113
Bajari Da Kavevera Aindae Sakai Saore!
1 Bajari dae sakai saore! Ne Bajari da saramana eraeva, emboimi nunda javo jighivu, erare!
2 Namonde isambu oroko a evovodae Bajari da javo jighoro erare!
3 Iji vitari kena kotugo iji vosari kena Bajari da javo jighivu erare!
4 Bajari nune endada oro oro isambu kaifa eraira.
Nunda duro aimi utu da roera isasambu darigedo iká bekáda irira.
5 Evetu genembo eni Bajari namonde tumonde baingheraera, ainda kaugo tefori. Nu ika bekáda irá gheraira.
6 Avata nu ukuge, utu enda giraira.
7 Makasi embo beká sena vasada iritirá gheraera ava nune jigheari ereraera.
Irari dae jarutuse irá gheraera, rejodae mema eraera ava, nune futuse, ne jigheari ereraera.
8 Aminguse, evetu genembo ava nune sonembeari ne vitido,
nenda natofoda kokotofude umo gaumo edo gheraera.
9 Nune seari, evevetu erova mandi sasingu fufuse, dubo jama edo ivugaghae nenda ofo kamboda irá gheraera.
Bajari dae sakai saore!