120
Dasal a mangahes so sidong
1 Do kayan ko do kagologoloan kan do problema am nachisiasi ako do Dios do kasidong na diaken as nitbay na yaken.
2 Librien mo yaken dira do maydaydaday kano manlonloko saya.
3 Omhamo ava anti o kastigo dinio no Dios, dinio a maydaydaday.
4 No kastigo nio anti am oyod a maymetmet, ta akma so kapayhawos no pana do karakohan nio as kapaso nio do mayet a inmaya.
5-6 Maypaaro o problema ko do kapachasa koaya dira do tawo saya a mangdet a somobna so Dios. Matnga ako na machasa dira do tawo aya a maskeh no karadinepan.
7 No ichakey ko am karadinepan asna no ichakey da am arap. Adngeyen dava o vatahen ko dira.