10
Ãmbõgõ Mõdẽkáyĩ ꞌbã ịsụ́lé rĩ
1 Úpí Ãhãsũwérẽ ꞌbã ãzị́táŋá ꞌbá ãngũ ĩꞌdiní drị̃ celé rĩ kí agá rĩ kí drị̃ gá pírí kpere ꞌbá mĩrĩ tị gâsĩ rĩ kí drị̃ gá ĩndĩ sĩ mụ̃sọ́rọ̃ ꞌbejó.
2 Ãzị́ ãmbogo ãmbogo ĩꞌdi ꞌbã ngalé rĩ kí ãzíla ị́jọ́ Mõdẽkáyĩ ꞌbã ngalé úpí ní dó sĩ ãmbõgõ ĩꞌdidrị̂ ịtụ́jọ́ rĩ kí úsĩ kí Bụ́kụ̃ ãwí drị́ ũpi Médĩyã ꞌbadrị́ Pásĩyã be rĩ gá.
3 Mõdẽkáyĩ Yãhụ́dị̃ gó ru rĩ acá dó ũkpõ sĩ ꞌbá úpí Ãhãsũwérẽ ꞌbã ũngúkú gá námbã ị̃rị̃ sĩ rĩ rú, acá dó ꞌbá Yãhụ́dị̃ drị̂ kí agá ꞌbá ãmbógó la ru ãzíla rụ́ la kụ dó ádrị́pịka ũꞌbí ꞌdã kí agá kụ-kụ̃ ãꞌdusĩku ri ãzị́ múké la ngalé sĩ ꞌbá ĩꞌdidrị̂ kí tãmbajó ãzíla ri ị́jọ́ ásị́ ị̃gbẹ̃ drị̂ jọlé ꞌbá ĩꞌdidrị̂ ꞌbaní pírí.