126
Ãdróŋá zịjó sĩ ꞌbá unzejó ị́jọ́ ũnzí agá
1 Sáwã Úpí ꞌbã ándrá ãma ujajó vúlé Yẹ̃rụ́sãlẹ́mụ̃ gá rĩ sĩ,
ĩꞌdi ándrá indré urobí la ꞌbã rĩ ãma ũbĩ nĩ rĩ áni.
2 Ãgụ dó ꞌbãngá ãma ãgụ́ŋá sĩ, ãngo dó ꞌbãngá ãma úngó ãyĩkõ drị̂ kí sĩ!
ꞌDã ꞌbã ũngúkú gá, sụ́rụ́ ãzí ri iꞌdó kí dó ị́jọ́ jọlé ãma ụrụꞌbá gá,
jọ kí, “Úpí idé dó ĩꞌbaní ị́jọ́ ãmbógó la ꞌbo yã.”
3 ꞌẼ, ãndá Úpí idé ãmaní ị́jọ́ ãmbógó la rá,
ãyĩkõ ga dó sĩ ãma ásị́ gá ambamba!
4 Úpí, ífẽ ãmaní drị̃lẹ́ba ị̃dị́ fô,
cécé uzogó ꞌbã ị̃yị́ ajíjó áꞌbụ ꞌa nzụlépi rá rĩ agá rĩ áni,
5 ꞌbá ũri salépi mị́ndrẹ ũsũŋá trũ ri
kí mụ ãkónã ũkũnãlé ãyĩkõ sĩ.
6 ꞌBá fụlépi ãmvêlé áwáŋá trũ ũri saŋá gá rĩ
la ãgõ ãkónã ũkũnãŋá gâlé rĩ sĩ ãyĩkõ sĩ
ĩꞌdiní ãgõ agâ ãkónã trũ ꞌdĩgá ꞌdâ.