19
སི༌མི༌འོན༌ནི༌ མི༌སྡེའ༌ ཏང༌ཁན༌ནི༌ ས༌ཀྱད༌།
19:1-9
1 ཏག༌རིལ༌ གྱུད༌ཏེ༌ ལྡམ༌མ༌ ཛད༌ཁན༌ནི༌ ས༌ཀྱད༌དི༌ ཁག༌ ཉིས༌པ༌ སི༌མི༌འོན༌ནི༌ སྡེའེ༌ མི༌རིགས༌གུན༌ལ༌ ཐོབ༌། ཁོང༌གུན༌ནི༌ ས༌ཀྱད༌ ཡ༌ཧུ༌དཱའེ༌ མི༌སྡེའེ༌ ས༌ཀྱད༌གུན༌ནི༌ སྐོར༌ཏེ༌ ཡོད༌པིན༌།
2 སི༌མི༌འོན༌ནི༌ མི༌སྡེའེ༌ ས༌ཀྱད༌གུན༌ ནི༌ བེར༌ཤེ༌བ༌ ༼ཡང༌ན༌ ཤེ༌བ༌༽, མོ༌ལ༌དཧ༌,
3 ཧ༌ཟར༌ ཤུ༌འལ༌, བ༌ལཧ༌, ཨེ༌ཟེམ༌,
4 ཨེལ༌ཀྲོ༌ལད༌, བེ༌ཐུལ༌, ཧོར༌མཧ༌,
5 ཟིག༌ལག༌, བེཐ༌ མར༌ཀ༌བོཐ༌, ཧ༌ཟར༌ སུ༌སཧ༌,
6 བེཐ༌ ལེ༌བཱ༌འོཐ༌ དང༌ ཤ༌རུ༌ཧེན༌, གྲོང༌ཁྱེར༌ 13 དང༌ ཏེ༌གུན༌ནི༌ ཉེ༌ཁོར༌ལ༌ ཡོད༌ཁན༌ནི༌ གྲོང༌སེབ༌གུན༌ ཨིན༌ནོག༌།
7 ཨའིན༌, རིམ༌མོན༌, ཨེ༌ཐེར༌ དང༌ ཨ༌ཤན༌། གྲོང༌ཁྱེར༌ ཞི༌ དང༌ ཏེ༌གུན༌ནི༌ གྲོང༌སེབ༌གུན༌།
8 ཡང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌, ཐག༌རིང༌ ལྷོ༌ ཆོགས༌སི༌ བའ༌ལཐ༌ བེར༌ ཚག༌པ༌ ཨིན༌ནོག༌ ཀ༌བོའ༌ ནེ༌གེཝ༌ཝི༌ ར༌མཧ༌ཧའང༌ ཟེར༌ར༌ནོག༌། ཏེ༌གུན༌ སི༌མི༌འོན༌ནི༌ སྡེའེ༌ མི༌རིགས༌གུན༌ལ༌ ཐོབ༌ཁན༌ནི༌ ས༌ཀྱད༌གུན༌ ཨིན༌ནོག༌།
9 ཁོང༌གུན༌ལ༌ ཐོབ༌ཁན༌ནི༌ ས༌ཀྱད༌གུན༌ ཡ༌ཧུ༌དཱའེ༌ མི༌སྡེའ༌ ཏངས༌ཁན༌ནི༌ ས༌ཀྱད༌དི༌ ཕྲོའ༌ ཡོད༌ཏེ༌ ཨིན༌ནོག༌ ཅིའ༌ཟེར༌ན༌ ཡ༌ཧུ༌དཱའེ༌ མི༌སྡེའ༌ ཏང༌ཁན༌ནི༌ ཁག༌པོ༌ ཁོང༌གུན༌ནི༌ སྒོས༌དོམ༌མི༌ སང༌ མང༌ང༌ ཡོད༌པིན༌། ཏེ༌བོའེ༌ཕིའ༌ སི༌མི༌འོན༌ནི༌ སྡེའེ༌ མི༌རིགས༌གུན༌ལ༌ ཡ༌ཧུ༌དཱའེ༌ ཡུལ༌ཇོངས༌སི༌ ནང༌ནེ༌ ས༌ཀྱད༌དི༌ ནོར༌སྐལ༌ ཐོབས༌ཏེ༌ ཨིན༌ནོག༌།
