7
Sadaka za vilongozi
1 Mna isiku Musa viyamambukize kudimiza wima dihema ding'ala, kadigidila mavuta na kadilava kwa Mndewa Imulungu hamoja na iviya vake vose, na kaugidila mavuta uupango wa nhosa na viya vake vose.
2 Vilongozi wa Izilaeli na iwakulu wa zing'holo na vilongozi wa gamakabila, awo wawemilile iwanhu wapetigwe weza mdihema,
3 wamgalila Mndewa Imulungu sadaka zao. Mituka igubikigwe sita na ming'ombe mibigalo longo na wabili, na kila vilongozi wabili wagala mtuka umoja, na kila kilongozi kagala ng'ombe imoja mbigalo. Viwavigalile kuulongozi wa dihema ding'ala,
4 Mndewa Imulungu kamulongela Musa,
5 “Uvibokele vinhu avo ili visang'hanilwe mna dihema da mting'hano, uwagwee Walawi vinhu avo, kila munhu kwa sang'hano yake.”
6 Avo Musa kasola imituka na iming'ombe mibigalo kawagwaa Walawi.
7 Wagelishoni wagweleligwa mituka mibili na ming'ombe mibigalo mine, kamba sang'hano yao ya kupapila ivinhu va dihema viikalile,
8 na Wamelali wagweleligwa mituka mine na ming'ombe mibigalo mine, ili watendele sang'hano yao ya kupapila ivinhu va dihema. Walongozwa na kilongozi wao Itamali mwanage Haluni imulava nhosa.
9 Lakini Musa hawagwelele kinhu chochose Wakohati, kwavija hewo wakala na sang'hano ya kuvilola goya viya ving'ala vilondigwa kupapigwa mmaega.
10 Vilongozi awo walava sadaka siku didija upango wa nhosa viugidiligwe mavuta mbuli ya kuulava upango awo kwa Mndewa Imulungu. Walava sadaka zao kuulongozi wa upango wa nhosa.
11 Mndewa Imulungu kamulongela Musa, “Kila siku kilongozi imoja yagale sadaka yake mbuli ya kuulava kumwangu niye Mndewa Imulungu upango wa nhosa.”
12 Avo, munhu yasongile kugala sadaka siku ya ichanduso kakala Nashoni mwanage Aminadabu kulawa kabila da Yuda.
13 Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu na utibwilizigwe na mavuta mbuli ya nhosa ya ndiya,
14 na kisahani kimoja cha zahabu kili na uzito wa gilamu gana na longo kuno kimemezigwa ubani,
15 bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
16 mbuzi mbigalo imoja mbuli ya nhosa ya kusegesa nzambi,
17 ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo zikala sadaka za Nashoni mwanage Aminadabu.
18 Siku da kabili, Nasaneli mwanage Suali kilongozi wa kabila da Isakali kagala sadaka zake.
19 Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
20 na kisahani kimoja cha zahabu kili na uzito wa gilamu gana na longo kuno kimemezigwa ubani,
21 bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
22 na mbuzi mbigalo imoja mbuli ya nhosa ya kusegesa nzambi,
23 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo zikala sadaka za Nasaneli mwanage Suali.
24 Siku da kadatu ikala zamu ya Eliabu mwanage Heloni, kilongozi wa kabila da Zabuloni.
25 Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
26 na kisahani kimoja cha zahabu kili na uzito wa gilamu gana na longo kuno kimemezigwa ubani,
27 bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
28 na mbuzi mbigalo imoja mbuli ya nhosa ya kusegesa nzambi,
29 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo zikala sadaka za Eliabu mwanage Heloni.
30 Siku ya ikane ikala zamu ya Elisuli mwanage Shedeuli, kilongozi wa kabila da Lubeni.
31 Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
32 na kisahani kimoja cha zahabu kili na uzito wa gilamu gana na longo kuno kimemezigwa ubani,
33 bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
34 na mbuzi mbigalo imoja mbuli ya nhosa ya kusegesa nzambi,
35 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo zikala sadaka za Elisuli mwanage Shedeuli.
36 Siku ya tano ikala zamu ya Shelumieli mwanage Sulishadai, kilongozi wa kabila da Simeoni.
37 Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
38 na kisahani kimoja cha zahabu kili na uzito wa gilamu gana na longo kuno kimemezigwa ubani,
39 bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
40 na mbuzi mbigalo imoja mbuli ya nhosa ya kusegesa nzambi,
41 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo zikala sadaka za Shelumieli mwanage Sulishadai.
42 Siku da sita ikala zamu ya Eliasafu mwanage Deueli, kilongozi wa kabila da Gadi.
43 Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
44 na kisahani kimoja cha zahabu kili na uzito wa gilamu gana na longo kuno kimemezigwa ubani,
45 bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
46 na mbuzi mbigalo imoja mbuli ya nhosa ya kusegesa nzambi,
47 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo zikala sadaka za Eliasafu mwanage Deueli.
48 Siku da saba ikala zamu ya Elishama mwanage Amihudi, kilongozi wa kabila da Efulaimu.
49 Nhosa zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
50 na kisahani kimoja cha zahabu kili na uzito wa gilamu gana na longo kuno kimemezigwa ubani,
51 bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
52 na mbuzi mbigalo imoja mbuli ya nhosa ya kusegesa nzambi,
53 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo sadaka za Elishama mwanage Amihudi.
