबन् लमिंन्,
छलेन छ्याँबै खों प्ह्याब्मैंलाज्यै या छ्याँबन् लमिंन्
5 दिलेया आछ्याँबै के लप्रब्मैं बिस्याँ
याहवेहजी दुष्ट के लब्मैंलाइ पिंब् धों तबै सजैं पिंब्मुँ!
इस्राएलए फिर शान्ति तरिगे!