124
Ãdróŋâ la ꞌbá ĩꞌdidrị̂ kí andre tẽ nĩ
1 Lẽ Ịsịrayị́lị̃ ꞌbã jọ,
Úpí drĩ tá fi agá ãmaní ku la,
2 Sáwã mẹ́rọ́ꞌbá ꞌbã kí ãꞌdị́ ꞌdịjó ãma be rĩ sĩ,
Úpí drĩ tá fi agâ ãmaní ku la,
3 mẹ́rọ́ꞌbá uti kí tánõ ãma kí agá ídri rú ũmbã kí rụlépi ãmaní
ãcí ru ꞌdã sĩ.
4 Ị̃yị́ tị̃lépi rĩ wũ tá nõ ãma ꞌbo
ị̃yị́ kụ̃ tá nõ ãma drĩ ꞌbo,
5 Ị̃yị́ ꞌdelépi kụ̃rụ̃ rĩ,
dị tá nõ ãma trũ ꞌbo.
6 Ãfẽ kí Úpí ní ãwãꞌdĩfô,
ĩꞌdi ꞌbã ãma fẽjó mẹ́rọ́ꞌbá ꞌbadrị́ sĩ ãma ucejó sị́ sĩ ĩzá áni ku rĩ sĩ.
7 Ãma apá ãma cécé ãríŋá ꞌbã ru apájó
ꞌbá ãríŋá ũꞌbãlépi rĩ ꞌbã mãtégõ gá rĩ áni;
Úpí anu mãtégõ rá,
ãma drị̃ dó sĩ mgbọ.
8 Ãzãkoma ãmadrị̂ ãfũ Úpí
ꞌbụ̃ kí ũꞌbãlépi ụ̃nọ́kụ́ be rĩ drị́.