ཟེ༌བུ༌ལོན༌ནི༌ མི༌སྡེའ༌ ཏང༌ཁན༌ནི༌ ས༌ཀྱད༌།
19:10-16
10 ཏག༌རིལ༌ གྱུད༌ཏེ༌ ལྡམ༌མ༌ ཛད༌ཁན༌ནི༌ ས༌ཀྱད༌དི༌ ཁག༌ སུམ༌པ༌བོ༌ ཟེ༌བུ༌ལོན༌ནི༌ སྡེའེ༌ མི༌རིགས༌གུན༌ལ༌ ཐོབ༌།
ཟེ༌བུ༌ལོན༌ནི༌ སྡེའེ༌ སན༌ཚམས༌ ས༌རིད༌ གྱལ༌ས༌ ཚག༌པ༌ ལེབ༌བད༌པིན༌།
11 ནུབ༌ ཆོགས༌ལ༌ མ༌ར༌ལཧ༌ གྱལ༌ས༌ནེ༌ དབ༌བེ༌ཤེཐ༌ གྱལ༌ས༌ ཐུགས༌ཏེ༌ ཡོཀ༌ནེའམ༌མི༌ ཉེ༌མོའ༌ ཡོད༌ཁན༌ ལུང༌པ༌ ཚོག༌པ༌།
12 ས༌རིད༌ནེ༌ ཤར༌ ཆོགས༌ ཉི༌མ༌ ཤར༌སའ༌ ཀྱོགས༌ཏེ༌ ཀིས༌ལོཐ༌ ཏྲ༌བོར༌རི༌ ཡུལ༌ཇོངས༌ ཚག༌པ༌, ཏེ༌ཀ༌ནེ༌ ད༌བེ༌རཐ༌ ཡང༌ ཡ༌ཕིའ༌ ཚོག༌པ༌ ལེབ༌།
13 ཏེ༌ནེ༌ ཏེ༌བོ༌ ཤར༌ ཆོགས༌ལ༌ གཱད༌ ཧེ༌ཕེར༌ དང༌ ཨེཐ༌ ཀ༌ཟིན༌ གྱུད༌ཏེ༌ རིམ༌མོན༌ ཚག༌པ༌ ཡང༌ ནེའཧ༌ ཆོགས༌ལ༌ ཀྱོགས༌།
14 ཁོང༌གུན༌ནི༌ བྱང༌ ཆོགས༌སི༌ སན༌ཚམས༌པོ༌ ཧན༌ན༌ཐོན༌ གྱུད༌ཏེ༌ ཨིཕ༌ཏཧ༌ ཨེལ༌ ལུང༌པ༌ ཚོག༌པ༌ ལེབ༌།
15 ཀཏ༌ཏཐ༌, ན༌ཧ༌ལལ༌, ཤིམ༌རོན༌, ཨི༌ད༌ལཧ༌ དང༌ བེད༌ལེ༌ཧེམ༌, གྲོང༌ཁྱེར༌ 12 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌ ཏེ༌ནང༌ང༌ ཐེས༌ཏེ༌ ཨིན༌ནོག༌།
16 ཟེ༌བུ༌ལོན༌ནི༌ སྡེའེ༌ མི༌རིགས༌གུན༌ལ༌ ཐོབ༌ཁན༌ནི༌ ས༌ཀྱད༌དི༌ ནང༌ང༌ ཏེ༌ གྲོང༌ཁྱེར༌གུན༌ དང༌ ཏེ༌ ཉེ༌ཁོར༌རི༌ གྲོང༌སེབ༌གུན༌ ཨིན༌ནོག༌།
ཨིས༌ས༌ཁར༌རི༌ སྡེའ༌ ཏང༌ཁན༌ནི༌ ས༌ཀྱད༌།
19:17-23
