52
God, Genembo Ari Ekoko Udo Fusira, Ava Detiri Ambududurusira.
1 Arie kotofuko, ni redae ninda dara eraesa aindae sakai seraesi?
Ni rekato evovodae evetu genembo God tumonderaera, ava katiyavara use, tofo sakai seraesi?
2 Ni kokomana sosighi ari dae manaka garuse irá gheraesa.
Ni aji, a unongu ava seraesa, gharita da dikagori.
Ni sifo ghousa tefo tefo gesire use irá gheraesa.
3 Ni ari eveva gaveva imboe use, ari ekoko ari ava ninda uju bekári.
Kotugo geka beká jo sae irise, gungubo teria futo seraesa.
4 Arie, ni genembo aviva fotatari! Ni nanjigo gekaimi mema mutaso,
komana itatama arira aindae, ivuga aresa.
5 Ava sedo, God ni dari ghamo ruruse iraresa.
Ni reda iresa, aminda ghe God ni saghimbe bu fugarira. Ni diti jebuga iresa, ava sandi bu fugari du degite ambaresa.
6 Avaga nimokena sirorari, evetu genembo irari dambugo ava gido dudukugharera.
Amingedo, ne tuturo edo, nimoa dere jise eminge sarera,
7 “Givu, genembo eregoseva emo, nunda tumondari tofo nunda guguakena fifituse,
nu gugua aimi sonembari, jebuga tambaetira ava kotise, irá ghusira.
Nu jo God kena ambo sosise, fakina bae usira.”
8 Avata namo ika orivi da kaugo, God da kamboda viti irise, igi bababaghuse javuji eraira, amingori.
God na evovodae dubo buraira, ava tumonduse irena.
9 Ni rea usesa ava kotise, na sifo ghousa aiyakoe sise sakai sarena.
Ninda natofo da dombuda na ere fetedo, ni eveva eraesa ava, osa saono ningarera.