20
Ŋicwofuŋte nunumu gae hembiŋ
1 Wofuŋ e ʒârâ ʒâpâ dameŋko dâŋge manazejec,
Jakobore Anutuzi sabecguzejec.
2 E tiri ufuŋko juhuc baficguzejec,
â Zioŋkonec dope bâfua‐garezejec.
3 Go taha bacnehuc juekic irec manasuzejec,
â bâzi rikecnehuc juekic i mana biaŋkezejec.
4 Aŋacgezi wiac fâreekac i tahacguzejec,
â mamana birige fokac irec fârine bâfua‐garezejec.
5 Eme ʒikao sanaŋketec saoreŋ qanʒepieŋ,
â Anuture ʒâŋeo filac‐nâŋec fârepene fezejec.
Wofuŋzi nunumuge mana‐fârezejec.
6 Miŋecne manakopac, Wofuŋzi ŋicwofuŋ wokemaŋ ruacnewec e bafickekac;
tiri sambâŋ‐ticnao juhuc manacnekac.
ehuc mefâre‐ticnezi bafickekac.
7 Ŋic gâcne jaŋe keretacko me becâsicko roweckeeŋgopieŋ,
nâŋâc ine Wofuŋ Anutu‐nâŋec ere ʒâŋeo roweckeŋgopeneŋ.
8 Jaŋe rândiŋkerâ waha jopaekac,
nâŋâc ine qiŋ herâ domanaŋmu.
9 O Wofuŋ, go ŋicwofuŋ ʒikao sasanaŋ tahackec.
Wiwira‐nâŋec manazemec.