123
Ásị́ ị̃gbẹ̃ zịjó Úpí drị́
1 Úpí, ma ãngũ ndre mị́rụ́,
ma ãngũ ndre ꞌbụ̃gá ãngũ úmvúke mídrị̂ ní adrujó rĩ gá.
2 Ãma ãngũ ndre Úpí Ãdróŋá ãmadrị̂ rụ́:
cécé ãtiꞌbo izonzị rú rĩ ꞌbã kí ásị́ tịjó ãmbógó ĩꞌbadrị́ ũkú ru rĩ drị̃ gá rĩ áni,
ị́jọ́ ꞌdĩ sĩ mịfị́ ãmadrị̂ kí Úpí Ãdróŋá ãmadrị̂ drị̃ gá kpere ĩꞌdiní ãmaní ásị́ ị̃gbẹ̃ iꞌda agá.
3 Mí andré ãmã ízákĩzã fô, Úpí, mí andré ãmã ízákĩzã,
ãꞌdusĩku ũcõgõ ga ãma ásị́ gá tré ála ꞌbání ãma idelé ide idê rĩ sĩ.
4 Ãta idemará ꞌbá ãfó ru rĩ ꞌbã kí sĩ ãma idejó ambamba rĩ ꞌbã tị
ĩkpãŋá ĩꞌbã kí ãma ĩkpãjó rĩ be rá.