150
Ãko pírí ꞌbã ịcụ́ kí Úpí ꞌi
1 Ĩmi ịcụ́ Úpí ꞌi!
Ĩmi ịcụ́ Ãdróŋá ꞌi jó ĩꞌdidrị̂ agá!
Ĩmi ịcụ́ ĩꞌdi ꞌbụ̃ gá ãngũ ũkpó ĩꞌdidrị̂ ꞌbã sĩ adrujó rĩ gá!
2 Ĩmi ịcụ́ ĩꞌdi ị́jọ́ ũkpó ĩꞌdi ꞌbã ngalé rĩ kî sĩ;
ĩmi ịcụ́ ĩꞌdi ãmbõgõ ĩꞌdidrị́ ndẽlépi rá rĩ sĩ!
3 Ĩmi ịcụ́ ĩꞌdi gũká vuŋá sĩ;
ĩmi ịcụ́ ĩꞌdi ụ̃ꞌdị́ wereŋá rĩ kî sĩ ụ̃ꞌdị́ ãmbogo rĩ kí abe!
4 Ĩmi ịcụ́ ĩꞌdi kụ́lịmvá sĩ ãzíla úngó tuŋá sĩ;
ĩmi ị̃nzị̃ ĩꞌdi ụ̃ꞌdị́ ndú ndú ꞌdĩ kî sĩ ãzíla jaligó sĩ!
5 Ĩmi ị̃nzị̃ ĩꞌdi aya colé ụ́ꞌdụ́kọ́ ụlépi ụrụgá rĩ kî sĩ;
ĩmi ị̃nzị̃ ĩꞌdi aya colé ụ́ꞌdụ́kọ́ ụlépi cãyĩ-cãyĩ rĩ kî sĩ!
6 Lẽ ãko pírí ídri trũ rĩ ꞌbã ịcụ́ kí Úpí ꞌi!
Ĩmi ịcụ́ Úpí ꞌi!