17 ཏག༌རིལ༌ གྱུད༌ཏེ༌ ལྡམ༌མ༌ ཛད༌ཁན༌ནི༌ ས༌ཀྱད༌དི༌ ཁག༌ ཞི༌པ༌བོ༌ ཨིས༌ས༌ཁར༌རི༌ སྡེའེ༌ མི༌རིགས༌གུན༌ལ༌ ཐོབ༌།
18 ཁོང༌གུན༌ནི༌ ཡུལ༌ཇོངས༌སི༌ ནང༌ང༌ འི༌ གྲོང༌ཁྱེར༌གུན༌ ཨིན༌ནོག༌,
ཡེཟ༌རེ༌འེལ༌, ཀེ༌སུལ༌ལོཐ༌, ཤུ༌ནེམ༌,
19 ཧ༌ཕ༌རཱའིམ༌, ཤི༌འོན༌, ཨ༌ན༌ཧ༌རཐ༌,
20 རབ༌བིཐ༌, ཀི༌ཤི༌འོན༌, ཨེ༌བེཟ༌,
21 རེ༌མེཐ༌, ཨེན༌ གན༌ནིམ༌, ཨེན༌ ཧད༌དཧ༌ དང༌ བེཐ༌ པཟ༌ཟེཟ༌།
22 སན༌ཚམས༌པོ༌ ཏྲ༌བོར༌, ཤ༌ཧ༌ཟུ༌མཧ༌ དང༌ བེཐ༌ ཤེ༌མེཤ༌ གུན༌ལ༌ ཐུགས༌ཏེ༌ ཡོར༌དཱན༌ ལྩངས༌པོའེ༌ཀ༌ ཚར༌རད༌པིན༌། གྲོང༌ཁྱེར༌ 16 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌ ཨིན༌ནོག༌།
23 ཏེ༌ གྲོང༌ཁྱེར༌གུན༌ དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌ ཨིས༌ས༌ཁར༌རི༌ སྡེའེ༌ མི༌རིགས༌གུན༌ལ༌ ཐོབ༌ཁན༌ནི༌ ནོར༌སྐལ༌ ཨིན༌ནོག༌།
ཨ༌ཤེར༌རི༌ སྡེའ༌ ཏང༌ཁན༌ནི༌ ས༌ཀྱད༌།
19:24-31
24 ཏག༌རིལ༌ གྱུད༌ཏེ༌ ལྡམ༌མ༌ ཛད༌ཁན༌ནི༌ ས༌ཀྱད༌དི༌ ཁག༌ ལྔ༌པ༌བོ༌ ཨ༌ཤེར༌རི༌ སྡེའེ༌ མི༌རིགས༌གུན༌ལ༌ ཐོབ༌།
25 ཁོང༌གུན༌ནི༌ ཡུལ༌ཇོངས༌སི༌ ནང༌ང༌ འི༌ གྲོང༌ཁྱེར༌གུན༌ ཨིན༌ནོག༌།
ཧེལ༌ཀཐ༌, ཧ༌ལི༌, བེ༌ཏེན༌, ཨཀ༌ཤཕ༌,
26 ཨལ༌ལམ༌མེ༌ལེཆ༌, ཨ༌མད༌ དང༌ མི༌ཤལ༌། ནུབ༌ ཆོགས༌སི༌ སན༌ཚམས༌ ཀར༌མེལ༌ དང༌ ཤི༌ཧོར༌ ལིབ༌ནཐ༌ལ༌ ཐུགས༌ཏེ༌
