83
God Nange Israel Embo Da Gitofu De Atai Duboda Fati Fetaetira, Ainda Benunuri.
1 Arie God, erá beka gote iriose. Erá tumbe tauntaunghe irise, beka baka sae use iriose!
2 Gi! Ninda gitofu osogo nimokena bu refera. Mave ni imboe eraera ábarago nemonde tataya ari dae erera.
3 Ninda natofokena ufena manaka eregarera. Ne ninda natofo tavo tatau eraesa ainde,
tataya ari dae sise, agho ituterera.
4 “Fuvu,” resera, “Oro Israel embo daoro vekaghae sirivo aore!
Amingaoro, Israel embo da javo manjarira.”
5 Ne dubo dabako edo manaka gae, oro mendenide tatedo, nemonde tataya ari dae sise resera.
6 Oro nanjogode tatari sisera, amo eviri: Edom ondi, Ishmael ondi, Moab ondi á Hakri embode dabade.
7 A kotugo Gebal ondi, Ammon ondi, Amalek ondi, Philistia ondi á Tyre embode dabade.
8 Assyria ondi barago kotugo Lot da imendi gamendi Amori embo edo Moab embo seraera ainde tatedo tataya ari dae resera.
9 Midia embo dae rea ava usesa, a kotugo uvu Kislon aminda Sisera nengae Jabin ghaekena rea usesa aminga ava,
oro oroko nembo tegetena aikena, kau daba ava aso dae resena.
10 Ne reighi Endor aminda deteso amomonje getero, nenda tamo bete endada vovosegusira.
11-12 Nenda giti jijighigari Oreb nengae Zeeb ghae kena usesa, kau daba ava e!
Zebah nengae Zalmunna ghae siseri, “Namonde enda é God da tofori ava namondeda tofodae baore!”
Avori, gegenembo etoto naká ava setero ningido, rea usesa, oro tegetena,
ainda babojegari kena avavaga use, daso amomonje gaoro dae resena!
13 God natakoé inono fonja o farava vuji anoso yauraimi bambu kotae kotae gorogheraira aminga ava e!
14 Kau avaraka taimada gambu aviraira aminga ava, a enda fumbarida gambu bubura eraira aminga ava,
15 ninda yaura vovoga aimi ondaso sumbarera, a ninda yaura fakinago bekáimi ondi, oju aore!
16 Arie Bajari, nenda dombu mekai afuruge, ninda fakina ava gido kasama e gogoghombaore!
17 Ne isoroda dedo gaedo ghaoro evovodae ojughae irore! A meka gosudo ya ambore!
18 Bajari iká bekáda, utu enda kaifa eraira, nisuka nimori, ava kasama aore!