87
Zioŋ e ŋicne ŋicne jaŋere mame sâko hae biaŋ
1 Anutuzi hae wâtuŋne wickeme huwec,
i tiri tikio ŋekac.
2 Wofuŋ e Zioŋ sacmotâc‐ticnere aŋac‐ticne fokac,
i Jakobore ŋeŋe hae siricke‐fârekac.
3 O Anuture hae qizec,
gore binaŋ baeŋgopieŋ i qeŋ bipinehec.
4 Manacnuŋgopieŋ i gâcne mucjopape: Aigita â Babe;
erâ wâc Filisa mâreŋ â Tiro â Etiopia.
Jaŋe mueŋgopieŋ, “Ŋic kecʒi e ira fuawec.”
5 Zioŋte ine ʒiŋuc mumune:
“Ŋicne ŋicne ira fuambiŋ,”
â Femicne sâkozi hume keteŋ ecnekac.
6 Wofuŋzi ŋicguru qâreŋ‐jopahuc ʒiŋuc râeekac:
“Ŋic kecʒi e ira fuawec.”
7 Eme jaŋe gae wohuc ʒiŋuc heeŋgopieŋ:
“Bâbâpiaŋ‐nane i gorao fofârekac.”