67
Úngó ãwãꞌdĩfô fẽjó rĩ
1 Ãdróŋá, ími ásị́ ꞌbã adru ãmaní ị̃gbẹ́ ru ãzíla íwi ãmaní sụ̃sụ́,
mí andré ãngũ ãma rụ́ ꞌdõlé ásị́ ị̃gbẹ̃ sĩ fô,
2 ị́jọ́ ꞌdĩ sĩ ꞌbá ụ̃nọ́kụ́ gá ꞌdĩ ꞌbã nị̃ kí dó sĩ ị́jọ́ míní lẽlé rĩ kî,
ãzíla ꞌbá pírí ꞌbã nị̃ kí dó sĩ mi ꞌbá mídrị̂ kí pa íngoní yã rĩ.
3 Ãdróŋá, ꞌbá ꞌbã ịcụ́ kí mi,
ꞌbá pírí ꞌbã ịcụ́ kí mi!
4 Sụ́rụ́ pírí ꞌbã uꞌá kí ãyĩkõ sĩ ãzíla ꞌbã ngo kí míní úngó ãyĩkõ sĩ,
ãꞌdusĩku mi kí ị́jọ́ lị ị́jọ́ pịrị sĩ
ãzíla mi sụ́rụ́ ụ̃nọ́kụ́ gá ri kí drị̃ ce pírí mi ꞌi.
5 Ãdróŋá, ꞌbá ꞌbã ịcụ́ kí mi,
ꞌbá pírí ꞌbã ịcụ́ kí mi!
6 Ãngũ la ãdũ rá;
Ãdróŋá, Ãdróŋá ãmadrị̂ la ãmaní sụ̃sụ́ wi rá.
7 Ãdróŋá wi ãmaní sụ̃sụ́ rá;
ꞌbá pírí ãngũ drị̃ gá rĩ ꞌbã ru kí ĩꞌdi.