25
Bilidadu epfu l'ọ tọ dụdu
onye pfụberekoto l'iphu Chipfu
1 Tọbudu iya bụ; Bilidadu,
bụ onye Shuwa bya
eyeeru iya ọnu sụ iya:
2 “Ọo Chileke bẹ abụru
ishi dụ l'ẹka;
tẹme ọ bụru iya bẹ ọha
l'ophu gbaru g'ẹphe
tsụje ebvu.
Oomeje gẹ nchị dụ doo
l'ephekerephe.
3 ?Bụ onye adụ ike agụta
ojọgu iya l'ọgu?
?Tọ bụ onye bẹ ìphóró,
shi iya l'ẹka te erwudu
l'ẹhu?
4 ?Dẹnu g'eeshi gẹ nemadzụ
bụru onye pfụberekoto
l'iphu Chileke?
?Dẹnu g'eeshi gẹ nemadzụ,
nwanyị nwụru bụru
onye dụebe ree?
5 Ọ -bụkpoorunu l'ọnwa te
echizidu echichi;
ọphu kpokpode egbudu
nwịinwii ree l'iphu iya;
6 ?bụchia nemadzụ, bụ
ẹkà-alị bẹ ọ gụberu iphe;
mbụ nwa, nemadzụ nwụru,
bụ mgbashiride bẹ ọ bụ?”