28
Sonembada Banungariri.
1 Arie Bajari, nanda sorega kato, nanda kori ningaso dae resena.
Erá dengoro gajeose! Ai resira amo, nanda kori mino jo sae aresa amo,
na ambudo natofo amomonjegedo irera, aminga ava edo irarena.
2 Na sonemba dae sorara erena, ningi! Na nanjigo benunu sise,
ninda vasa kakara ava fuge gosuse, ungo jighono erarira amo, nanda kori ningi!
3 Erama eóso, evetu genembo ekoko mave tefo bekaimi nano namendide eveva irari da geka sise, nenda janje joká mo imboe gamboe ari ava irira, ainde dabade ambeóne!
4 Ne rejo eraera, mino ava mutu baore! Nenda ari ekokoda mino mutu baore!
Nenda ari reju eraera, ainda mino beká ava mutu bu ghamo baore!
5 Bajari rea usira, a rea etiri sirorusira ava, evetu genembo amo ne beká irae ariá koteraera.
Ava gido, Bajari ne dari sirivo e dadabarera.
6 Na sonembadae kori seteno niningusira aindae, Bajari dae sakai saore!
7 Bajari mo, nanda bereri. Namo gagara use, kosege feteraira.
Nanda tumondari isambu numokena futurureono na sonemberaira.
Nanda janje joká ivuga use yaruimi dubo jeuro use, sakai seraena.
8 Nunda natofo da fakina ainda susu mo, Bajari numori. Nunda kini gategusira ava, gaga
9 Arie Bajari, evetu genembo ninda tofo ava esimbuge! Ne nine kaifa use, tavo ururaso, evovodae irore!