27 ཤར༌ ཆོགས༌ལ༌ བེཐ༌ གྲ༌གོན༌ ཆོགས༌ལ༌ ཀྱོགས༌ཏེ༌ ཐག༌རིང༌ ཨིཕ༌ཏཧ༌ ཨེལ༌ལི༌ ལུང༌པའེ༌ ཟེ༌བུ༌ལོན༌ ཚོག༌པ༌ ལེབ༌། ཏེ༌ཀ༌ནེ༌ ཀ༌བུལ༌, ཡོ༌མ༌ ཆོགས༌ལ༌ བོར༌ཏེ༌ བྱང༌ ཆོགས༌ལ༌ བེཐ༌ ཨེ༌མེག༌ དང༌ ནེའི༌ཨེལ༌ ཚོག༌པ༌།
28 ཡང༌ ཨབ༌གྲོན༌, རེ༌ཧོབ༌, ཧམ༌མོན༌, ཀ༌ནཧ༌ ཡང༌ ཐག༌རིང༌ ཁག༌ཅན༌ གྱལ༌ས༌ སི༌དོན༌ ཚོག༌པ༌།
29 ཏེ༌ནེ༌ ར༌མཧ༌ ཆོགས༌ལ༌ ཀྱོགས༌ཏེ༌ གྱང༌སྐོར༌ ཐོན༌པོ༌ ཏང༌ཁན༌ནི༌ ཏཱ༌ཡིར༌རི༌ གྱལ༌ས༌ ཚག༌པ༌ ལེབ༌ཏེ༌ ཧོ༌སཧ༌ ཆོགས༌ལ༌ ཀྱོགས༌ ཡང༌ མེ༌གྲི༌ཀྲེ༌རིའན༌ནི༌ ཚོ༌ ཡོད༌ས༌ ལེབ༌། ཁོང༌གུན༌ནི༌ ཡུལ༌ཇོངས༌སི༌ ནང༌ང༌ མ༌ཧ༌བལ༌, ཨཀ༌ཟིབ༌,
30 ཨུམ༌མཧ༌, ཨ༌ཕེཀ༌ དང༌ རེ༌ཧོབ༌ གྲོང༌ཁྱེར༌གུན༌ ཨིན༌ནོག༌། གྲོང༌ཁྱེར༌ 22 དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌།
31 ཨ༌ཤེར༌རི༌ སྡེའེ༌ མི༌རིགས༌གུན༌ལ༌ ཐོབ༌ཁན༌ནི༌ ནོར༌སྐལ༌ལི༌ ནང༌ང༌ ཏེ༌ གྲོང༌ཁྱེར༌གུན༌ དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌ ཨིན༌ནོག༌།
ནཕ༌ཐལ༌ལི༌ སྡེའ༌ ཏང༌ཁན༌ནི༌ ས༌ཀྱད༌།
19:32-39
32 ཏག༌རིལ༌ གྱུད༌ཏེ༌ ལྡམ༌མ༌ ཛད༌ཁན༌ནི༌ ས༌ཀྱད༌དི༌ ཁག༌ དྲུག༌པ༌བོ༌ ནཕ༌ཐལ༌ལི༌ སྡེའེ༌ མི༌རིགས༌གུན༌ལ༌ ཐོབ༌།
33 ཁོང༌གུན༌ནི༌ སན༌ཚམས༌པོ༌ ཧེ༌ལེཕ༌ཕི༌ ཉེ༌མོའ༌ ཟའ༌ནན༌ནིམ༌མི༌ ནང༌ང༌ ཡོད༌ཁན༌ འོག༌གི༌ ལྕང༌མ༌ནེ༌ ཨ༌ད༌མི༌ ནེ༌ཀེབ༌ དང༌ ཡབ༌ནེལ༌ གྱུད༌ཏེ༌ ལཀ༌ཀུམ༌ ཚོག༌པ༌ ལེབ༌ཏེ༌ ཡོར༌དཱན༌ནི༌ ལྩངས༌པོའེ༌ཀ༌ ཚར༌རད༌པིན༌།
