82
God Nu Kini (King) Iká Bekádari.
1 Enda da babojegari babai babai nanjigo totorugeraera einda jokáda God nu giti jighiraira.
Amo, enda da kokotofu nenda oro oroimi gungubo sise “namondeda god” sedo ghusera,
nenda dombuda God nunda kotari seari voseraira.
2 Ne evetu genembo ari ekoko eraera ava ijujareva amo, bekáda bekáda use ijujevu!
A ari ekoko embo ava ijujeraesa amo, erá nemo sonembuse, eko arera ava, kivo eose!
3 Ne makasi embo a babate embo gagara use irareva!
Kotugo iti fafo iraede embo barago inonoda kaifa tavo use irareva!
4 Makasi a fakina tefo embo ava ari ekoko embo da ungoda sainghimbe baovo ne jebugarera.
5 Ne rekato bunari a daghari bekári! Ne ghaghi garuse, evovodae kosasa eraeva.
Koto da sifoda geka beká eini jo isagha ae eraira, gungubo vanembori.
6 “Ne god maneri” siseni. Ne isasambu God tomanako iká bekáda irá gheraira ainda sasinguri.
7 Avata ne isambu endada gegenembo amburaera aminga ava ambareva.
Kini nanjogo enda eminda irera aminga ava ambu tefo areva.
8 Ava sedo, Afa God fu, enda é nine ijujase! Oro nanjogo enda eminda irera, isasambu ninda tofori.