4
Jews rhoek Alexandria la a khuen
1 Philopator kah capat loh kho takuem a pha, te vaengah mawtkung rhoek loh Greek hlang thantpomnah poei a saii uh. Amih long loh Judah rhoek a thinkha la a thiinah te a phah thai voel pawt dongah a uum uh.
2 Tedae khopuei rhoek kah Judah rhoek tah mat lakueng uh tih khomap uh. Manghai loh amih ngawn ham kawng dongah Jduah rhoek kah a rhung neh a rhah tah paa thai voel pawh.
3 Ram khopuei vangca kah longpuei takuem ah kothae la nguekcoi uh.
4 Te vaengah amih te Alexandria la thak ham caempuei rhalboei rhoek tah rhuengphong uh. .
Judah rhoek sokah dantatnah he tlo tangkik aih. Te dongah a rhal rhoek khuikah a ngen tah mat rhap uh. Tebang sarhing koi dueknah he a hmuh noek pawt dongah a ko bahoeng thae uh.
5 Patong tongpa rhoek khaw a mangkhak maila khopuei longpuei ah khotling la a vaan sak uh.
6 Huta tanoe vasakung rhoek long khaw omngaihnah laa te a toeng uh tih khothae neh nguek uh. A sam botui mai te maiphu a phul thil uh. Vasak vaegkah himbai te boeih a pit uh uh amih Alexandria aka khuen te a rhing uh. Greek boei rhoek loh amih a thaekhanah dongah mat rhap uh.
7 Yulokung rhoek te khaw hlangping hmuh ah thirhui neh a sol uh tih Alexandria la khuen ham sangpho tuikaengah a rhing sak uh.
8 Ompaek kah a va khaw duek koeloe pawn ni tila a ngai uh. A rhawn dongah rhaipai yueng la rhui khak a oi sak. Omngaih omthenbawn khaw paa tih kopang tlohnah la poeh. Judah yulo kung rhoek te long puei ah a khuen uh. A rhawn dongah rhaihulh yueng la thirhui a oi uh. Amih loh dueknah m'paan coeng ti a ming uh dongah omngaih bawnnah khaw kopangnah la poeh.
9 Judah rhoek te thirhui neh a khih uh tih kohong rhamsa bangla lawng taengla a mawt uh. A ngen tah a rhawn ah hlong khak a khh pa uh. A ngen tah a khocin ah thirhui neh a khih uh.
10 Amih te rhalcak bangla a phaek uh tih sangpho cirhong hmui la a det uh. Te dongah Alexandria la a caenah he kho la yin.
Judah rhoek thongtla la poeh
11 Alexandria la Judah rhoek aka phuei sangpho te Schedia ah duem. Judah rhoek te khopuei vongka hmaikah toltung puei ah rhenten khueh hamla Philopator loh ol a paek. Alexandria la aka kun boeih loh Judah rhoek te hmuh saeh lamtah luemnah saeh ti a ngaih. Judah rhoek te manghai taengom neh rhep voek uh thae pawt ham neh amih kho khopuei khuiah om pawt ham a saii.
12 Alexandria kah Judah hlang a ngen tah khopuei lamloh duem cet uh. Judah thongtla rhoek sarhingrhup la dantatnah toltung la pawnpawn cet uh. Tete Philopator loh a yaak vaengah barhoeng sai.
13 Te dongah Alexandria kah Judah rhoek boeih te dantat van ham a rhalkap rhoek te ol a paek.
14 Judah rhoek boeih kah a ming te ukkung kah cabu dongah a tael sak. Tedae amih te sal bi sak ham moenih. Amih te dueknah paek ham nih manghai loh a mangtaeng.
15 Manghai kah bibikung rhoek loh khohnin sawmli khuiah Judah rhoek ming te a hlum uh dae coeng uh pawh.
16 Philopator tah a cainah vanbangla hnukkhueng ah Judah rhoek te a ngawn. A rhaepnit la a saii tih a cal vaengah hlang a tat pawt ham a khueh. Anih kah mueirhol thangpom ham neh bawk hamla khotue a saii. Te mueirhol rhoek te cal thai pawt tih hlang khaw a bom thai moenih. Khohni Pathen hliphen ham te Philopator tah tlungmu.
17 Te vaengah Judah rhoek kah ming hlum hamla hutnah aka khueh tah manghai taengla cet tih, “He bibi ka coeng uh thai moenih. Amih he hlang bahoeng yet uh.
18 Egypt kah rhalboei boeih loh n'bom uh cakhaw coeng mahpawh. Judah rhoek khotaeng kah a im lamloh toltung la han khuen uh li pueng,” a ti nah.
19 Philopator loh khoboei rhoek a phaep phoeiah amih loh Judah rhoek kah kapbaih a doe tila a paelnaeh.
20 Khoboei rhoek cahang neh cahawn a boeih te a hmuh vaengah a kopoek a tho vilvak.
21 He tla saii ham neh Judah rhoek hlawt hamla Pathen loh thadueng a khueh te a poek moenih.