34 ནུབ༌ ཆོགས༌སི༌ སན༌ཚམས༌ ཨཟ༌ནོཐ༌ ཏྲ༌བོར༌ནེ༌ ཧུཀ༌ཀོཀ༌ ཚག༌པ༌ ཡང༌ ལྷོ༌ ཆོགས༌ལ༌ ཟེ༌བུ༌ལོན༌ནི༌ སན༌ཚམས༌, ནུབ༌ ཆོགས༌ལ༌ ཨ༌ཤེར༌རི༌ སན༌ཚམས༌ དང༌ ཤར༌ ཆོགས༌ལ༌ ཡོར༌དཱན༌ ལྩངས༌པོའ༌ ཐུག༌གད༌པིན༌།
35 གྱང༌སྐོར༌ ཐོན༌པོའེ༌ ནང༌ང༌ ཡོད༌ཁན༌ གྱལ༌ས༌གུན༌ ནི༌ ཟིད༌དིམ༌, ཟེར༌, ཧམ༌མཐ༌, རཀ༌ཀཐ༌, ཀིན༌ནེ༌རེཐ༌,
36 ཨད༌མཧ༌, ར༌མཧ༌, ཧ༌ཟོར༌,
37 ཀེ༌དེཤ༌, ཨེད༌རེའི༌, ཨེན༌ ཧ༌ཟོར༌,
38 ཨི༌རོན༌, མིག༌དལ༌ ཨེལ༌, ཧོ༌རེམ༌, བེཐ༌ ཨ༌ནཐ༌ དང༌ བེཐ༌ ཤེ༌མེཤ༌ གུན༌ ཨིན༌ནོག༌། གྲོང༌ཁྱེར༌ 19 དང༌ ཏེ༌གུན༌ནི༌ ཉེ༌ཁོར༌ལ༌ ཡོད༌ཁན༌ནི༌ གྲོང༌སེབ༌གུན༌།
39 ནཕ༌ཐལ༌ལི༌ སྡེའེ༌ མི༌རིགས༌གུན༌ལ༌ ཏངས༌ཁན༌ནི༌ ས༌ཀྱད༌དི༌ ནང༌ང༌ ཏེ༌ གྲོང༌ཁྱེར༌གུན༌ དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌ ཨིན༌ནོག༌།
དཱན༌ནི༌ སྡེའ༌ ཏང༌ཁན༌ནི༌ ས༌ཀྱད༌།
19:40-48
40 ཏག༌རིལ༌ གྱུད༌ཏེ༌ ལྡམ༌མ༌ ཛད༌ཁན༌ནི༌ ས༌ཀྱད༌དི༌ ཁག༌ རྡུན༌པ༌བོ༌ དཱན༌ནི༌ སྡེའེ༌ མི༌རིགས༌གུན༌ལ༌ ཐོབ༌།
41 ཁོང༌གུན༌ལ༌ ཏངས༌ཁན༌ནི༌ ས༌ཀྱད༌དི༌ ནང༌ང༌ འི༌ གྲོང༌ཁྱེར༌གུན༌ ཨིན༌ནོག༌,
ཟོ༌རཧ༌, ཨེཤ༌ཏ༌འོལ༌, ཨིར༌ ཤེ༌མེཤ༌,
42 ཤའ༌ལབ༌བིན༌, ཨའི༌ཡ༌ལོན༌, ཨིཐ༌ལཧ༌,
43 ཨེ༌ལོན༌, ཏིམ༌ནཧ༌, ཨེཀ༌རོན༌,
44 ཨེལ༌ཏེ༌ཀེཧ༌, གིབ༌བེ༌ཐོན༌, བའ༌ལཐ༌,
45 ཡེ༌ཧུད༌, བེ༌ནེ༌ བེ༌རཀ༌, གཱད༌ རིམ༌མོན༌,
46 མེ༌ཡར༌ཀོན༌, རཀ༌ཀོན༌ དང༌ ཡོཔ༌པའེ༌ འ༌ངོ༌ ཆོགས༌ལ༌ ཡོད༌ཁན༌ནི༌ ཡུལ༌གུན༌ ཨིན༌ནོག༌།
