127
Ásị́ tị̃jó Úpî drị̃ gá ị́jọ́ pírí sĩ
1 Úpí drĩ jó sị nĩ ku,
ãzị́ ꞌbá jó sịlépi rĩ ꞌbã kí ngalé rĩ la adru úyé.
Úpí drĩ táwụ̃nị̃ andre tẽ nĩ ku,
ꞌbá andre la tẽlépi rĩ la tẽ la úyé.
2 Ídrĩ ãzị́ nga ị̃tụ̂rụ̃ sĩ ãkónã ịsụ́jó
iꞌdójó ụ̃ꞌbụ́tị nị́nị́ kpere ị́nị́ ágágá ũrãtáŋá trũ,
mí icó ãko ãzí ịsụ́lé ku rá,
ãꞌdusĩku Úpí la ꞌbá ĩꞌdiní lẽlé rĩ ní ãkónã fẽ nalé rá drĩ táni adru ụ́ꞌdụ́ gá tí.
3 Índre, Úpí la ꞌbání anzị kí fẽ nĩ.
Kí ũyá angálépi ĩꞌdidrị́ ri kî.
4 Anzị tịlé kãrị̃lẹ̃ sĩ ri kí cécé,
ꞌé ꞌbá ãꞌdị́ ꞌdịlépi rĩ ꞌbã drị́ gá rĩ kí áni.
5 ꞌBá anzị trũ ũꞌbí rĩ
ĩꞌdi drị̃lẹ́ba rú;
ĩꞌdi adru cécé ꞌbá ꞌé trũ tré bọ̃lọ́ gá rĩ áni;
drĩ táni ãwã mẹ́rọ́ꞌbá ĩꞌdidrị̂ be dũwánĩ gá, ụ̃rị̃ icó ĩꞌdi rụlé ku.