67
Kanta no kapamahemahes
1 O Dios, ichasi mo yamen. Panalasalen mo diamen o bendision mo as kapavoya mo diamen no kapichapian mo,
2 tapian mapanmo no atavo do mondo aya o inolay mo as kapanmo da pa sia o ipakapamarin mo a manlibri.
3 Niaya o ichahoho ko: No kadaday da dimo, O Dios, no atavo. Dadayen ka no atavo a tawotawo!
4 Ichahoho ko pa o kasoyosoyot as kapakakanta da no soyot da no atavo a nasiones a makayamot do kaimo no mahosto so kapanyokoyokod. Arava o kapangatatarek mo as imo pa o mapawnot so atavo a nasiones do tana aya.
5 Dadayen ka, O Dios, no atavo a tawotawo, ta no kadaday dimo no atavo am somnivog ko a ichahoho!
6 As mapia anti o yanien ta, ta no Dios a iya so Dios ta o ombendision diaten.
7 Panalasalan na yaten so bendision na as paytavoay no tawotawo a omsinchad dia o Dios a torohan so onor.