24
Chuaq, Haq Bùa 'Ngah 'Ngai
Đawit Achìh
1 Crŏng taneh wa rìm bìac ma ŏi ta crŏng taneh;
Crŏng taneh wa rìm ngai ma rìh ta crŏng taneh, dìq da Chuaq.
2 Ma jah 'màng aih Chuaq khoi broq xèm da crŏng taneh enh 'nhèq ca diac raxìq,
wa enh 'nhèq ca 'bài cròng diac.
3 Cabô jah tŏc ta wang da Chuaq?
Cabô nui yòng ta nòi hadròih da Haq?
4 Aih mangai i tì lem hreo wa manoh hadròih,
mangai ùh đòiq dèh mahua yiang dađeh
tiaq trong dech 'ngwan, mangai ùh pachac amòng.
5 Mangai aih jah nhàn yŏc xôq ramŏt enh Chuaq,
wa bìac ta-atoq enh Boc Plình, Haq ma dèch claih haq.
6 Aih xinoi da mangai loq chaq Chuaq,
aih 'bài mangai loq chaq Chuaq da Jacôp.
7 Ôi 'bài ngo, dèch gàu beq,
ôi 'bài 'màng enh calah nèh,
dèch ma ha'nhèq beq đòiq Bùa 'ngah 'ngai mùt ŏi!
8 Bùa 'ngah 'ngai cô cabô?
Aih raq Chuaq i cwìang itai,
Chuaq ma i padren dêh nòi tajêh poh.
9 Ôi 'bài ngo dèch gàu beq,
ôi 'bài 'màng enh calah nèh,
dèch ma ha'nhèq beq đòiq Bùa 'ngah 'ngai mùt ŏi!
10 Bùa 'ngah 'ngai cô cabô?
Aih raq Chuaq ma wèq dìq ca 'bình lình plình,
Haq Bùa da 'ngah 'ngai.