61
Taicko juhuc ŋicwofuŋte numukicne
1 O Anutu, go wiwira‐nane manac,
nunumu‐nanere hazec râec.
2 Hâhâwicte hobu‐nane taŋtaŋ âeckekac;
mâreŋ qaŋeŋnao domahuc wira‐garekopac.
Qânâ ʒorao, nahac fefenere sâc mi ekac,
ira jowacnu fezemec.
3 Go hâcne sâsâoc‐nane,
râsire maio huec sanaŋ enarekic.
4 Dameŋ sâc gore qoruc bozeo ŋec juc ezapo!
Fakecgere rurumaŋko soŋkerâ juzapo me!
5 O Anutu, go mumupaŋ‐nane manameŋ,
ehuc ʒâŋege araŋ bacneeŋgopieŋ,
jaŋehec merâfâc qikiŋne‐naremeŋ.
6 Ŋicwofuŋ juju‐ticne bâʒorazemec,
eme jara bocjaha jurahuc juzejec.
7 E Anutu gore maio ŋeŋe‐ticnao ŋesanaŋkezejec,
mutecne aki anonoc â jauŋ fârizi hone maiŋ ecnehuc juzejec.
8 Eme no mumupaŋ‐nanere fârine ʒoaŋ sâc bâfuahuc,
ʒâŋege mumumbiaŋ gae hecnehuc jaha juzepac.