60
Ʒikao docke pârâc fuazacte gae ʒi hekicne
(Mi Mâ 108:6–13)
1 Anutu, go behec‐nâpomeŋ, ehuc bâtâtiec‐nâpomeŋ;
go kimbeŋ qanâremeŋ, ʒi mocwâc hefâroc‐nâpoc.
2 Goki mâreŋ itiriŋkekutec fâuckewec;
ʒi suriŋkehuc fokacte fâfâuc‐ticne hemasec.
3 Go gurufâcge ʒâic ŋemâcne bâfua‐jaremeŋ,
go maŋsifuc opâ gumec‐nâpotec nâmbeŋ.
4 Araŋ bagareeŋgopieŋ jaŋe filac âkendâŋne‐jaremeŋ,
râsire tepe wisecnehuc ira qâzuckerâ domaniŋte.
5 Mefâregezi bafic‐nâpohuc nunumu‐nâŋec manac,
eme jorocfâcge jaŋerao bâbâpiaŋ fuazejec.
6 Anutuzi tiri ufuŋ‐ticnao ʒiŋuc muwec:
“No kiwaehuc Sikem hae bâtâc bapemu,
â Sukoti wâneŋ kâdoc qapemu.
7 Gileade rauckekopac, Manase i wâc nore;
Eferaim i momori dunane, Juda i ŋicwofuŋ gunu‐nane.
8 Moabi e kike ʒuʒure râqâc‐nane,
Edomtao kikehuhu‐nane wickepemu,
Filisa mâreŋ saoreŋ qacnepemu.”
9 Mozi hae basanaŋkekicnao bara râecnuocmu?
Mozi Edomko jowacnu raocmu?
10 Anutu, go jâmbomac suŋgiŋ‐nâpomec me?
Go momorifâc‐nâŋec râpec‐jopatec buc jueŋgopieŋ.
11 Râsi jopanaŋte hone bafic enârec;
ŋiczi babafic‐nâpo i fârimâc.
12 Anutuhec sâcne momori wânʒâŋ enaŋmu;
eki râsifâc‐nâŋec ro waha âte ejareocmu.