95
1-2 Fuvu, ya totorugaore! Bajari kena dubo jeuro use, yaru divore!
Namondeda kaifa a sonemba katokena, ivugaghae beka fainghe sakai saore!
Aminguse, ya Bajari kena tere nunda dombuda fetedo, “aiyakoe” saore!
Ivugaghae aruguse, sakai sise yaru numokena divore!
3 Ainda tuka mo: Bajari God nu iká bekádari.
Nu god mendeni irera, nenda dombu bekádari.
4 Enda isambu nunda tofori. Beku enda jokáda irira amo, nunda fitariri.
Endada doriri fetirira a barago, nunda fitariri.
5 Eva a enda mo, nune setiri sirorusira ava sedo, nune kaifa eraira.
6 Ava sedo, fuvu ya totorugaore!
Bajari namonde setiri sirorusera ainda dombuda, tumoi bainghuse kauboi dadarigaore!
7 Nu namondeda God, a kau sifi (sheep) kaifa kato nunda sifi (sheep) kaifa eraira,
daba aminga ava,
God namonde kaifa eraira.
Oroko God beka sirurari ningareva amo,
8 erama gogore edo, God ighagha eove dae resena.
“Kau nembuamane reighi Meriba aminda usera aminga ava, eove dae sise resena.
Ne reighi uvu a evetu genembo irae vasada,
Masa aminda usera, aminga ava eove!”
9-10 Nembuamane usera aindae, God eminge resira:
“Ne na ighagha edo, nanda fakina ava dere gosuseri.
Ne ghaeko 40 ainda jokáda, nange nanda fakinaimi tavo eno gosusera ava kotae edo,
nanda fakina sekago dere gosuseri.
Na aindae sedo nembua manedae janje eko etiri siseni,
‘Ne na sifo ghousa ighagha eraera, a nanda sari ava jo ningae eraera.’
11 Aminge sedo, na dubo eko etiri,
durumuguse beka gagojuse eminge siseni,
‘Ne jo ya, reighi ne jangutaoro dae sedo, nemokena mutari dae kotisena aminda,
namonde dabade tere jangutae arera,’ aminge siseni.”