13
Ãdróŋá zịjó sĩ ãzãkoma aꞌị́jó
1 Úpí, mi dó ị́jọ́ ãvĩ áma drị̃ gá jãꞌdâ kpere íngõpí yã?
Mi dó ími mẹ́lẹ́tị zị̃ mání ụ́ꞌdụ́ si yã?
2 Ma dó ị́jọ́ ta kpere íngõpí?
Ũcõgõ la dó áma ásị́ lị ị̃tụ́ kí ị́nị́ be ụ́ꞌdụ́ íngõpí?
Mẹ́rọ́ꞌbá mádrị̂ kí dó áma ndẽ ụ́ꞌdụ́ sị́ yã?
3 Úpí Ãdróŋá mádrị̂, mí andré drĩ ãngũ márụ́ ꞌdõlé ãzíla mí umvi drĩ ma fô,
Ífẽ mání ũkpó; ífẽ ádrã mání ku fô.
4 Mẹ́rọ́ꞌbá mádrị̂ kí sĩ mụ jọlé la, “Ãndẽ dó ĩꞌdi ꞌbo íni ku,”
Ífẽ ꞌba uꞌá kí ãyĩkõ sĩ mání aꞌdé jó rĩ sĩ ku.
5 Wó áꞌbã ásị́ lẽtáŋá mídrị́ aꞌdélépi ku rĩ drị̃ gá;
áma ásị́ la uꞌá ãyĩkõ sĩ la míní áma pajó rĩ sĩ.
6 Ma úngó ngo míní Úpí,
ãꞌdusĩku mí ábị́ adrulé mání múké.