47 ཨིན༌ནའང༌ དཱན༌ནི༌ མི༌སྡེའ༌ ཏེ༌ ས༌ཀྱད༌ ལེན༌ཅེས༌ལ༌ ཀགས༌པོ༌ སོང༌ ཏེ༌བོའེ༌ཕིའ༌ ཁོང༌གུན༌ནི༌ ལེ༌ཤེམ༌མི༌ གྲོང༌ཁྱེར༌ལ༌ སྤུང༌གོལ༌ ཅོས༌ ཡང༌ ཏེ༌ ནང༌ང༌ དུག༌ཁན༌ ཚང༌མ༌ སད༌ཏེ༌ ང༌ཡོག༌ག༌ ཁྱོངས༌ཏེ༌ ཏེ༌ ནས༌སའེ༌ ནང༌ང༌ ཚུགས༌ཏེ༌ དུགས༌ ཡང༌ ཁོང༌རང༌གུན༌ནི༌ ཕ༌མེས༌པོའེ༌ མིང༌ངི༌ གྱབ༌ནེ༌ ཏེ༌བོའ༌ དཱན༌ མིང༌ང༌ ཏགས༌།
48 དཱན༌ནི༌ སྡེའེ༌ མི༌རིགས༌གུན༌ལ༌ ཏང༌ཁན༌ནི༌ ནོར༌སྐལ༌ལི༌ ནང༌ང༌ ཏེ༌ གྲོང༌ཁྱེར༌གུན༌ དང༌ ཏེ༌གུན༌ནི༌ ཉེ༌ཁོར༌རི༌ གྲོང༌སེབ༌གུན༌ ཨིན༌ནོག༌།
ཡོ༌ཤུའ༌ ཏང༌ཁན༌ནི༌ ས༌ཀྱད༌།
19:49-51
49 མི༌སྡེ༌གུན༌ནི༌ པར༌ལ༌ ས༌ཀྱད༌ གང༌པོ༌ བགོ༌ ཚར༌ཏེ༌ སྟིང༌ནེ༌, ཨིས༌ར༌ཨེལ༌པ༌གུན༌ནི༌ ནུན༌ནི༌ བུ༌ཚ༌ ཡོ༌ཤུའ༌ ཁོང༌རང༌གུན༌ནི༌ ཕྲོའ༌ ས༌ཀྱད༌དི༌ ནོར༌སྐལ༌ ཏངས༌།
50 ཡ༌ཝའེ༌ བཀའ༌ སལ༌ཁན༌ ནང༌ཞིན༌ ཁོང༌གུན༌ནི༌ ཡོ༌ཤུའ༌ ཁོའེ༌ ཏོང༌ ཟེར༌ཁན༌ནི༌ གྲོང༌ཁྱེར༌ ཏངས༌། ཡོ༌ཤུའེ༌ ཨེཕ༌ར༌ཡིམ༌མི༌ རི༌ཡུལ༌ ཏིམ༌ནཐ༌ སེ༌རཧ༌ ལྡམས༌ ཡང༌ གྲོང༌ཁྱེར༌བོ༌ ཡང༌སྐྱར༌ རྩིགས༌ཏེ༌ ཏེ༌རུ༌ དུགས༌།
51 བླ༌མ༌ ཨེ༌ལི༌འ༌ཟར༌, ནུན༌ནི༌ བུ༌ཚ༌ ཡོ༌ཤུའ༌ དང༌ ཨིས༌ར༌ཨེལ༌པའེ༌ སྤོན༌བོ༌གུན༌ནི༌ ནོར༌སྐལ༌ལི༌ ཚུལ༌ལ༌ ཤི༌ལོཧའེ༌ ནང༌ང༌ ཡ༌ཝའེ༌ སྐུན༌དུན༌ལ༌ ཁོང༌ ཐུག༌སའེ༌ ཀུར༌རི༌ སྒོའེ༌ཀ༌ གྱན༌ གྱབས༌ཏེ༌ ཏངས༌ཁན༌ནི༌ ས༌ཀྱད༌, ཏེ༌ ཚང༌མ༌ ཨིན༌ནོག༌། ཏེ༌ནེ༌ ས༌ཀྱད༌ བགོས༌ཏེ༌ ཏང༌ཅེས༌པོ༌ ཚར༌།