19
Simeoŋte guru mâreŋ jarembiŋ
1 Eme ʒuhuckerâ mâreŋ rukec qapie Simeoŋte guru, garikiŋ‐jeŋic sâc jaŋere biŋe i Judare guru mâreŋ jarekicne irec ŋondeŋnao fuawec.
2 Ehame hae ʒiŋuc i mâmâc ro rauc embiŋ: Bere‐Seba, Seba, Molada,
3 Haza‐Sua, Bala, Ezem.
4 Elitoladi, Betulu, Horima,
5 Zikilaga, Bete‐Makabo, Haza‐Susa,
6 Bete‐Lebao, â Saruheŋ. Hae kâcɋene 13, erâ kâkâcɋene gâcne.
7 Â gâcne wâc ŋerawec ine ʒiŋuc: Aiŋ, Rimoŋ, Eteri â Asaŋ. Hae kâcɋene 4, erâ kâkâcɋene gâcne.
8 Hae kâkâcɋene â kâcɋene rârec rârec ŋerawec i rofârepie mazi ʒuhuckerâ raku Bala‐Bere hae, Rama hâcne, Negebe mâreŋko ŋekac ira fisiwec. Mâreŋ i hâcne Simeoŋte guru jaŋe garikiŋ‐jeŋic sâc ro rauc embiŋ.
9 Judare mâreŋ dâkâne i Simeoŋte guru jaŋere biŋe ewec. Judare guru jaŋere mâreŋzi kâcɋene jâmbâŋ fowecte Simeoŋte guru jaŋe mâreŋ‐jeŋic dâkâne moc rombiŋ.
Sebuloŋte guru mâreŋ jarembiŋ
10 Ehame ʒuhuckerâ Sebuloŋte guru garikiŋ‐jeŋic sâc mâreŋ rukec qajarepie raku Saridi haeopec fisiwec.
11 Ehame mazi ʒoaŋ huhunaopec Marala haeo fisirâ raku Dabesete haeo iticnewec. Erâ Jokeneam hae maickehuc opâ moc fokac ira fisiwec.
12 Ehuc Saridi haeonec ʒoaŋ wewefunaopec raku Kisolo‐Tabo hae irec ma fotâcnerâ Daberata haeo fisirâ rahuc Jafia haeo fewec.
13 Eme irecnec ʒoaŋ wewefunaopec rahuc Gate‐Hefe hae fotâcnerâ Eta‐Kaziŋ haeo fisiwec. Erâ Rimoŋ haeo rahuc bâŋorierâ Nea haeopec rawec.
14 Eme ma faicne izi bâŋorierâ Hanatoŋ haeopec rahuc Ifitahele wâneŋko mickewec.
15 Ehuc hae ʒiŋuc rorawec: Katati, Nahalali, Simoroŋ, Idala â Betelehem. Hae kâcɋene 12, erâ kâkâcɋene gâcne.
16 Hae kâcɋene â piticne iŋuczi mâreŋ ira ŋerahame Sebuloŋte guru jaŋe garikiŋ‐jeŋic sâc ro rauc embiŋ.
Isasare guru mâreŋ jarembiŋ
17 Eme mocwâc ʒuhuckerâ Isasare guru, garikiŋ‐jeŋic sâc rukec qajarembiŋ.
18 Eme jaŋere mâreŋko hae ʒiŋuc ŋerawec: Jesere, Kesuloti, Sunem,
19 Hafaraim, Sioŋ, Anahara,
20 Rabiti, Kisioŋ, Ebezi,
21 Remeti, EŋGanim, Eŋhada â Bete‐Pazeze.
22 Erâ mazi hae ʒiŋuc mocwâc rocjopawec: Taboro, Sahazima â Bete‐Semesi. Erâ fotâcnerâ rahuc Jordaŋko mickewec. Hae kâcɋene 16, â kâkâcɋene gâcne.
23 Hae kâcɋene â piticne iŋuczi Isasare guru, garikiŋ‐jeŋic sâc mâreŋ ro rauc embiŋ ira ŋerawec.
Asere guru mâreŋ jarembiŋ
24 Ehame ʒuhuckerâ Asere guru, garikiŋ‐jeŋic sâc jaŋere rukec qambiŋ.
25 Eme jaŋere mâreŋko hae ʒiŋuc ŋerawec: Helikata, Hali, Beteŋ, Akisafa,
26 Alamelec, Amada â Misali. Â ʒoaŋ huhunaopec ine Karamele tikio â Libina sohoŋ dodocko fisiwec.
27 Erâ ʒoaŋ wewefunaopec bâŋorierâ Bete‐Dagoŋ haeo rawec. Ehuc Sebuloŋ mâreŋ bâfuawec. Erâ Ifitahele wâneŋ faicpec raku Bete‐Emec â Nejeli ira fisiwec. Ehuc faicpec jaha ʒuhuckerâ raku Kabulu fisiwec.
