33
Israe ŋic jaŋe teuŋ‐jeŋic sâc ju fofo rambiŋ
1 Israe ŋic gurune gurune jaŋe Mose â Aroŋ jahe micne bajarehapire Aigita mâreŋkonec waha rahuc teuŋ‐jeŋic sâc ju fofo rambiŋ irec ʒâŋe biri ʒira fua rakac.
2 Mose e Wofuŋte micte teuŋ fisimbiŋ sâc irec ʒâŋe biri i qâreŋke‐fârewec. Erâ hata fuŋkerâ rahuc teuŋ sâc fisi rambiŋ irec ʒâŋe biri ʒine hâcne.
3 Israe ŋic jaŋe mosa namba wâŋ irec ʒoaŋ gie bapa 15 ira Ramasesi mâreŋ beherâ rambiŋ. Ine aakic hombaŋ tarame Aigita ŋic jaŋere ʒâŋe faio rambiŋ hâcne.
4 Aigita ŋic jaŋe mârâc motecfâc‐jeŋic Wofuŋzi qâhâmoc‐jopawec jaŋe ducjopahuc domahapie iŋuc embiŋ. Wofuŋ e iŋuc ejarehuc nemufâc‐jeŋic jaŋere fuŋne bataniŋkewec wâc.
5 Israe ŋic jaŋe Ramasesi beherâ raku Sukoti ira fisirâ teuŋ âterâ ŋec foc embiŋ.
6 Sukoti beherâ raku ine Etam mâreŋ burocnere qaŋeŋnao fisirâ teuŋ âterâ ŋec foc embiŋ.
7 Etam mâreŋ beherâ risie raku Baali‐Ʒefoŋ ʒoaŋ wewefunaopec Pi‐Hahiroti hae ŋewec ira fisimbiŋ, ehuc Migidoli ficsanaŋ maickerâ teuŋ âterâ ŋec foc embiŋ.
8 Pi‐Hahiroti beherâ Hâwec Bâbâroŋ fotâcnerâ raku Etam mâreŋ burocnao rahuc juhapie ʒoaŋ jahec â moc tarame Mara opâ ʒâkâŋko fisirâ teuŋ âterâ ŋec foc embiŋ.
9 Mara beherâ raku Elim hae ira fisirâ teuŋ âterâ ŋec foc embiŋ. Elim ira ine opâ ʒâŋe 12 forawec erâ hâmu jâcne 70 doma rawec.