54 Siku da nane ikala zamu ya Gamalieli mwanage Pedasuli, kilongozi wa kabila da Manase.
55 Nhosa zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
56 na kisahani kimoja cha zahabu kili na uzito wa gilamu gana na longo kuno kimemezigwa ubani,
57 bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
58 na mbuzi mbigalo imoja mbuli ya nhosa ya kusegesa nzambi,
59 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo zikala sadaka za Gamalieli mwanage Pedasuli.
60 Siku da tisa ikala zamu ya Abidani mwanage Gideoni, kilongozi wa kabila da Benjamini.
61 Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
62 na kisahani kimoja cha zahabu kili na uzito wa gilamu gana na longo kuno kimemezigwa ubani,
63 bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
64 na mbuzi mbigalo imoja mbuli ya nhosa ya kusegesa nzambi,
65 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo zikala sadaka za Abidani mwanage Gideoni.
66 Siku ya longo ikala zamu ya Ahiezeli mwanage Amishadai, kilongozi wa kabila da Dani.
67 Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
68 na kisahani kimoja cha zahabu kili na uzito wa gilamu gana na longo kuno kimemezigwa ubani,
69 na bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
70 na mbuzi mbigalo imoja mbuli ya nhosa ya kusegesa nzambi,
71 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo sadaka za Ahiezeli mwanage Amishadai.
72 Siku ya longo na imoja ikala zamu ya Pagieli mwanage Okilani, kilongozi wa kabila da Asheli.
73 Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
74 na kisahani kimoja cha zahabu kili na uzito wa gilamu gana na longo kuno kimemezigwa ubani,
75 bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
76 na mbuzi mbigalo imoja mbuli ya nhosa ya kusegesa nzambi,
77 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo zikala sadaka za Pagieli mwanage Okilani.
78 Siku ya longo na mbili ikala zamu ya Ahila mwanage Enani, kilongozi wa kabila da Nafutali.
79 Sadaka zake zikala, sahani imoja ya shaba ili na uzito wa kilo imoja na nusu na bakuli imoja ya shaba ili na uzito wa gilamu magana manane, kamba viwapimaga mna dihema ding'ala, ayo isahani na ibakuli vimemezigwa usage ulibule midundulu utibwilizigwe na mavuta mbuli ya nhosa ya ndiya,
80 na kisahani kimoja cha zahabu kili na uzito wa gilamu gana na longo kuno kimemezigwa ubani,
81 na bofu bigalo da ng'ombe, ng'hondolo wa kimbigalo imoja na mwana ng'hondolo wa kimbigalo yeli na mwaka umoja, mbuli ya nhosa ya kusoma moto,
82 na mbuzi mbigalo imoja mbuli ya nhosa ya kusegesa nzambi,
83 na ming'ombe mibigalo mibili, ng'hondolo wa kimbigalo watano, mbuzi wa kimbigalo watano na wana ng'hondolo wa kimbigalo watano wa mwaka umoja mbuli ya nhosa za kugala kuilumba. Azo zikala sadaka za Ahila mwanage Enani.
84 Sadaka zose kwa zose zilavigwe na vilongozi wa Izilaeli mbuli ya uupango wa nhosa siku viulavigwe kwa Mndewa Imulungu zikala, sahani za shaba longo na mbili, bakuli za shaba longo na mbili, na visahani va zahabu longo na mbili.
85 Kila sahani ya shaba ikala na uzito wa kilo imoja na nusu, na kila bakuli ya shaba ikala na uzito wa gilamu magana manane. Avo, viya vose avo vikala na uzito wa kilo malongo mabili na saba na gilamu magana sita kamba viwapimaga mna dihema ding'ala.
86 Avo ivisahani va zahabu longo na vibili vimemile ubani, kila kimoja kikala na uzito wa gilamu gana na longo kamba viwapimaga mna dihema ding'ala, vose kwa vose vikala na uzito wa kilo imoja na gilamu magana madatu na malongo mabili.
87 Wanyama wose wagaligwe mbuli ya nhosa ya kusoma moto wakala ming'ombe mibigalo longo na mibili, na ng'hondolo mbigalo longo na wabili, na wana ng'hondolo wa kimbigalo wa mwaka umoja wakala longo na mbili, hamoja na inhosa ya indiya na mbuzi mbigalo longo na mbili mbuli ya nhosa ya kusegesa nzambi.
88 Wanyama wose wagaligwe mbuli ya nhosa ya kugala kuilumba wakala, ming'ombe mibigalo malongo mabili na wane, ng'hondolo mbigalo malongo sita, mbuzi mbigalo malongo sita na wana ng'hondolo wa kimbigalo wa mwaka umoja malongo sita. Azo zizo sadaka zilavigwe mbuli ya upango wa nhosa, siku viugidiligwe mavuta.
89 Musa viyengile mna dihema da mting'hano ili kulonga na Mndewa Imulungu, kahulika sauti kulawa mwambu wa uchanha wa ingubiko ya disanduku da lagano, hagati ya awo iviumbe wabili weli na mabawa, sauti ayo imulongela.