28 Erâ ʒuhuckerâ hae ʒiŋuc rorawec: Eboroŋ, Rehobo, Hanoŋ, Kana erâ raku Sidoŋ Sâko ira fisiwec.
29 Erâ mazi irecnec bâŋorierâ Rama haeo fisi fotâcnerâ Tiro hae sacsanaŋ‐ticnehec ira fisiwec. Erâ fotâcnerâ Hosa haeo fisiwec. Erâ irecnec raku hâwecko mickewec. Erâ hae ʒiŋuc mâmâc rowec: Mahalaba, Akaʒibi,
30 Uma, Afeke â Rehobo. Hae kâcɋene 22, erâ kâkâcɋene gâcne.
31 Hae kâcɋene â piticne iŋuczi mâreŋ ira ŋerahame Asere guru jaŋe garikiŋ‐jeŋic sâc ro rauc embiŋ.
Naftalire guru mâreŋ jarembiŋ
32 Eme mocwâc ʒuhuckerâ Naftalire guru, garikiŋ‐jeŋic sâc rukec qajarembiŋ.
33 Eme jaŋere mâreŋ mazi Helefe haeonec raku Zananim haeo boriŋfuŋko fisi fotâcnerâ Adami‐Neke â Jabinele hae rocjofahuc fotâcnerâ Lakum haeo fisiwec. Erâ fotâcnerâ raku Jordaŋko mickewec.
34 Eme mazi ʒoaŋ huhunaopec raku Aʒano‐Taboro haeo fisiwec. Erâ irecnec ine Hukoka haeo fisiha Sebuloŋte mâreŋ juwicpec fowec â Asere mâreŋzi ine ʒoaŋ huhunaopec fowec. Ehame ʒoaŋ wewefunaopec ine Jordaŋko fisiwec.
35 Hae sacsanaŋ‐jeŋichec ine ʒiŋuc: Zidim, Zere, Hamati, Rakati, Kinerete,
36 Adama, Rama, Hazoro,
37 Kedesi, Ederei, Eŋ‐Hazoro,
38 Iroŋ, Migidale, Horem, Bete‐Anata â Bete‐Semesi. Hae kâcɋene 19, erâ kâkâcɋene gâcne.
39 Hae kâcɋene â piticne iŋuczi mâreŋ ira ŋerahame Naftalire guru jaŋe garikiŋ‐jeŋic sâc mâreŋ ro rauc embiŋ.
Daŋte guru mâreŋ jarembiŋ
40 Ehame mocwâc ʒuhuckerâ Daŋte guru, garikiŋ‐jeŋic sâc rukec qajarembiŋ.
41 Eme jaŋere mâreŋko hae ʒiŋuc ŋerawec: Zora, Esitaoli, Iri‐Semesi,
42 Salabiŋ, Ajalo, Itala,
43 Eloŋ, Timina, Ekoroŋ,
44 Eliteke, Gibetoŋ, Balata,
45 Jehudu, Bene‐Beraka, Gate‐Rimoŋ,
46 erâ Me‐Jarikoŋ â Rakoŋ. Erâ Jope hae ŋifecnao mâreŋ fowec i mâmâc.
47 Erâ ine Daŋte guru mâreŋ i jowac ropie jaŋe ferâ Lesem hae i ʒika qarâ rombiŋ. Ehuc wiac sasawa ʒikazi jopa mizierâ hae i rohuc ʒâŋe‐ticne apa ŋiric ŋuruc‐jeŋicte wase bahuc Daŋ mumbiŋ.
48 Hae kâcɋene â piticne i Daŋte guru garikiŋ‐jeŋic sâc mâreŋ ro rauc embiŋ ira ŋerawec.
Josua mâreŋ râcnembiŋ
49 Mâreŋ bâtâc bapie tara‐fâreme Israe ŋic jaŋe Nuŋte ŋokâ Josua e wâc moc râcnembiŋ.
50 Ehuc Wofuŋzi mutâcnewec irec sâcko Eferaim tiki mâreŋko Timina‐Sera hae ŋewec i e jahac numu‐jarewecte râcnembiŋ. Eme hae i mocwâc barâ jusanaŋkewec.
51 Taha bapa Eleaʒa â Nuŋte ŋokâ Josua erâ Israe guru garikiŋ‐jeŋic sâc jaŋere micnefâc jaŋe Silo haeo tutumaŋte qoruc boze motâcko Wofuŋte maio mâreŋ rukec qajarekupie tara‐fârewec.