10 Elim beherâ raku Hâwec Bâbâroŋ qaŋeŋnao teuŋ âterâ ŋec foc embiŋ.
11 Hâwec Bâbâroŋ beherâ raku Siŋ mâreŋ burocnao fisirâ teuŋ âterâ ŋec foc embiŋ.
12 Siŋ mâreŋ burocne beherâ Dofaka hae ira fisirâ teuŋ âterâ ŋec foc embiŋ.
13 Dofaka beherâ raku Alusi hae ira fisirâ teuŋ âterâ ŋec foc embiŋ.
14 Alusi beherâ raku Refidim hae ira fisirâ opâ basambiŋ.
15 Refidim beherâ raku Sinai mâreŋ burocnao fisirâ teuŋ âterâ ŋec foc embiŋ.
16 Sinai mâreŋ burocne beherâ raku Kibero‐Hatawa hae ira fisirâ teuŋ âterâ ŋec foc embiŋ.
17 Kibero‐Hatawa beherâ raku Hazeroti hae ira fisirâ teuŋ âterâ ŋec foc embiŋ.
18 Hazeroti beherâ raku Ritama hae ira fisirâ teuŋ âterâ ŋec foc embiŋ.
19 Ritama beherâ raku Rimoŋ‐Pereze hae ira fisirâ teuŋ âterâ ŋec foc embiŋ.
20 Rimoŋ‐Pereze beherâ raku Libina hae ira fisirâ teuŋ âterâ ŋec foc embiŋ.
21 Libina beherâ raku Risa hae ira fisirâ teuŋ âterâ ŋec foc embiŋ.
22 Risa beherâ raku Kahelata hae ira fisirâ teuŋ âterâ ŋec foc embiŋ.
23 Kahelata beherâ raku Sefeli tiki fuŋnao teuŋ âterâ ŋec foc embiŋ.
24 Sefeli tiki beherâ raku Harada hae ira fisirâ teuŋ âterâ ŋec foc embiŋ.
25 Harada beherâ raku Make‐Heloti hae ira fisirâ teuŋ âterâ ŋec foc embiŋ.
26 Make‐Heloti beherâ raku Tahati hae ira fisirâ teuŋ âterâ ŋec foc embiŋ.
27 Tahati beherâ raku Tera hae ira fisirâ teuŋ âterâ ŋec foc embiŋ.
28 Tera beherâ raku Mitika hae ira fisirâ teuŋ âterâ ŋec foc embiŋ.
29 Mitika beherâ raku Hasimona hae ira fisirâ teuŋ âterâ ŋec foc embiŋ.
30 Hasimona beherâ raku Moseroti hae ira fisirâ teuŋ âterâ ŋec foc embiŋ.
31 Moseroti beherâ raku Bene‐Jakaŋ opâ nombâŋ ira fisirâ teuŋ âterâ ŋec foc embiŋ.
32 Bene‐Jakaŋ beherâ raku Horo‐Hagiga hae ira fisirâ teuŋ âterâ ŋec foc embiŋ.
33 Horo‐Hagiga beherâ raku Jotibata hae ira fisirâ teuŋ âterâ ŋec foc embiŋ.
34 Jotibata beherâ raku Abirona hae ira fisirâ teuŋ âterâ ŋec foc embiŋ.
35 Abirona beherâ raku Ezioŋ‐Gebe hae ira fisirâ teuŋ âterâ ŋec foc embiŋ.
36 Ezioŋ‐Gebe beherâ raku Ziŋ mâreŋ burocnao, Kadesi mâreŋko hâcne fisirâ teuŋ âterâ ŋec foc embiŋ.
37 Kadesi beherâ raku Hora tikio, Edom mâreŋ qaŋeŋnao ira fisirâ teuŋ âterâ ŋec foc embiŋ.
38 Eme taha bapa Aroŋ e Wofuŋte micte Hora tikio ferâ ira hâmowec. Ine Israe ŋic jaŋe Aigita mâreŋkonec waharâ juwefukuhapie jara namba 40 irec mosa 5 â irec ʒoaŋ gie bapa wâŋ eha hâmowec.
39 Aroŋ e jara 123 bazurâ Hora tikio hâmowec hâcne.
40 Kanaaŋ ŋicwofuŋ Arada e Negebe wâneŋ Kanaaŋ mâreŋko juhuc, Israe ŋic jaŋe wareŋgopieŋ biŋe iŋuc manawec.
41 Eme Israe ŋic jaŋe Hora tiki beherâ raku Zalimona hae ira fisirâ teuŋ âterâ ŋec foc embiŋ.
42 Zalimona beherâ raku Punoŋ hae ira fisirâ teuŋ âterâ ŋec foc embiŋ.
43 Punoŋ beherâ raku Oboti hae ira fisirâ teuŋ âterâ ŋec foc embiŋ.
44 Oboti beherâ raku Moabi mâreŋ mao Ije‐Abarim hae ira fisirâ teuŋ âterâ ŋec foc embiŋ.
45 Ijim beherâ raku Diboŋ‐Gade hae ira fisirâ teuŋ âterâ ŋec foc embiŋ.
46 Diboŋ‐Gade beherâ raku Alimoŋ‐Dibilataim hae ira fisirâ teuŋ âterâ ŋec foc embiŋ.
47 Alimoŋ‐Dibilataim beherâ raku Nebo tiki ʒoan wewefu‐ticnaopec Abarim tiki mâreŋ ira fisirâ teuŋ âterâ ŋec foc embiŋ.
48 Abarim tiki beherâ raku Moabi wâneŋ Jordaŋ opâ heririŋ Jeriko hae ŋekac ira fisirâ teuŋ âterâ ŋec foc embiŋ.
49 Jaŋe Jordaŋ opâ heririŋnao Bete‐Jesimo hae ira fuŋkerâ raku Abe‐Sitim haeo tarakac Moabi wâneŋ ira teuŋ âterâ ŋec foc embiŋ.
Kanaaŋ mâreŋ ro rauc eniŋte Wofuŋzi mutâcne‐jarewec
50 Eme Wofuŋ e Moabi wâneŋ Jordaŋ opâ heririŋ Jeriko hae ŋekac ira Mose ʒiŋuc âzâcnewec:
51 “Go Israe ŋic ŋokac ʒiŋuc jazac: Ŋoŋe Jordaŋ opâ fotâcnerâ Kanaaŋ mâreŋko raʒinʒepieŋ.
52 Ehuc mâreŋ rune jopa jâpec ejarehuc nemuɋâŋ‐jeŋic qânâ me aeŋ rike dockekicnezi bakicne i henʒaŋ qanʒaŋ‐joparâ furu mâreŋ‐jeŋic ima banʒepieŋ.
53 Erâ no mâreŋ i rauckeniŋte tahac‐ŋopapo, irec ro rauc erâ ira ŋec juc enʒepieŋ.
54 Ŋoŋe ɋâsâi qahuc garikiŋ‐ŋeŋic sâc ro rauc enʒepieŋ. Garikiŋ guru kâcɋene jaŋe mâreŋ kâcɋene jarenʒepieŋ â garikiŋ guru piticne jaŋe mâreŋ piticne jarenʒepieŋ. Ɋâsâi qapie âke fuaocmu sâc rauckenʒepieŋ; mamacfâc‐jeŋic jaŋere ʒâŋe biri forakac irec sâc ro rauc enʒepieŋ hâcne.
55 Me mâreŋ rune jopa jâpec mi ejareniŋmuo ine jaŋe ʒuhuckerâ juhuc, ʒâŋe‐ŋeŋicko siŋuŋzi heâriŋ‐ŋopaekac â ʒârâzi sahac‐ŋeŋic bâpârâckeekac irec sâc eŋarehuc mâreŋ ŋec juc eniŋmu ira fific bacŋopaniŋmu.
56 Ehame no wiac ejarezo manasupo i ŋoŋe hâcne eŋarepemu.”