112
Ivugaghae Irari Da Emboro Mo, Emingori
1 Bajari dae sakai saore! Evetu genembo mave Bajari kakara use,
nunda sari ava ari dae mamasa use irá gheraera amo, ivuga ghae irarera.
2 Genembo eveva einda mandi sasingu reighi Israel aminda susu iti fafode edo kokotofu nene arera.
Aminguse, nunda imemesiri gamemesiri aikena esimbugari sirorari barera.
3 Nunda ghaguru aikena moni guguade nene arera, nemokena evovodae digutuse irarira.
4 Gegenembo eveva gaveva emingori, joka ari kakato, kavevera ari kakato,
a kotugo ari dambugo use irá gheraera aikena, tumba jinjanghari ainda jokada usasa janimberaira.
5 Evetu genembo mave komana da benunu ningido totoi sonemberaera,
kotugo mave nenda bisinisi bekáda bekáda use komana jo derae eraera amo, ne ivugaghae irarera.
6 Eveva evetu genembo itako jo gofae arera, nenda binó jo nanjigo dadabae arira.
7 Mema bouvu da binó aindae jo oju ae eraera, ne tumonde gogoghombuse nenda kotari isambu Bajari kena fifituse irá gheraera.
8 Ne janje jo bunedo kotari futo ae eraera, a oju jo ae eraera. God nenda gitofu de sosighi ari garera.
9 Ne babate embokena ivugaghae soro use, jo daghae eraera. Ne genembo kotofuko binoderi.
Ne kakara ururoro irá gheraera.
10 Evetu genembo setena ava, natofo ekoko aimi gido janje ekoko arera,
ne imboe gamboe use, dika gambu ghininji ghananja gharera, avata ne manje tefo arera.
Ne rejodae gigitusera, ainda beká eni jo sorarari baeri.